Yangiliklar

Диққат танлов! Сурхондарё вилояти адлия бошқармаси томонидан  ИЗГОТОВЛЕНИЕ И МОНТАЖ ОБЪЁМНЫХ БУКВ.(Бўртма харфлар "АДЛИЯ БЎЛИМИ"), ИЗГОТОВЛЕНИЕ И МОНТАЖ ОБЪЁМНЫХ БУКВ(Объемные буквы слова президента тайерлаб бериш), ИЗГОТОВЛЕНИЕ РАМОК ДЛЯ КАРТИН (Картина 0,60x0,90 тайерлаб бериш), ИЗГОТОВЛЕНИЕ И УСТАНОВКА ЛОГОТИПОМ (Логотип нотариус 0,5x0,5 из аликабона тайерлаб бериш), ИЗГОТОВЛЕНИЕ ВЫВЕСОК(Вывеска ахборот бурчаги 0,60x0,80 тайерлаб бериш), ИЗГОТОВЛЕНИЕ ВЫВЕСОК (Кабул кунлари 0,60x0,80 тайерлаб бериш), ИЗГОТОВЛЕНИЕ ВЫВЕСОК(Вывеска из прозрачного оргстекла 0,60x0,80 тайерлаб бериш) бўлган реклама белгиларини ясаб бериш бўйича танлов эълон қилади. Қўшимча маълумотлар dxarid.uzex.uz сайтида. Лот рақами 6938248. 

Диққат танлов! Сурхондарё вилояти адлия бошқармаси томонидан КОНТРОЛЬНЫЙ ОБМЕР. Адлия бошқармасининг маъмурий биноси (ёрдамчи бинолари билан) қурилиши лойиха смета хужжатларида кўрсатилган тартибда қуриб битказилиши юзасидан назорат ўлчови ўтказишбўйича танлов эълон қилади. Қўшимча маълумотлар dxarid.uzex.uz сайтида. Лот рақами 6938310. 

Мавзу: Инсон ҳуқуқлари-энг олий қадрият.

Бизга маълумки, Ўзбекистон Республикаси Президентининг 2018 йил 13 апрелдаги “Ўзбекистон Республикаси Адлия вазирлиги фаолиятини янада такомиллаштиришга доир чора-тадбирлар тўғрисида”ги ПҚ-3666 сонли Қарорига мувофиқ адлия органларининг асосий вазифаларидан бири фуқароларнинг ҳуқуқлари, эркинликлари ва қонуний манфаатларини ҳуқуқий ҳимоя қилиш бўйича чораларни амалга оширишдан иборат.

Ушбу йўналишда Қумқўрғон туман адлия бўлими томонидан ўтган давр мобайнида бир қатор ишлар амалга ошириб келинмоқда. Хусусан, фуқароларнинг манфаатини кўзлаб фуқаролик ишлари бўйича судлар ва маъмурий судларга киритилган аризаларни мисол тариқасида кўрсатиб ўтишимиз мумкин.

 Тумандаги “Боболочин” МФЙда яшовчи фуқаро Камолова Фотиманинг юридик фактни белгилашда амалий ёрдам беришни сўраб қилган мурожаати туман адлия бўлими томонидан ўрганиб чиқилиб, ўрганиш натижаларига кўра фуқаро Камолова Фотиманинг манфаатини кўзлаб юридик фактни белгилаш ҳақида фуқаролик ишлари бўйича Қумқўрғон туманлараро судига ариза киритилди ва ариза суд томонидан қаноатлантирилиб фуқаро Камолова Фотиманинг ҳуқуқларини тиклаш чоралари кўрилди.

Худди шунингдек, тумандаги “Мустақиллик” МФЙда яшовчи фуқаро Тухтамишов Наркобилнинг юридик фактни белгилашда амалий ёрдам беришни сўраб қилган мурожаати туман адлия бўлими томонидан ўрганиб чиқилиб, ўрганиш натижаларига кўра фуқаро Тухтамишов Наркобилнинг манфаатини кўзлаб юридик фактни белгилаш ҳақида фуқаролик ишлари бўйича Қумқўрғон туманлараро судига ариза киритилди ва ариза суд томонидан қаноатлантирилиб фуқаро Тухтамишов Наркобилнинг ҳуқуқларини тиклаш чоралари кўрилди.

Тумандаги “Имомтепа” МФЙда яшовчи фуқаро Исламова Мухаббатнинг юридик фактни белгилашда амалий ёрдам беришни сўраб қилган мурожаати туман адлия бўлими томонидан ўрганиб чиқилиб, ўрганиш натижаларига кўра фуқаро Исламова Мухаббатнинг манфаатини кўзлаб юридик фактни белгилаш ҳақида фуқаролик ишлари бўйича Қумқўрғон туманлараро судига ариза киритилди ва ариза суд томонидан қаноатлантирилиб фуқаро Тухтамишов Наркобилнинг ҳуқуқларини тиклаш чоралари кўрилди.

Туман адлия бўлими томонидан ўтказилган сайёр қабулда тумандаги “Меҳробод” МФЙда яшовчи фуқаро Ўткирова Хадичанинг невараларига туғилганлик ҳақидаги гувоҳнома олишда амалий ёрдам беришни сўраб қилган мурожаати ижобий ҳал этилиб мурожаат муаллифига невараларининг туғилганлиги ҳақидаги гувоҳномалари ёзиб берилди ва мурожаат муаллифи ўз миннатдорчилигини билдириб ташаккурнома тақдим этди.

Адлия бўлими томонидан ўтказилган сайёр қабулда тумандаги “Хўжамулки” МФЙда яшовчи фуқаро Бойпўлатов Сафарнинг чорвачиликни ривожлантириш учун 18 миллион сўм кредит ажратишда амалий ёрдам беришни сўраб қилган мурожаати туман адлия бўлими томонидан назоратга олиниб ижобий ҳал этилди ва мурожаат муаллифи ўз миннатдорчилигини билдириб ташаккурнома тақдим этди.

Тумандаги мактабгача таълим муассасасининг бир гуруҳ ходимларининг иш ҳақлари тўлиқ берилмаётганлиги ҳақидаги мурожаати туман адлия бўлими томонидан назоратга олиниб қисқа муддатда ижобий ҳал этилди ва ходимларнинг 8 миллион сўмга яқин тўланмасдан турган маблағлари ундириб берилди.

Туман адлия бўлими томонидан ўтказилган сайёр қабулда тумандаги “Қорсакли” МФЙда яшовчи фуқаро Донаева Анорнинг невараларига туғилганлик ҳақидаги гувоҳнома олишда амалий ёрдам беришни сўраб қилган мурожаати ижобий ҳал этилди ва мурожаат муаллифи ташаккурнома тақдим этди.

Адлия бўлими томонидан ўтказилган сайёр қабулда тумандаги “Меҳробод” МФЙда яшовчи фуқаро Пардаева Гулистонинг хонадони учун газ балони олишда амалий ёрдам беришни сўраб қилган мурожаати ижобий ҳал этилди ва мурожаат муаллифи туман газ таъминоти хизмати томонидан бир дона газ балони билан таъминланди.

Туман адлия бўлимига тумандаги “Тўғон” МФЙда яшовчи фуқаро Чориев Жуманазарнинг хонадонида фойдаланаётган электр энергияси учун тўланган пул маблағлари умуман ҳисобга олинмаётганлиги ҳақидаги мурожаати туман адлия бўлими томонидан назоратга олиниб ижобий ҳал этилди ва мурожаат муаллифи ташаккурнома тақдим қилди.

Юқорида баён этилгани каби адлия бўлимларининг инсон ҳуқуқ ва эркинликларини таъминлашга қаратилган саъй ҳаракатлари мамлакатимизда инсон ҳуқуқлари энг олий қадрият сифатида эътироф этилаётганлигидан далолат беради.

Адлия органларининг асосий вазифаларидан яна бири ҳуқуқий тарғиботни амалга ошириш, аҳолига қабул қилинаётган қонун ҳужжатларининг моҳияти ва аҳамиятини етказиш, аҳолининг ҳуқуқий саводсизлигини йўқ қилиш бўйича чора-тадбирларни амалга ошириш, шунингдек давлат органлари ва ташкилотларининг ҳуқуқий тарғибот соҳасидаги ишларини мувофиқлаштириш ҳисобланади.

Ушбу йўналишда ҳам туман адлия бўлими томонидан жамиятимизда фуқароларнинг ҳуқуқий онгини ошириш ва ҳуқуқий маданиятини юксалтириш юзасидан маҳаллалар, ташкилотлар ва муассасаларда тумандаги хуқуқни муҳофаза қилувчи идоралар ва бошқа ҳамкор ташкилотлар билан биргаликда доимий равишда ҳуқуқий тарғибот ишлари амалга ошириб келинмоқда.

Қумқўрғон туман адлия бўлими

Диққат танлов! Сурхондарё вилояти адлия бошқармаси томонидан Коммуникационный шкаф. Оптик толали интернет тармоғи ўтказиш учун коммуникация шкафи ва қўшимча қурилмалари билан Оптический Одеф, Оптический модул (Основные характеристики: 10GBASE-LR/LW 10G Ethernet; поддерживает скорости 9.95Gb/s до 11.1Gb/s; «горячая » замена; максимальная дальность связи 300м; 850nm EML/DFB лазер, не требующий дополнительного охлаждения; LC – connector; рассеиваемая мощность <2.5 Вт; поддержка функций цифровой диагностики;
рабочая температура 0…+70 °C.). Оптический пиксел. Шкаф (Шкафы EW серии предназначены для установки телекоммуникационного оборудования. Изготовлены по высокоточной технологии из высококачественного стального листа холодной прокатки с толщиной несущего профиля 1,5 мм и 1,0 мм остальных составляющих. Имеют качественное порошковое покрытие с предварительным фосфатированием поверхности. Конструкция шкафов повышенной прочности с возможностью напольной установки, позволяющая монтировать оборудование весом до 30 кг. Ввод кабеля с нижней, верхней и тыльной стороны корпуса. Предусмотрены отверстия для установки активного охлаждения (для двух вентиляторов по 120мм); Угол поворота передней двери на 180 градусов; Поставляется в разобранном виде в коробке из 5-ти слойного гофрокартона; Данное оборудование соответствует высоким требованиям к качеству по международным стандартам: ANSI/EIA RS-310-D, IEC60297-2, DIN41494;PART1, DIN41494;PART7. ). LAN модем ZTE ZXHN H118N (TIHGW-H118N) 4 желтых порта. бўлган хусусиятли комутаторни сотиб олиш бўйича танлов эълон қилади. Қўшимча маълумотлар dxarid.uzex.uz сайтида. Лот рақами 5031306. 

Жорий йилнинг 9 август куни  Сурхондарё вилояти адлия бошқармасида ҳуқуқий муаммоларни аниқлаш борасидаги ишларни тизимлаштириш ва бунда юридик хизмат ходимларини роли мавзусида давра суҳбати ташкил этилди. Ушбу соҳада жорий йилнинг 15 июлида қабул қилинган вилоят ҳокимининг 327-сонли қарори ижросини ташкиллаштириш ва адлия бошқармаси ва туман (шаҳар) адлия бўлимларининг ижтимоий-иқтисодий соҳада ҳуқуқни қўллаш амалиётини ўрганиш бўйича вилоятдаги давлат бошқаруви органлари, маҳаллий давлат ҳокимияти органлари, ҳуқуқни муҳофаза қилувчи  органлар билан ҳамкорлик йўналишлари келишиб олинди.
Давра суҳбати давомида адлия вазирлиги томонидан вилоятимизда фаолият кўрсатиб келаётган 6 нафар юридик хизмат ходимига берилган мартаба даражалари топширилди.

Ҳуқуқий экспертиза ва юридик хизматларнинг 
фаолиятини мувофиқлаштириш бўлими бошлиғи                                           Ғайрат Тиловқобилов

СУРХОНДАРЁ ВИЛОЯТ АДЛИЯ БОШҚАРМАСИ ТИЗИМИДАГИ

МАВЖУД БЎШ ИШ ЎРИНЛАРИ ҲАҚИДА МАЪЛУМОТ

10.08.2019 й. ҳолатига

Ойлик иш ҳақидан ташқари ижтимоий ҳимоялашга қаратилган қуйидаги чоралар ва тўловлар таъминланади:

- ойлик иш ҳақига мартаба даражалари учун ва кўп йиллик хизмати учун қўшимчалар (бундан ташқари, мукофот пули, моддий ёрдам ва бошқалар) қўшиб борилади;

- адлия органлари ходимларига бериладиган махсус унвон – мартаба даражалари берилади;

- ходимларнинг озиқ-овқат харажатларини қисман қоплаш учун ҳар ойлик компенсация тўлови (энг кам ойлик иш ҳақи миқдорида);

- Меҳнат кодексида белгиланган 6 та байрам ва 4 та чорак якунлари бўйича ойлик иш ҳақи фонди миқдорида мукофот пуллари;

- ходим таътилга чиққанда икки ойлик иш ҳақи фонди миқдорида моддий ёрдам пули;

- ходимга оилавий шароитига кўра ижтимоий муҳофаза қилиш тарзидаги пул маблағи (энг кам ойлик иш ҳақининг 5 баравари миқдорида);

- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида)

- турли хил концерт ва театрларга чипталар ҳамда ички туризм, санаторий ва бошқа даволаш муассасаларига, шунингдек болалар оромгоҳларига йўлланмалар;

- уй-жой шароитларини яхшилашга муҳтож бўлган ходимларга уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш;

- ходимларга уй-жойларни ижарага олганлик (ижарада турганлик) учун компенсация тўлови;

Танловда иштирок этиш истагини билдирган номзодлар 2019 йил 1 сентябрь кунига қадар ўз шахсий варақасини surxondaryo@minjust.gov.uz электрон почтасига ёки Сурхондарё вилоят адлия бошқармаси Кадрлар бўлимига юборишлари лозим. Юборилаёган маълумотномада номзоднинг яшаш манзили ва телефон рақамлари тўғрисидаги ҳамда қайси иш ўрнига ҳужжат топшириш истаги ҳақидаги маълумотлар ҳам экс эттирилиши керак.

Мустақилликнинг 28 йиллиги «Жонажон Ўзбекистоним,

мангу бўл омон!»

Мустақилликнинг 28 йиллиги байрамининг бош ғояси «Жонажон Ўзбекистоним, мангу бўл омон!» .

Ўзбекистоннинг давлат мустақиллигига эришиши унинг ижтимоий-иқтисодий, сиёсий, маданий ва маърифий янгиланиш истиқболлари  режаларини белгилаб берган.

Ўзбекистон президенти Шавкат Мирзиёев 2019 йил  8 июль куни давлат мустақиллигининг 28 йиллик байрамига тайёргарлик кўриш ва уни ўтказиш тўғрисидаги қарорини имзолади Қарор асосида давлат мустақиллиги байрамига тайёргарлик кўриш ва уни ўтказиш бўйича республика комиссиясининг таркиби тасдиқланди.

Комиссияга бир ҳафталик муддатда «Жонажон Ўзбекистоним, мангу бўл омон!» деган бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастурини ишлаб чиқиш топширилди.

Мазкур дастурда 2017−2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, шунингдек, «Фаол инвестициялар ва ижтимоий ривожланиш йили» давлат дастури, «Обод қишлоқ», «Обод маҳалла», «Ҳар бир оила — тадбиркор», «Ёшлар — келажагимиз», «Беш ижобий ташаббус» каби муҳим дастур ва режалар доирасида олиб борилаётган туб ислоҳотларнинг маъно-мазмуни ва руҳи мужассам этилишига алоҳида эътибор қаратилади.

Комиссия томонидан Қорақалпоғистон Республикаси, вилоятлар ва Тошкент шаҳрида Мустақиллик байрамига бағишлаб аҳолининг кенг қатламлари ўртасида маърифий учрашувлар, очиқ мулоқот ва суҳбатлар, адабий-бадиий кечалар, долзарб мавзулар бўйича фикр алмашувлар, маданий тадбирларни самарали ўтказиш мақсадида таниқли олимлар, ижодкор зиёлилар ва санъаткорлардан иборат тарғибот гуруҳлари ташкил этилиши белгиланган.

Байрам арафасида истиқлолни тараннум этадиган энг яхши қўшиқ ва мусиқа асарлари учун «Ягонасан, муқаддас Ватан!» республика танловининг якуний босқичи ҳамда «Энг улуғ, энг азиз», «Ранглар жилосида — она диёр», «Ватан учун яшайлик!» каби анъанавий кўрик-танловлар ўтказилиши ҳам белгиланган.

Тошкент шаҳрида бўлиб ўтадиган асосий тадбирларга тайёргарлик жараёни “Ўзбекистон” халқаро анжуманлар саройида олиб борилмоқда.

Мустақилликнинг 28 йиллиги муносабати билан “Жонажон Ўзбекистоним, мангу бўл омон!” шиори остида ўтказиладиган, бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари кенг қамровда олиб борилмоқда.

       Халқимиз учун энг улуғ, энг азиз айём, Ватанимиз мустақиллигининг йигирма саккиз йиллигини катта тайёргарлик билан кутиб олиш, бу қутлуғ санани унинг моҳияти ва аҳамиятига, халқимизнинг фидокорона меҳнати, эзгу орзу-интилишларига муносиб тарзда нишонлашга барча имкониятлардан фойдаланилмоқда. 

 Вилоят адлия бошқармасининг

 Ижтимоий-иқтисодий соҳада ҳуқуқни

қўллаш амалиётини ўрганиш бўлими

Мулк ҳуқуқи ҳимояси кучайтирилди

Ижтимоий таромоқларда жисмоний ва юридик шахсларга тегишли бўлган уй-жой ва бино-иншоотлар бузилиши оқибатида компенсация пули ўз вақтида тўланмаганлиги, ер участкаси ажратиб берилмаганлиги аҳоли орасида норозиликлар келтириб чиқарганлиги ҳақида кўплаб мақолалар эълон қилинди.

Аҳоли ўртасида норозиликларга сабаб бўлган ҳолатларни бартараф этиш, уй-жой ва бино-иншоотларнинг бузилишини тартибга солиш мақсадида Президентимиз томонидан 2019 йил 3 август куни “Фуқаролар ва тадбиркорлик субьектларининг мулк ҳуқуқи кафолатланишини сўзсиз таъминлаш бўйича қўшимча чора-тадбирлар тўғрисида” Ф-5491-сонли фармойиш қабул қилинди.

Фармойишга кўра, 2019 йил 5 августдан бошлаб, фуқаролар ва тадбиркорлик субъектларининг ер участкаларини олиб қўйиш ҳамда кўчмас мулк объектларини бузиш ишлари 3 босқичда амалга оширилиши қатъий белгиланди.

Биринчи босқичда, ҳокимлар томонидан бузилиши режалаштирилган ҳудуд бўйича материаллар тўплами Вазирлар Маҳкамасига киритилади; иккинчи босқичда, Вазирлар Маҳкамасида шаҳарсозлик талаблари бўйича ва молиявий ҳисоб-китоблар бўйича хулосалар тайёрланади; учинчи босқичда, хулоса Бош вазирга кўриб чиқиш ва қарор қабул қилиш учун киритилади.

Шунингдек, мазкур фармойишга асосан, ер участкалари олиб қўйилиши муносабати билан фуқаролар ва тадбиркорлик субъектларига етказилган зарар миқдорини хатловдан ўтказиш бўйича республика мувофиқлаштирувчи ишчи гуруҳи ва ҳудудий ишчи гуруҳлар таркиби, хатловдан ўтказишга кўмаклашиш учун ҳудудларга бириктириладиган масъуллар рўйхати, хатловдан ўтказиш ҳамда уларни қоплашда йўл қўйилаётган камчиликларни бартараф этиш бўйича “йўл харитаси” тасдиқланди.

Фармойиш билан хатловдан ўтказиш бўйича ишчи гуруҳга фуқаролар ва тадбиркорлик субъектларига етказилган зарарларни жойларга чиққан ҳолда хатловдан ўтказиб, уларнинг қонунчиликка мувофиқ бозор қиймати асосида ҳаққоний ва адолатли миқдорини белгилаш; етказилган зарарларни қоплашнинг аниқ манбалари белгиланиш, агар зарар мансабдор шахснинг ноқонуний қарори қабул қилиниши оқибатида етказилган бўлса – мазкур мансабдор шахслардан регресс тартибида ундириб олиш; айбдор мансабдор шахсларга жавобгарлик чоралари кўриш ҳамда қонун ҳужжатлари нормаларини янада такомиллаштириш юзасидан аниқ таклифлар ишлаб чиқилиш вазифаси топширилди.

Фармойишга асосан Вазирлар Маҳкамасига бир ой муддатда давлат дастурлари, йирик инвестиция ва бошқа лойиҳаларни ҳудуддаги кўпчилик аҳолининг фикрини инобатга олган ҳолда амалга ошириш, ер участкалари олиб қўйилишида уларда жойлашган кўчмас мулк объектларининг мулкдорлари билан очиқ муҳокамалар ўтказган ҳолда, биринчи навбатда, эскирган ва авария ҳолатидаги уй-жой фонди объектлари, шу жумладан фойдаланилмаётган объектлар билан банд бўлган ер участкаларини танлаб олиш, ҳокимлар томонидан ер участкаларини олиб қўйиш ҳақида қарор қабул қилиш учун ушбу ҳудудда жойлашган турар ва нотурар кўчмас мулк объектлари мулкдорларининг розилигини олиш ҳамда ер участкаси олиб қўйилиши оқибатида етказилган зарарни қоплаш бўйича ёзма келишув тузишни назарда тутувчи қарор қабул қилиш белгиланди.

Шунингдек, ер участкалари ноқонуний олиб қўйилганлиги муносабати билан мулкдорларга зарар етказилганлиги учун мансабдор шахсларнинг жавобгарлигини кучайтириш юзасидан Қонун лойиҳаси ишлаб чиқилиши ҳам топширилди.

Хулоса ўрнида, ўз вақтида қабул қилинган мазкур фармойиш мулк эгаларининг қонуний ҳуқуқ ва манфаатлари янада мустаҳкам ҳимоя қилинишини таъминлашга хизмат қилишини таъкидлаш лозим.

Термиз шаҳар 2-сон давлат

нотариал идораси нотариуси                                Х.Бобоқулов

Туман адлия бўлимининг аралашувидан сўнг таътил пуллари тўлаб берилди.

Хусусан, Олтинсой тумани, "Оқарбулоқ" маҳалласида яшовчи фуқаро М.Имомованинг Олтинсой туман тиббиёт бирлашмасида хамшира вазифасида ишлашлигинги маълум қилиб, туман тиббиёт бирлашмаси томонидан ҳомиладорлик ва туғиш таътили пуллари берилмаётганлигидан норози бўлиб Адлия вазирлигига pm.gov.uz орқали йўллаган мурожаати ўрганиб чиқилди.

 Ўрганиш жараёнида, фуқаро М.Имомованинг ҳомиладорлик ва туғиш таътили пуллари туман тиббиёт бирлашмаси томонидан берилмай келаётганлиги аниқланиб, Олтинсой туман адлия бўлимининг аралашуви билан фуқаро М.Имомованинг ҳомиладорлик ва туғиш таътили учун ҳисобланган 1 655 000 сўм пули туман тиббиёт бирлашмасидан тўлаб берилиб, мурожаат тўлиқ қаноатлантирилди.

“Давлат томонидан ҳимоячи билан таъминлаш асослари” мавзусида

Ўзбекистон Республикаси “Адвокатура тўғрисида”ги Қонуннинг
9¹-моддасида, адвокатлик фаолияти адвокат ва ишонч билдирувчи шахс (ҳимоя остидаги шахс) ўртасида тузиладиган юридик ёрдам кўрсатиш тўғрисидаги битим (шартнома) асосида амалга оширилиши, ишонч билдирувчи шахс (ҳимоя остидаги шахс) томонидан адвокатга тўланадиган ҳақ ва адвокатнинг топшириқни бажариш билан боғлиқ харажатларини компенсация қилиш юридик ёрдам кўрсатиш тўғрисидаги битимда (шартномада) назарда тутилган тартибда ҳамда муддатларда тегишли адвокатлик тузилмасининг кассасига кирим қилиниши ёки адвокатлик тузилмасининг банкдаги ҳисобварағига ўтказилиши шартлиги белгиланган.

Гумон қилинувчи, айбланувчи ёки судланувчига адвокатлар томонидан юридик ёрдам кўрсатиш бўйича харажатларни давлат ҳисобига ўтказиш тартиби тўғрисидаги Низомнинг (рўйхат рақами 1878, 2008 йил 2 декабрь)
1-бандига кўра, Ўзбекистон Республикаси Жиноят-процессуал кодексининг 50-моддасига, Ўзбекистон Республикасининг “Адвокатура тўғрисида”ги Қонунининг 11-моддасига ва Ўзбекистон Республикаси Вазирлар Маҳкамасининг “Адвокатлар томонидан кўрсатилган юридик ёрдам учун давлат ҳисобидан ҳақ тўлаш механизмини такомиллаштириш чора-тадбирлари тўғрисида” 2008 йил 20 июндаги 137-сонли қарорига асосан, гумон қилинувчи, айбланувчи ёки судланувчи адвокатлар томонидан кўрсатилган юридик ёрдам учун харажатлардан озод қилинган ҳолларда юридик ёрдам учун харажатлар давлат ҳисобига ўтказилади.

Низомнинг 2-бандида гумон қилинувчи, айбланувчи ёки судланувчига адвокат томонидан юридик ёрдам кўрсатиш бўйича харажатларни давлат ҳисобига ўтказиш учун асос бўлиб, юридик ёрдам учун ҳақ тўлашдан озод қилиш тўғрисидаги суриштирувчи, терговчи, прокурорнинг қарори, суднинг ажрими ҳисобланиши белгиланганлиги, оиласида ҳар бир оила аъзосига тўғри келадиган ялпи ойлик даромад юридик ёрдам кўрсатилганлиги учун ҳақ тўлашдан озод қилиш тўғрисида қарор (ажрим) қабул қилинган кундаги энг кам ойлик иш ҳақининг 1,5 бараваридан ортиқ бўлмаган шахслар адвокатлар томонидан юридик ёрдам кўрсатилганлиги учун гумон қилинувчи, айбланувчи ёки судланувчининг иш жойидан берилган охирги ўн икки ойлик даромади тўғрисидаги маълумотнома мавжуд бўлган тақдирда, уни илова қилган ҳолда яшаш жойидаги маҳалла, овул, қишлоқ фуқаролар йиғини ёки фуқаролар йиғини томонидан ваколатланган комиссия томонидан берилган хулосага асосан ҳақ тўлашдан озод қилинади ва харажатлар давлат ҳисобига ўтказилади.

Ушбу банднинг биринчи хатбошисида кўрсатилган ҳужжатларни тўплаш мажбурияти суриштирувчи, терговчи, прокурор ва судга юклатилади. Ушбу ҳужжатлар суриштирувчи, терговчи, прокурор ва судга гумон қилинувчи, айбланувчи ва судланувчи ёки уларнинг қариндошлари томонидан ҳам тақдим этилиши мумкин.

Кечиктириб бўлмайдиган тергов ҳаракатларини амалга ошириши шарт бўлган муддатларда кўрсатилган ҳужжатларни тўплаш имконияти бўлмаса суриштирувчи, терговчи, прокурор бу ҳужжатларни келгусида тўплаш билан гумон қилинувчи ва айбланувчини юридик ёрдам учун тўловдан озод этишга ҳақлидир.

Гумон қилинувчи, айбланувчи ва судланувчини юридик ёрдам учун тўловдан озод этишга асослар мавжуд эмаслиги фактлари аниқланса, адвокатлар томонидан кўрсатилган юридик ёрдам бўйича харажатларини қоплаш ҳукм қилинганга юклатилади.

Адвокатлар томонидан юридик ёрдам кўрсатилганлиги учун адвокатлик тузилмаси тегишли молия органига мурожаат қилгандан кейин ўттиз кундан кечикмай Молия вазирлигининг қарор (ажрим) чиқарган орган жойлашган жойдаги Ғазначилиги ҳудудий бўлинмаси орқали Давлат бюджетининг харажатлари параметрларида назарда тутилган маблағлар ҳисобидан ҳақ тўланиши ушбу Низомга иловага мувофиқ шакл бўйича кўрсатилган юридик ёрдам тўғрисидаги маълумотномага асосан амалга оширилади.

Ҳуқуқий хизмат кўрсатишни давлат

томонидан тартибга солиш бўлими

етакчи маслаҳатчиси