Yangiliklar

Surxondaryo viloyati adliya boshqarmasi tomonidan jamoaviy hamjihatlikni mustahkamlash, xodimlarning intellektual salohiyatini yuksaltirish hamda korporativ madaniyatni rivojlantirishga qaratilgan "Teambuilding" tadbirlari dasturi doirasida tizim xodimlari o‘rtasida "Zakovat" intellektual o‘yini tashkil etildi.

Bellashuv davomida jamoalar mantiqiy fikrlash, bilim va tezkor qaror qabul qilish ko‘nikmalarini namoyon etib, qizg‘in va murosasiz bahs olib bordilar.

 Yakuniy natijalar:
1-o‘rin —  Termiz shahar adliya bo‘limi jamoasi;
2-o‘rin — Sariosiyo tuman adliya bo‘limi jamoasi;
3-o‘rin — Muzrabot tuman adliya bo‘limi jamoasi.

Shuningdek, bellashuv davomida faol ishtiroki, jamoaviy hamjihatligi, mantiqiy fikrlashi va yuqori intellektual salohiyatini namoyon etgan jamoalar turli nominatsiyalar bo‘yicha ham munosib taqdirlandi.

Tadbir yakunida g‘olib va nominatsiya sohiblari faxriy yorliqlar hamda pul mukofotlari bilan taqdirlanib, bu kabi intellektual loyihalar xodimlarning kasbiy rivoji, jamoaviy birdamligi va sog‘lom raqobat muhitini mustahkamlashda muhim ahamiyat kasb etishi alohida ta'kidlandi.

26-iyun — Xalqaro giyohvandlik va narkotik moddalarning noqonuniy aylanishiga qarshi kurashish kuni munosabati bilan Surxondaryo viloyati adliya boshqarmasi tomonidan fuqarolar va yoshlar o‘rtasida sog‘lom turmush tarzini targ‘ib qilish, giyohvandlikning salbiy oqibatlari haqida huquqiy ong va xabardorlikni oshirishga qaratilgan targ‘ibot tadbiri o‘tkazildi.

Tadbir davomida giyohvandlik va psixotrop moddalar iste’molining inson salomatligi, oila va jamiyatga salbiy ta’siri, ushbu turdagi huquqbuzarliklar uchun belgilangan javobgarlik hamda yoshlarni zararli illatlardan asrash masalalari yuzasidan huquqiy tushuntirishlar berildi.

Shuningdek, ishtirokchilar bilan ochiq muloqot tashkil etilib, ularni qiziqtirgan savollarga batafsil javoblar berildi.

Surxondaryo viloyati adliya boshqarmasi tomonidan “Sog‘lom turmush” aksiyasi doirasida viloyat adliya boshqarmasi boshlig‘i ishtirokida yoshlar bilan ochiq muloqot tashkil etildi.

Muloqot davomida sog‘lom turmush tarzini shakllantirish, jismoniy faollikni oshirish, to‘g‘ri ovqatlanish, zararli odatlardan voz kechish hamda yoshlarning ma’naviy va intellektual salohiyatini yuksaltirish masalalari muhokama qilindi.

Shuningdek, yoshlarning fikr va takliflari tinglanib, ularning bo‘sh vaqtini mazmunli tashkil etish, kitobxonlikni rivojlantirish, sport bilan muntazam shug‘ullanish, sog‘lom ovqatlanish va raqamli texnologiyalardan oqilona foydalanish yuzasidan tavsiyalar berildi.

Tadbir yoshlar o‘rtasida sog‘lom turmush tarzini ommalashtirish, ularning ijtimoiy faolligini oshirish hamda sog‘lom va barkamol avlodni tarbiyalashga xizmat qildi.

Sayyor qabulda Surxondaryo viloyati adliya boshqarmasi boshlig‘i A. Isoqov tomonidan fuqarolar hamda tadbirkorlik subyektlarining murojaatlari qabul qilinib, ularning muammo va takliflari atroflicha o‘rganildi.

Tadbir davomida 50 nafardan ortiq fuqarolar ishtirok etdi. Shundan 10 nafar fuqaroga sayyor davlat xizmatlari ko‘rsatildi, 7 nafar fuqaroning murojaati joyida ijobiy hal etildi. O‘rganish va qo‘shimcha tekshiruv talab etadigan 36 ta murojaat ish yurituviga qabul qilinib, alohida nazoratga olindi.

Shuningdek, tadbir davomida O‘zbekiston Respublikasi Prezidentining 2025-yil 3-yanvardagi PQ–1-son, PQ–2-son hamda PQ–133-son qarorlarining mazmun-mohiyati yuzasidan keng tushuntirish ishlari olib borildi. Fuqarolarga, ayniqsa xotin-qizlarga yaratilgan imkoniyat va imtiyozlar, ularning huquq va manfaatlarini himoya qilish, huquqbuzarlik hamda jinoyatchilikning barvaqt oldini olish bo‘yicha muhim tavsiyalar berildi.

???? Adliya organlari tomonidan fuqarolarning murojaatlarini o‘z vaqtida ko‘rib chiqish va ularning qonuniy manfaatlarini ta’minlash borasidagi ishlar izchil davom ettirilmoqda.

Sayyor qabul Surxondaryo viloyat adliya boshqarmasi boshlig‘ining birinchi o‘rinbosari S.Tursunov rahbarligida tumandagi “Azlarsoy-2” kichik sanoat zonasi hamda “Bog‘aro” Yoshlar sanoat va tadbirkorlik zonasi hududida faoliyat yuritayotgan tadbirkorlar ishtirokida o‘tkazildi.

Qabul davomida tadbirkorlik faoliyatini yuritish jarayonida yuzaga kelayotgan muammolar va murojaatlar tinglanib, ularni qonunchilik doirasida hal etish yuzasidan tegishli tushuntirish va tavsiyalar berildi.

Shuningdek, qabuldan so‘ng S.Tursunov tomonidan mazkur sanoat zonalari faoliyati joyiga chiqqan holda o‘rganilib, ishlab chiqarish jarayonlari, yaratilgan shart-sharoitlar hamda mavjud imkoniyatlar bilan yaqindan tanishildi.

O‘rganishlar yakunida tadbirkorlik faoliyatini yanada rivojlantirish, yangi ish o‘rinlari yaratish va ishlab chiqarish samaradorligini oshirish bo‘yicha muhim ko‘rsatma hamda tavsiyalar berildi.

Uchrashuv davomida oilaviy nizolarning oldini olish, er-xotinlarning huquq va majburiyatlari hamda oilaviy munosabatlarga oid qonunchilik normalari yuzasidan huquqiy tushuntirishlar berildi.

Shuningdek, nizoli oilalardagi muammolar tahlil qilinib, ajrim yoqasidagi oilalarga aliment undirish va nikohni bekor qilish tartibi yuzasidan ma’lumotlar taqdim etildi.

Bundan tashqari, adliya organlari tomonidan ko‘rsatiladigan birlamchi bepul yuridik yordam turlari tushuntirilib, fuqarolarning murojaatlariga huquqiy tavsiyalar berildi.

 Surxondaryo viloyat adliya boshqarmasi tomonidan tizimda faoliyat yuritayotgan yosh xodimlarning kasbiy salohiyatini oshirish, ularni qo‘llab-quvvatlash hamda tashabbuskor va iqtidorli kadrlarni aniqlash maqsadida “Yilning eng faol yosh xodimi” tanlovining viloyat bosqichi tashkil etildi.

 Tanlovda tuman va shahar adliya bo‘limlarida faoliyat yuritayotgan yosh xodimlar ishtirok etib, o‘z bilim va salohiyatlarini quyidagi shartlar asosida namoyon etdilar:
1-shart – “Men haqimda” taqdimoti;
2-shart – “Tashabbuskorlik va faollik”;
3-shart – “Huquqiy muammoli holat (kazus)” sharti

 Ishtirokchilarning chiqishlari hakamlar hay’ati tomonidan belgilangan mezonlar asosida xolis va shaffof tarzda baholandi.

 Tanlov yakunlariga ko‘ra:

 1-o‘rin – Qiziriq tuman adliya bo‘limi boshlig‘i Bunyod Avazov – 5 million so‘m miqdoridagi bir martalik pul mukofoti va diplom bilan taqdirlandi;

 2-o‘rin – Termiz tuman adliya bo‘limi Yuridik xizmat ko‘rsatish markazi bosh yuriskonsulti Sevinch Mamajonova – 4 million so‘m miqdoridagi bir martalik pul mukofoti va diplom bilan taqdirlandi;

 3-o‘rin – Jarqo‘rg‘on tuman adliya bolimi Yuridik xizmat ko‘rsatish markazi bosh yuriskonsulti Dilshod Shukurov – 3 million so‘m miqdoridagi bir martalik pul mukofoti va diplom bilan taqdirlandi.

 Mazkur tanlov yosh xodimlarning kasbiy va shaxsiy rivojlanishini qo‘llab-quvvatlash, ularning tashabbuslarini rag‘batlantirish hamda adliya organlarida sog‘lom raqobat muhitini shakllantirishga xizmat qilmoqda.

Iyun–avgust oylarida har payshanba kuni o‘tkazilishi belgilangan “Yoshlar kuni” tadbirlari doirasida Surxondaryo viloyatida yoshlarning ijtimoiy faolligini oshirish, volontyorlik harakatini rivojlantirish hamda fuqarolik tashabbuslarini qo‘llab-quvvatlashga qaratilgan keng ko‘lamli tadbirlar tashkil etildi.

 Tadbirlar davomida yoshlar, volontyorlar, mahalla faollari va hamkor tashkilotlar vakillari ishtirokida ochiq muloqotlar, ijtimoiy aksiyalar hamda ma’naviy-ma’rifiy loyihalar amalga oshirildi.

Tadbir doirasida keksalar holidan xabar olinib, ularga amaliy ko‘mak ko‘rsatildi, shuningdek, ijtimoiy himoyaga muhtoj fuqarolarni qo‘llab-quvvatlash bo‘yicha volontyorlik ishlari tashkil etildi.

 Bundan tashqari, volontyorlar tomonidan mahalla hududlari va ijtimoiy obyektlarda obodonlashtirish hamda ko‘kalamzorlashtirish ishlari olib borildi, hududlarning sanitariya holatini yaxshilashga xizmat qilindi.

 Tadbirlarning muhim natijalaridan biri sifatida Surxondaryo viloyati adliya boshqarmasi hamda Yuridik texnikum o‘rtasida hamkorlik memorandumi imzolandi. Mazkur memorandum asosida Yoshlar volontyorlik markazi tashkil etildi.

 Ushbu tashabbuslar yoshlarning ijtimoiy faolligini oshirish, volontyorlik harakatini rivojlantirish hamda jamiyatda mehr-oqibat va hamjihatlik muhitini mustahkamlashga xizmat qiladi.

Tadbir davomida aholi uchun sayyor qabul o‘tkazilib, fuqarolarning huquqiy masalalar yuzasidan murojaatlari tinglandi hamda ularni qonuniy hal etish bo‘yicha tegishli tushuntirishlar berildi.

Shuningdek, tuman yoshlari bilan ochiq muloqot tashkil etilib, ularning huquqiy savodxonligini oshirish, qonunchilikdagi yangiliklar hamda yoshlar uchun yaratilayotgan imkoniyatlar haqida ma’lumotlar yetkazildi. Uchrashuvda yoshlarni qiziqtirgan savollarga batafsil javob berilib, taklif va tashabbuslari muhokama qilindi.

Bunday tadbirlar aholining huquqiy madaniyatini yuksaltirish, fuqarolar murojaatlarini joyida hal etish hamda davlat organlari bilan aholi o‘rtasidagi ochiq muloqotni ta’minlashga xizmat qilmoqda.

Qonun (O'RQ–1153-son, 15.06.2026-y.) bilan ayrim qonun hujjatlariga qo'shimcha va o'zgartirishlar kiritildi.

Mazkur Qonun o'zboshimchalik bilan egallangan yer uchastkalari hamda ularda qurilgan bino va inshootlarga nisbatan huquqlarni e'tirof etish jarayonlarini jadallashtirish, amaliyotda yagona va izchil tartibni ta'minlashga qaratilgan.

Kiritilgan o'zgartirish va qo'shimchalarga ko'ra, soliq qarzdorligi tushunchasi aniqlashtirilib, qarzdorlik miqdori BHMning 30 baravaridan oshmagan ko'chmas mulk obyektlariga nisbatan huquqlarni e'tirof etish yo'lga qo'yiladi.

Qonunda belgilangan muddatlar amaldagi 150 kundan – 50 kunga (3 baravarga) qisqartiriladi.

1 martalik to'lovlarning 50 foizi belgilangan muddatda (20 ish kunida) to'liq to'langanda, uning qolgan qismiga chegirma beriladi.

To'lash imkoniyati bo'lmaganda fuqaroga soliq inspeksiyasi bilan shartnoma tuzish orqali mazkur mablag'ni 1 yildan 3 yilgacha bo'lib to'lashga ruxsat beriladi.

Ortiqcha egallangan yer uchastkasiga huquqni e'tirof etish mexanizmi yanada takomillashtirildi.

Xalq deputatlari kengashlari qarorlari huquqlarni davlat ro'yxatidan o'tkazishga asos bo'lishi belgilandi.

 2020-yil 1-yanvardan 2024-yil 1-iyunga qadar yer uchastkasi uchun oshirilgan stavkada hisoblangan soliqlar jismoniy shaxslarga qo'llanilmasligi belgilandi.

Fuqarolarning vaqti va mablag'larini tejash maqsadida shikoyatlarni sudga qadar ko'rib chiqish mexanizmi kiritildi.

Yer uchastkasining qurilishi taqiqlangan hududga tushgan qismini chegirib tashlagan holda uning qolgan qismiga nisbatan huquqlarni e'tirof etish tartibi joriy etiladi.

Bino-inshootlar xususiylashtirilganligi to'g'risidagi ma'lumotni taqdim etishga tuman (shahar) hokimliklari ham mas'ul etib belgilandi.

Ushbu Qonun Adliya vazirligi tomonidan ishlab chiqilgan.