Yangiliklar

Adliya vaziri o‘rinbosari M.Istamov Surxondaryo viloyatiga tashrifi davomida  O‘zbekiston Respublikasi Prezidentining 2025-yil 8-sentabrdagi PQ–270-son “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida” qarori mazmun-mohiyati yuzasidan seminar o‘tkazdi.

Seminarda viloyatdagi huquqni muhofaza qiluvchi organlar -  sud, prokuratura, Ichki ishlar organlari, tergov va surishtiruv organi xodimlari va boshqa manfaatdor tashkilotlar ishtirok etishdi.

Uchrashuv davomida “E-ekspertiza” axborot tizimi orqali elektron hujjat almashinuvini joriy etish tartibi, sud-ekspertiza jarayonlarini texnik va huquqiy jihatdan yangilash, ekspertizalarda raqamli texnologiyalar va sun'iy intellektdan foydalanishning afzalliklariga urg‘u berilib, ushbu qarorni to‘g‘ri va to‘liq tatbiq etishga doir vazifalar belgilab olindi.

Surxondaryoda 765 nafar shaxsning o‘zboshimchalik bilan egallab olingan yer uchastkalariga hamda ularda qurilgan bino-inshootlarga bo‘lgan huquqlari e'tirof etildi.

✅Xalq deputatlari Surxondaryo viloyati Kengashining joriy yil 15-sentabr kungi navbatdagi sessiyasida fuqarolarning yer uchastkasiga bo'lgan ijara huquqini hamda unda qurilgan bino va inshootga bo'lgan mulk huquqini eʼtirof etish masalasi ko'rib chiqildi.

✅Mazkur sessiyada jami 765 nafar fuqaroning yer va mulkka bo'lgan huquqlarini e'tirof etish bo'yicha kengash qarori qabul qilindi.

✅Qonun ijrosi natijasida fuqarolar va tadbirkorlarning mulklari qonuniylashtiriladi, fuqarolar o‘rtasidagi mulkiy nizolar, shu jumladan meros bilan bog‘liq nizolarga yechim topiladi, eng muhimi aholining kayfiyatiga ijobiy ta’sir ko‘rsatadi.

✅Ma’lumot uchun, qonun ijrosi bo‘yicha shu kunga qadar viloyatimizda 1 417 nafar fuqaroning yer va mulkka bo‘lgan huquqlari e’tirof etildi. Qonun ijrosi bo'yicha ishlar tizimli davom etmoqda.

Surxondaryo viloyat adliya  boshqarmasi  tomonidan hamda Angor tuman adliya bo‘limi tomonidan "Yoshlar va kichik sanoat zonalarida sayyor qabullar o‘tkazish jadvali"ga muvofiq Angor tumani “Navro‘z” kichik sanoat zonasida o‘z intellektual mulkiga muhofaza hujjatini olishda qiynalayotgan tadbirkorlik subyektlari uchun sayyor qabul o‘tkazildi.

Sayyor qabul davomida, 7 nafar tadbirkorlik subyektlarining murojaatlariga shu joyning o‘zida huquqiy tushuntirishlar berilgan bo‘lsa, tadbirkorlar tomonidan yo‘llangan 2 ta murojaat o‘rganish muddat talab etganligi sababli ish yurituviga qabul qilindi.

Joriy yilning 11-sentabr kuni Surxondaryo viloyati Adliya boshqarmasi  Termiz davlat pedagogika instituti bilan  hamkorlikda “Ixtiro va foydali modelga patent olish uchun talabnoma rasmiylashtirish hamda intellektual mulk huquqini himoya qilishning huquqiy asoslari ” mavzusida seminar-treningi tashkil etildi.

Seminarda Ilmiy ishlar va innovatsiyalar bo'yicha prorektor Sh.Kuldasheva, Adliya boshqarmasi intellektual mulk huquqlarini himoya qilish bo'yicha bosh maslahatchi S.Yuldashevalar tomonidan seminar mavzusiga doir kerakli ma'lumotlar, tavsiyalar berildi.

Shuningdek,  “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1080-son O‘zbekiston Respublikasining Qonuni bo'yicha kiritilayotgan o'zgartirishlar haqida  tushunchalar berib o'tildi.

Sherobod tuman adliya bo‘limida  tumandagi  27-sonli umumta’lim maktabining bitiruvchi o'quvchilari uchun “Ochik eshiklar kuni” tashkil etildi.

Tadbir davomida o'quvchilarga huquqshunoslik kasbining obro‘si va nufuzi haqida amaliy tushunchalar berildi hamda ushbu kasbga nisbatan hurmat va faxr tuyg'ularini shakllantirish ishlari olib borildi.

O'quvchilar o'zlarining qiziqtirgan savollariga tuman adliya bo'limi xodimlari tomonidan kerakli maslahatlar va javoblar olishdi.  

Bugun Surxondaryo viloyati yoshlar ishlari boshqarmasida jismoniy va yuridik shaxslar hamda ularning vakillari uchun ommaviy sayyor qabul bo'lib o'tdi.

Sayyor qabulda Ijtimoiy himoya milliy agentligi Respublika ishchi guruh a'zolari, viloyatdagi huquqni muhofaza qiluvchi organlar hamda boshqa davlat organlari va tashkilotlarining mas'ul xodimlari tomonidan fuqarolarning murojaatlari tinglandi.

Xususan, murojaatchilarning adliya organlari bilan bog‘liq 20 dan ortig‘iga joyida huquqiy tushuntirishlar berilgan bo‘lsa, o‘rganish talab etiladigan 3 nafar fuqarolarning murojaati adliya boshqarmasi ish yurituviga qabul qilinib, alohida nazoratga olindi.

Shuningdek, 4 nafar fuqarolarga davlat xizmatlari ko‘rsatilib, ularning murojaatlari shu joyning o‘zida ijobiy hal etildi.

Bugun Termiz shahar adliya bo‘limi tomonidan Termiz tumanlararo Iqtisodiy sudi bilan hamkorlikda shahardagi "NA'MUNA" MFYda aholi uchun eng dolzarb masalalarni aniqlash orqali ular yuzasidan huquqiy tushuntirish va maslahatlar berish maqsadida "Huquqiy targ'ibot kuni", "Adliya kuni"tadbirlari doirasida "Sayyor qabul"  tashkil etildi.

✅ Shundan so‘ng,  adliya bo‘limi xodimlari tomonidan mahalladagi fuqarolarning huquqiy muamolari uyma-uy yurgan holda o‘rganildi.

✅Uyma-uy yurish davomida, 100 dan ortiq fuqarolarning murojaatlari tinglandi. 40 nafar fuqarolar murojaatiga shu joyning o‘zida javob berilib huquqiy tushuntirishlar berildi hamda 5 nafar fuqaroga  sayyor tartibda davlat xizmatlari ko`rsatildi.

✅Bu kabi tadbirlardan maqsad, fuqarolarning huquqiy muammolarini hal etish, og‘irini yengil, uzog‘ini esa yaqin qilishdir

Yoshlarning bo‘sh vaqtini mazmunli tashkil etish maqsadida Boysun tuman adliya bo‘limi bosh maslahatchisi Z.N.Xaydarov tomonidan “Mustaqillik”  tumandagi 39-sonli umumiy o‘rta ta‘lim maktabi yuqori sinf o‘quvchilari o‘rtasida“Biz yoshlar jinoyatchilikka qarshimiz” shiori ostida sportning voleybol turi bo‘yicha musobaqa tadbiri o‘tkazildi.

Shuningdek, tadbir davomida o‘quvchi yoshlarga  O‘zbekiston Respublikasi Prezidentining 03.01.2025-yildagi PQ-1-son “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi  qaror haqida hamda bezorilik, firibgarlik, o‘g‘irlik va boshqa jinoyatlar hamda jinoyatchilikning oqibatlari to‘g‘risida huquqiy tushunchalar berildi.

Bandixon tuman adliya bo‘limi tomonidan tumandagi 4-sonli umumiy o‘rta ta’lim maktabining bitiruvchi yoshlari o'rtasida “Huquqiy bilimlar kuni” o‘tkazildi.

❇️ Tadbir “Adliya – yoshlar tayanchi", "Sen huquqingni bilasanmi?"shiori ostida o'tkazildi.

Shuningdek, yoshlarni kasbga yo‘naltirish va hayotda o‘z o‘rniga ega bo‘lishlariga ko‘maklashish, vatanparvalik, qonunlarga hurmat hamda islohotlarga daxldorlik ruhida tarbiyalashga qaratilgan mavzularda yaqindan suhbat tashkil etildi.

O‘zbekiston Respublikasi Prezidentining “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi Farmoni, “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlar to‘g‘risida” gi qarori qabul qilingan.
Mazkur Farmon hamda qarorning mazmun-mohiyati va ahamiyatini Elektr energiyasi, neft mahsulotlari va gazdan foydalanishni nazorat qilish inspeksiyasi
Surxondaryo viloyati hududiy boshqarmasi xodimlari o‘rtasida keng targ‘ib qilish maqsadida Surxondaryo viloyati prokurorining katta yordamchisi Ikrom Jumayev hamda Surxondaryo viloyati adliya boshqarmasining mas’ul xodimi Bunyod Avazov ishtirokida uchrashuv tashkil qilinib, ushbu qonun hujjatlarida belgilangan ustuvor vazifalar atroflicha o‘rganildi.