Yangiliklar

#E'tirof

⭐️Surxondaryoda o'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlari e'tirof etilgan fuqarolar soni jami 4 627 nafarga yetdi.

⭐️ Xalq deputatlari Surxondaryo viloyati Kengashining 7-chaqiriq 17-sessiyasida qabul qilingan qarori bilan  viloyatning bir qator tuman va shaharlarida istiqomat qiluvchi yana 1150 nafarga yaqin nafar fuqarolarning mulk huquqlari qonuniy tartibda e’tirof etildi.

Qumqo‘rg‘on tuman adliya bo'limi tomonidan "Hunarmandlar" mahallasida obodonlashtirish boshqarmasi xodimlari va fuqarolar ishtirokida targ‘ibot tadbiri o'tkazildi.

Suhbat davomida xodimlarga Vazirlar Mahkamasining 2025-yil 21-noyabrdagi "Dafn etish ishlarini tashkil etish va hisobni yuritish tizimini takomillashtirish hamda sohada samarali nazorat qilish maxanizmlarini joriy etish chora-tadbirlari to'g'risida"gi VMQ-735-sonli qarorida nazarda tutilgan yangilik, o'zgarishlar yuzasidan tushuntirishlar berildi.

Xususan, 2026-yil 1-martdan boshlab vafot etgan shaxsning yaqinlariga YIDXP orqali QR-kodli bepul ma’lumotnoma yuborilishi va u gerbli guvohnomaga tenglashtirilishi ma’lum qilindi.

Qumqo‘rg‘on tuman adliya bo'limi DXM xodimlari tomonidan tumanning "Bog‘aro" mahallasida fuqarolariga sayyor tartibda davlat xizmatlari ko'rsatildi.

✅Sayyor xizmatlar mobaynida aholi tomonidan yashash maʼlumotnomasi, oila tarkibi, narkologiya va ruhiy kasallik to'g'risida maʼlumotnomalar olindi.

✅Shuningdek, farzandni davlat maktabgacha ta'lim muassasasiga joylashtirish xizmatlari ko'rsatildi hamda fuqarolar Mobile ID dan ro'yxatdan o'tkazildi.

Jarqo‘rg‘on tuman adliya bo‘limi tomonidan "Matonat" mahallasida sayyor qabul tashkil etilib, unda 20 dan ortiq fuqarolarning murojaatlari tinglandi. 11 nafar fuqarolar murojaatiga shu joyning o‘zida hal etilgan bo‘lsa 3 nafar fuqarolarning murojaatlari adliya bo‘limining ish yurituviga qabul qilindi.

Shuningdek, 6 nafar fuqaroning davlat xizmatlari ko‘rsatilishi bilan bog‘liq murojatlari shu joyning o‘zida hal etilib, sayyor tartibda davlat xizmatlari ko‘rsatildi.

Sayyor qabuldan so‘ng, bo‘lim xodimari tomonidan uyma-uy yurgan holda aholining huquqiy muammolari o‘rganildi va hal etish choralari ko'rildi.

Bu kabi tadbirlardan maqsad, fuqarolarning huquqiy muammolarini hal etish, og‘irini yengil, uzog‘ini esa yaqin qilishdir.

Surxondaryo viloyat adliya boshqarmasi tomonidan viloyat yuridik texnikumida “Korrupsiya – taraqqiyot zavoli” mavsusida targ‘ibot tadbiri tashkil etildi.

Tadbir davomida korrupsiyaning jamiyat rivojiga zararli ta’siri, halollik va shaffoflik tamoyillari, qonuniylikka rioya etishning ahamiyati haqida batafsil ma’lumotlar berildi.

Jumladan, tadbirda ishtirokchilrga O‘zbekiston Respublikasining 2017-yil 3-yanvardagi “Korrupsiyaga qarshi kurashish to‘g‘risida”gi Qonuni va bu borada qabul  qilingan boshqa qonunchilik hujjatlari hamda O‘zbekiston Respublikasi Prezidentining  03.01.2025-yildagi PQ–1-son qarorlarining mazmun-mohiyati va ularda belgilangan vazifalar haqida hamda turli xil jinoyatchilikni oldini olish yuzasidan huquqiy tushuntirishlar berildi.

Surxondaryo viloyat adliya boshqarmasi boshlig‘i tomonidan tasdiqlangan "Surxondaryo viloyat adliya boshqarmasi rahbariyatining vakolatli idoralar bilan hamkorlikda erkin iqtisodiy, yoshlar va kichik sanoat zonalarida sayyor qabullar o`tkazish jadvali"ga asosan, Surxondaryo viloyat adliya boshqarmasi boshlig‘ining  birinchi o‘rinbosari A.Roziqov rahbarligida Denov tumanida joylashgan "Sanoatchilik" kichik sanoat zonasida tadbirkorlik subyektlari uchun sayyor qabul tashkil etildi.

Qabuldan so‘ng, boshqarma boshlig‘ining birinchi o‘rinbosari A.Roziqov tomonidan "Sanoatchilik" kichik sanoat zonasi faoliyati yaqindan o‘rganildi. Shuningdek, sohani yanada rivojlantirish uchun  muhim ko‘rsatma va tavsiyalar berildi.

Muzrabot tuman adliya bo'limi tomonidan "Otaliqqa olingan" yoshlarning bo'sh vaqtini mazmunli va samarali o'tkazish maqsadida sportning stol tennisi turi bo‘yicha musobaqa o'tkazildi.

Qizg‘in va murosiz davom etgan bahsda g‘oliblar tuman adliya bo'limining diplom va esdalik sozvg'alari bilan taqdirlandi.

Bu kabi tadbirlar yoshlarning ma’naviy-ma’rifiy saviyasini oshirish, ularni vatanparvarlik ruhida tarbiyalash, ijtimoiy faolligini kuchaytirish hamda jismonan yetuk bo‘lishiga xizmat qiladi.

9-dekabr — Xalqaro korrupsiyaga qarshi kurashish kuni munosabati bilan Termiz davlat universitetida talabalar o‘rtasida o‘tkazilgan “Yoshlar korrupsiyaga yo‘q deydi!” hamda “Biz tahsil olayotgan ta’lim muassasasida korrupsiyaga o‘rin yo‘q!” mavzularidagi bilimlar bellashuvi, eng yaxshi insho, eng yaxshi rasm va eng yaxshi videorolik tanlovlari g‘oliblarini taqdirlash marosimi bo‘lib o‘tdi.

Tadbir davomida tanlovlarda faol ishtirok etgan g‘oliblar Surxondaryo viloyat adliya boshqarmasi va Termiz davlat universiteti tomonidan pul mukofotlari va sertifikatlar bilan taqdirlandi.

????Ma’lumot o‘rnida, korrupsiyaga qarshi kurashish oyligi doirasida o‘tkazilgan turli tanlovlarda 1500 nafardan ortiq talabalar faol ishtirok etdi.

Surxondaryo viloyatida "Madad" NNT va Buyuk Britaniya elchixonasi hamkorligida trening o'tkazildi!

Qiziriq tuman adliya bo'limi Davlat xizmatlar markazi xodimlari tomonidan tumanning  eng olis mahallasi – "Buyuk Kelajak" mahallasida sayyor tartibda davlat xizmatlari ko'rsatildi.

Davlat xizmatlari ko'rsatish davomida jami 120 nafar fuqarolarga sayyor tartibda xizmatlar ko‘rsatildi. Shundan, 105 nafar fuqaroga farzandalarini davlat maktabgacha ta'lim muassasasiga joylashtirish uchun ariza , 10 nafar fuqaroga kam taminlangan ma'lumotnoma, 5 nafar fuqaroga yashash joyidan ma'lumotnoma tayyorlab berildi.

Shuningdek, fuqarolarga O'zbekiston Respublikasining "O'zboshimchalik bilan egallab olingan yer uchastkalariga hamda ularga qurilgan binolar va inshoatlarga bo'lgan huquqlarni e'tirof etish to'g'risida"gi O‘RQ-937-son Qonuni, O‘RQ-1083-son Qonun, xotin-qizlar huquqlarini himoya qilishga doir qonun hujjatlari mazmun-mohiyati bo'yicha tushuntirishlar berildi.