Yangiliklar
Angor tuman adliya bo‘limi tomonidan tumandagi 3-sonli ayrim fanlar chuqurlashtirib o‘qitiladigan umumiy o‘rta ta’lim maktabida vakolatli tashkilotlar bilan hamkorlikda o‘quvchilar ishtirokida giyohvandlikka qarshi kurashish hamda atrof-muhitni muhofaza qilish mavzularida seminar tashkil etildi.
Tadbir davomida giyohvandlikning inson hayoti va jamiyat uchun og‘ir oqibatlari, unga qarshi davlat siyosatining ustuvor yo‘nalishlari, giyohvandlik bilan bog‘liq jinoyat va huquqbuzarliklarning oldini olish, shuningdek, qonunchilikda belgilangan javobgarlik va jazo choralari haqida tushuntirishlar berildi.
Seminarining ikkinchi qismida ekologiya sohasida qonuniylikni ta’minlash, atrof-muhit tozaligini saqlash, tabiatga ehtiyotkorona munosabatda bo‘lish hamda ekologik qoidabuzarliklarning oldini olish masalalariga e’tibor qaratildi.
O‘quvchilar bilan muloqot davomida sog‘lom turmush tarziga rioya qilish, tabiatni asrash va qonun talablariga hurmat bilan yondashishning ahamiyati alohida ta’kidlandi.
Qumqo‘rg‘on tuman adliya bo‘limi tomonidan “Saxovat” mahallasida yashovchi fuqarolar uchun sayyor qabul va huquqiy targ‘ibot tadbiri tashkil etildi.
Sayyor qabul davomida 15 nafardan ortiq fuqaro ishtirok etdi. Shundan 12 nafar fuqaroning murojaatiga joyida huquqiy tushuntirish va amaliy tavsiyalar berildi.
3 nafar fuqaroning murojaati belgilangan tartibda ro‘yxatga olinib, ularni atroflicha o‘rganish hamda qonuniy yechim topish maqsadida nazoratga olindi.
Shuningdek, huquqiy targ‘ibot tadbirida fuqarolarga Prezidentimizning 2026-yil 5-yanvardagi PQ–1 va PQ–2-son qarorlari mazmun-mohiyati, shuningdek, jinoyatchilikning oldini olish, oila, mehnat, yer huquqi hamda ijtimoiy himoyaga muhtoj fuqarolarga yaratilgan imkoniyat va imtiyozlar yuzasidan huquqiy tushuntirishlar berildi.
O‘zbekiston Respublikasi Bosh prokurorining birinchi o‘rinbosari B. Valiev rahbarligidagi Respublika idoralararo muvofiqlashtirish shtabi va ishchi guruhi tomonidan Prezidentning 2026-yil 5-yanvardagi PQ-1 va PQ-2-son qarorlari ijrosi yuzasidan Surxondaryo viloyatida o‘rganishlar davom ettirilmoqda.
O‘rganishlar doirasida Toshkent davlat tibbiyot universitetining Termiz filialida Surxondaryo viloyati adliya boshqarmasi boshlig‘i A. Isoqov tomonidan PQ-1 va PQ-2-son qarorlari ijrosi yuzasidan viloyatda amalga oshirilayotgan ishlar, erishilgan natijalar hamda mavjud muammolar haqida taqdimot qilindi.
Taqdimotda hududlarda xavfsiz muhitni shakllantirish, oilaviy nizolarning oldini olish, nizoli vaziyatlarni barvaqt aniqlash va ularni bartaraf etish borasida amalga oshirilayotgan ishlar haqida ma’lumot berildi.
Shundan so‘ng, “Oilaviy nizolarni mediatsiya yo‘li bilan hal etish” mavzusida o‘quv seminari tashkil etildi.
Seminarda Toshkent davlat yuridik universiteti dotsenti, yuridik fanlar doktori A. Xaqberdiyev tomonidan “Oilaviy nizolarni mediatsiya yo‘li bilan hal qilish” mavzusida ma’ruza qilindi.
Ma’ruzada mediatsiyaning mazmun-mohiyati, uning oilaviy nizolarni muqobil va tinch yo‘l bilan hal etishdagi ahamiyati, bugungi kunda qo‘llanish doirasi hamda amaliyotdagi yangiliklar haqida batafsil tushuntirishlar berildi.
Shuningdek, mediatsiya orqali nizolashayotgan taraflarning o‘zaro maqbul kelishuvga erishishi, nizoni sudgacha hal etish imkoniyatlari, taraflarning huquq va manfaatlarini ta’minlash masalalariga alohida e’tibor qaratildi.
Seminarda Adliya vazirligi hamda viloyat adliya boshqarmasi mas'ullari, mahalla yettiligi, davlat idoralari, ta’lim muassasalari va jamoatchilikning o‘zaro hamkorligini kuchaytirish, oilalardagi nizoli vaziyatlarni barvaqt aniqlash va ularni tinch yo‘l bilan bartaraf etish masalalari muhokama qilindi.
Mutaxassislar tomonidan oilalarda sog‘lom muhitni shakllantirish, nizolarning salbiy oqibatlarini oldini olish, taraflar o‘rtasida murosaga erishish va mavjud muammolarga qonuniy yechim topish yuzasidan tavsiya va takliflar bildirildi.
Mazkur tadbirlar hududlarda xavfsiz va barqaror muhitni ta’minlash, oilaviy nizolarning oldini olish hamda PQ-1 va PQ-2-son qarorlarida belgilangan vazifalarni samarali amalga oshirishga xizmat qilmoqda.
Termiz shahar hokimligi hamda Termiz shahar adliya bo‘limi hamkorligida hokimlik xodimlari va mas’ul xodimlar ishtirokida navbatdagi “Hokimlik soati” o‘tkazildi.
“Hokimlik soati” davomida O‘zbekiston Respublikasining 2026-yil 14-avgustdagi “O‘zbekiston Respublikasi Prezidenti Administratsiyasi to‘g‘risida”gi O‘RQ-1166-sonli Konstitutsiyaviy Qonuni mazmun-mohiyati yuzasidan huquqiy o‘quv tashkil etildi.Unda qonunning asosiy mazmuni, maqsad va vazifalari, Prezident Administratsiyasining faoliyati hamda davlat boshqaruvidagi o‘rni haqida batafsil tushuntirishlar berildi.
Tadbir yakunida ishtirokchilarni qiziqtirgan savollarga Termiz shahar adliya bo‘limi mutaxassislari tomonidan tegishli tushuntirish va javoblar berildi.
Xususan, bugundan O‘zbekistondagi maktablarda yangi o‘quv yili boshlanishi munosabati bilan Boysun tuman adliya bo‘limi boshlig‘i N.X.Mamadiyev tomonidan tuman Maktabgacha va maktab ta’limi bo‘limi vakillari ishtirokida tuman markazidan olis tog‘li hududdagi “To‘da” MFYda joylashgan 12-sonli umumiy o‘rta ta’lim maktabida Prezidentimiz Sh.M.Mirziyoevning maktab o‘quvchilari va ustoz-murabbiylariga tabrigi o‘qib eshittirildi.
Shuningdek, mas’ullar tomonidan tadbir ishtirokchilarini Vatanimiz mustaqilligining 35 yillik qutlug‘ bayramiga uyg‘un va hamohang holda o‘tayotgan “Bilimlar kuni” bilan chin dildan samimiy muborakbod etib, ushbu ta’lim muassasasining “1-sinfiga ilk qadam qo‘ygan bolajonlarga 12 ta turdagi o‘quv qurollari, maktab sumkalari, darsliklar majmuasidan iborat Prezident sovg‘alari topshirildi hamda ularga yangi o‘quv yilini a’lo baholar bilan boshlab, har bir o‘quv choragini muvaffaqiyatli yakunlashni, sihat-salomatlik, omad va zafar yor bo‘lishini tilashdi.
O‘zbekiston Respublikasi davlat mustaqilligining 35 yilligi munosabati bilan Surxondaryo viloyati adliya boshqarmasida bayramona tadbir bo‘lib o‘tdi.
Tadbirni Surxondaryo viloyati adliya boshqarmasi boshlig‘i A. Isoqov ochib berib, barcha yig‘ilganlarni xalqimizning eng aziz va ulug‘ bayrami — O‘zbekiston Respublikasi Mustaqilligi kuni bilan samimiy muborakbod etdi.
Ta’kidlanganidek, mustaqillik yurtimiz tarixida yangi davrni boshlab berdi. Bugun uning sharofati bilan mamlakatimiz taraqqiyotning yangi bosqichiga qadam qo‘yib, xalqimizning farovon hayoti va inson qadrini ulug‘lash yo‘lida ulkan islohotlar amalga oshirilmoqda.
Ana shunday mas’uliyatli jarayonlarda adliya organlari, Notarial palatasi, shuningdek, tashkilot va korxonalarda faoliyat yuritayotgan yuristlar qonun ustuvorligini ta’minlash, fuqarolarning huquq va manfaatlarini himoya qilish yo‘lida munosib hissa qo‘shib kelmoqda.
Tadbir davomida o‘z xizmat vazifalarini vijdonan va fidokorona bajarib kelayotgan bir guruh viloyat adliya boshqarmasi tizimidagi va Notarial palatasi xodimlari, shuningdek, tashkilot va korxonalarda faoliyat yuritayotgan bir guruh yuristlarning samarali mehnati alohida e’tirof etildi.
Ular O‘zbekiston Respublikasi Adliya vazirligining Faxriy yorliqlari, esdalik sovg‘alari hamda boshqa munosib rag‘batlantirishlar bilan taqdirlandilar.
Shuningdek, bir guruh xodimlarga Mustaqillikning 35 yilligi yubiley ko‘krak nishonlari, faol va fidoyi mehnati bilan ajralib turgan xodimlarga esa esdalik qo‘l soatlari tantanali ravishda topshirildi.
Tadbirning eng samimiy va hayajonli lahzalaridan biri — xodimlarning ota-onalariga ko‘rsatilgan yuksak ehtirom bo‘ldi.
Farzandlarini yurtga sadoqatli, el manfaatiga xizmat qiladigan munosib insonlar etib voyaga yetkazgan ota-onalarga samimiy minnatdorlik bildirildi.
Bu kabi e’tirof va rag‘batlar, shubhasiz, har bir xodimni kelgusida yanada katta mas’uliyat, fidoyilik va tashabbus bilan ishlashga chorlaydi.
Mustaqillik — bizning erkinligimiz, milliy o‘zligimiz, g‘ururimiz va kelajagimizdir!
Yurtimiz tinch, xalqimiz farovon, Vatanimiz yanada obod bo‘lsin!
Surxondaryo viloyati adliya boshqarmasi boshlig‘i A. Isoqov tomonidan O‘zbekiston Respublikasi Mustaqilligining 35 yilligiga bag‘ishlangan “Rahbar va yoshlar” uchrashuvi tashkil etildi.
“Yangi O‘zbekiston — mening faxrim!” shiori ostida o‘tkazilgan tadbirda yoshlar bilan ochiq muloqot tashkil etilib, Mustaqillik yillarida mamlakatimizda amalga oshirilgan keng ko‘lamli islohotlar, erishilgan yutuqlar va yoshlar uchun yaratilgan imkoniyatlar haqida so‘z yuritildi.Tadbir davomida mutaxassislar va soha vakillari tomonidan yoshlarning huquq va manfaatlarini ta’minlash, ularning bilim va salohiyatini ro‘yobga chiqarish hamda jamiyat hayotidagi faolligini oshirish borasida amalga oshirilayotgan ishlar yuzasidan taqdimotlar o‘tkazildi.
“Mustaqillikning 35 yilligi — Yangi O‘zbekiston yoshlari nigohida” g‘oyasi asosida yoshlarning Vatan taraqqiyotidagi o‘rni, mamlakatimiz kelajagiga daxldorligi va fuqarolik mas’uliyati haqida fikr almashildi.
Ochiq muloqot davomida yoshlar o‘zlarini qiziqtirgan savollar bilan murojaat qilib, o‘z taklif va fikrlarini bildirdilar.
Uchrashuvda Vatanga sadoqat, mustaqillik ne’matlarini qadrlash, milliy qadriyatlarga hurmat va yoshlarning bunyodkorlik salohiyatini qo‘llab-quvvatlash masalalariga alohida e’tibor qaratildi.
Mazkur uchrashuv yoshlar bilan samimiy muloqot qilish, ularning tashabbuslarini qo‘llab-quvvatlash hamda huquqiy va ma’naviy bilimlarini yanada oshirishga xizmat qildi.
Yoshlar — Yangi O‘zbekistonning bunyodkor kuchi!
Mustaqillik — faxrimiz, yoshlar — kelajagimiz!
Surxondaryo viloyati adliya boshqarmasi boshlig‘i A. Isoqov tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy Qonunning mazmun-mohiyatiga bag‘ishlangan targ‘ibot tadbiri o‘tkazildi.
Tadbirda ishtirokchilarga 2026-yil 14-avgustda O‘RQ-1166-son bilan rasmiylashtirilgan Konstitutsiyaviy Qonunning mazmun-mohiyati, uning davlat boshqaruvi tizimidagi o‘rni va ahamiyati haqida batafsil ma’lumot berildi.
Xususan, mazkur Qonun bilan Prezident Administratsiyasining huquqiy maqomi, asosiy vazifalari, vakolatlari, davlat organlari bilan hamkorlik mexanizmlari, shuningdek mansabdor shaxslar va xodimlarining huquqiy hamda ijtimoiy kafolatlari belgilanganligi tushuntirildi.
Tadbir davomida Prezident Administratsiyasining Prezident faoliyatini tashkiliy, huquqiy va tahliliy jihatdan ta’minlashi, davlat organlari faoliyatini muvofiqlashtirishi, Prezident hujjatlari ijrosini monitoring qilishi va nazoratini tashkil etishi kabi muhim vakolatlariga alohida to‘xtalib o‘tildi.
Shuningdek, Administratsiyaning hududlar bilan hamkorligi, ijtimoiy-iqtisodiy rivojlanish jarayonlarini monitoring qilish, strategik va ustuvor loyihalar ijrosini muvofiqlashtirish hamda korrupsiyaga qarshi ichki nazoratni kuchaytirish borasidagi vazifalari yuzasidan ham tushuntirishlar berildi.
Tadbirda yangi Konstitutsiyaviy Qonunning mazmun-mohiyatini aholiga keng va tushunarli tarzda yetkazish, fuqarolarning huquqiy bilim va huquqiy madaniyatini oshirish muhimligi ta’kidlandi.
Mazkur Konstitutsiyaviy Qonun Prezident Administratsiyasining davlat boshqaruvi tizimidagi o‘rni va vakolatlarini aniq belgilash, davlat organlari o‘rtasidagi hamkorlik va muvofiqlashtiruvni kuchaytirish, shuningdek Prezident hujjatlari ijrosining tizimliligi va natijadorligini oshirishga xizmat qiluvchi muhim huquqiy asos bo‘lib xizmat qiladi.
Unda o'tgan 2026-yil birinchi yarmida amalga oshirilgan ishlar ijrosi, tizimda erishilgan yutuqlar barobarida xodimlar tomonidan yo‘l qo‘yilgan xato va kamchiliklar keng muhokama qilindi.
Tanqidiy ruhda o'tgan yig'ilishda joriy yilning o‘tgan davri mobaynida yo‘l qo‘yilgan kamchiliklarga barham berish hamda kelgusida amalga oshirilishi lozim bo‘lgan vazifalar belgilab olindi.
Termiz tumanida yoshlarning fikr va takliflarini bevosita o‘rganish, ularning tashabbuslarini qo‘llab-quvvatlashga qaratilgan navbatdagi ochiq muloqot tashkil etildi.
Termiz tumani adliya bo‘limi, Xalq deputatlari tuman Kengashi hamda tuman hokimi Shuxrat Qalandarov ishtirokida xorijda ta’lim olayotgan, mehnat qilayotgan va ayni paytda chet elda bo‘lib turgan yoshlar bilan onlayn videokonferensiya o‘tkazildi.Muloqot davomida yoshlarning xorijdagi ta’lim va mehnat faoliyati, mavjud imkoniyatlar hamda duch kelayotgan masalalari yuzasidan fikr almashildi.
Yoshlar tomonidan Termiz tumanida amalga oshirilayotgan ishlar bo‘yicha takliflar bildirilib, xorijda orttirilayotgan bilim va tajribani kelgusida yurtimiz taraqqiyotiga yo‘naltirish istagi qayd etildi.
Ochiq va samimiy muloqot yoshlar bilan doimiy aloqani yo‘lga qo‘yish, ularning manfaatlarini qo‘llab-quvvatlash hamda tashabbuslarini amaliy jihatdan rag‘batlantirishga xizmat qiladi.