Yangiliklar

Qumqo‘rg‘on tuman adliya bo‘limi yuridik xizmat ko‘rsatish markazi xodimlari tomonidan tumandagi yuridik xizmat ko'rsatish belgilangan davlat tashkilotlari va muassasalari rahbarlari va kadrlari ishtirokida sohaga oid yangiliklar bo‘yicha davra suhbati tashkil etildi.

Tadbir davomida, mas'ullar sohada yuzaga kelayotgan xato va kamchiliklar hamda ularni bartaraf etish choralari haqida batafsil tushuntirishlar berishdi.

Sho'rchi tumanidagi otaliqqa olingan 52-sonli maktabida "Oʻzbekiston Respublikasi Konstitutsiyasi-asosiy qomusimiz" hamda “Inson huquqlari va burchlari” mavzlarida tuman adliya bo‘limi tomonidan huquq sinfida huquq darslar tashkil etildi.

❓Darslar davomida 10-11-sinf  oʻquvchilari oʻzlari qiziqtirgan savollariga amaliyotchi huquqshunoslar tomonidan batafsil javoblar olishdi.

????Shuningdek, darslarda yoshlarning huquqiy ongi va huquqiy madaniyatini yuksaltirish borasida amalga oshirilayotgan islohotlar boʻyicha ham atroflicha maʼlumot berildi.

Termiz shahar prokuraturasi hamda shahar adliya bo‘limi hamkorligida shahar prokuraturasida O‘zbekiston Respublikasi Prezidentining 03.01.2025-yildagi PQ-1-son hamda Vazirlar Mahkamasining 30.11.2024-yildagi 801-sonli qarorlarining mazmun-mohiyati va ijrosi yuzasidan ishlar tahlil qilindi.

Tadbirda ushbu qarorlar bilan belgilangan vazifalar, xususan, jamiyatda huquqbuzarliklar profilaktikasi, jinoyatchilikni oldini olish, ijtimoiy xavfli holatdagi shaxslar bilan tizimli ishlash borasidagi chora-tadbirlar batafsil muhokama qilindi.

Surxondaryo viloyati adliya boshqarmasi hamda uning tizimidagi adliya organlari va muassasalarining navbatdagi hay'at majlisi bo‘lib o‘tdi.

Unda o'tgan 2025-yilning 9 oyi davomida amalga oshirilgan ishlar ijrosi, tizimda erishilgan yutuqlar barobarida xodimlar tomonidan yo‘l qo‘yilgan xato va kamchiliklar  keng muhokama qilindi.

Tanqidiy ruhda o'tgan yig'ilishda joriy yilning o‘tgan davri mobaynida yo‘l qo‘yilgan kamchiliklarga barham berish hamda kelgusida amalga oshirilishi lozim bo‘lgan vazifalar belgilab olindi.

Denov tuman adliya bo‘limida “Ochiq adliya” dasturi doirasida yoshlar uchun “Ochiq eshiklar kuni” tadbiri o‘tkazildi.

Tadbirga 30 dan ortiq yoshlar va jamoatchilik vakillari tashrif buyurdi. Tadbirda tuzilma rahbarlari va xodimlari tashrif buyurgan yoshlarga o‘zlarining faoliyati yo‘nalsihlari bo‘yicha batafsil tushunchalar berishdi.

Yoshlar aholi va tadbirkorlik subyektlariga davlat xizmatlarini ko'rsatishga oid jonli jarayonlarni kuzatish barobarida o'zlarini qiziqtirgan savollarga javoblar olishdi.

Tadbirda Surxondaryo viloyat adliya boshqarmasi mas'ul xodimi tomonidan xususiy amaliyot bilan shug‘ullanuvchi notariuslar ishtirokida korrupsiya va uning salbiy oqibatlari hamda unga qarshi kurashish bo‘yicha ma'ruza qilindi.

Shuningdek, Notarial palata Surxondaryo viloyat hududiy boshqarmasi tomonidan 2025-yilning 9 oyi davomida xususiy amaliyot bilan shug‘ullanuvchi notariuslar tomonidan kasb etikasi qoidalariga rioya etilishi yuzasidan o‘tkazilgan monitoringlar hamda litsenziyalarning berilishi, amal qilishini to‘xtatilishi, tugatilishi va bekor qilinishi holatlari tahlili yuzasidan muhokama o‘tkazildi.

Tadbir so‘nggida, Prezidentimizning 09.09.2025 yildagi PQ-280-son "Notariat institutini yanada rivojlantirish hamda sohaga zamonaviy axborot-kommunikasiya texnologiyalarini keng joriy etishga oid qo'shimcha chora-tadbirlar to'g'risida" qarori mazmun-mohiyatini tushuntirishdan iborat bo‘ldi.

Termiz tuman adliya bo'limi tomonidan tumanning  eng olis mahallasi – "Gulbahor" mahallasida Sayyor tartibda davlat xizmatlari ko'rsatildi.

Davlat xizmatlari ko'rsatish davomida jami 28 nafar fuqarolarga sayyor tartibda xizmatlar ko‘rsatildi. Shundan 15 nafar fuqaroga moddiy yordam olish uchun ariza, 9 nafar fuqaroga kam taminlangan ma'lumotnoma, 4 nafar fuqaroga yashash joyidan ma'lumotnoma tayyorlab berildi.

Shuningdek, fuqarolarga O'zbekiston Respublikasining "O'zboshimchalik bilan egallab olingan yer uchastkalariga hamda ularga qurilgan binolar va inshoatlarga bo'lgan huquqlarni e'tirof etish to'g'risida"gi O‘RQ-937-son Qonuni, O‘RQ-1083-son Qonun, xotin-qizlar huquqlarini himoya qilishga doir qonun hujjatlari mazmun-mohiyati bo'yicha tushuntirishlar berildi.

Surxondaryo viloyat adliya boshqarmasida "Ochiq eshiklar kuni" tadbiri tashkil etilib, tadbir doirasida yoshlarni qiziqtirgan bir qancha savollariga boshqarma rahbariyati hamda tizim xodimlari tomonidan javob berish barobarida hayotda va kasbiy faoliyatda kerak bo‘ladigan muhim tavsiyalar berildi.

Shuningdek, Tadbirda adliya tizimi tarixi, intellektual mulk huquqlarini himoya qilish, O‘zbekiston Respublikasi Prezidenti hujjatlari ijrosini nazorat qilish, huquqni qo‘llash amaliyotini o‘rganish, davlat xizmatlari ko‘rsatilishi ustidan nazorat qilish hamda boshqarmaning boshqa sho‘balari ish faoliyati haqida batafsil ma'lumotlar berildi.

Shundan so‘ng, yoshlar bilan ichki turizm tashkil etilib, Termiz tumanidagi "Al-Hakim At Termiziy' ziyoratgohiga tashrif buyurildi.

"Jo‘yjangal" mahallasi huquqiy muammolardan holi hududga aylanmoqda

Termiz tuman adliya bo‘limi tomonidan YXKM, DXM va FHDY bo‘limi mas’ul xodimlari ishtirokida tumandagi "Jo‘yjangal" MFY aholsi uchun eng dolzarb masalalarni aniqlash orqali ular yuzasidan huquqiy tushuntirish va maslahatlar berish maqsadida “Adliya kuni” tadbiri o‘tkazilib, tadbir davomida “Mahalla yettiligi”ga hamda fuqarolarga qonunchilik hujjatlarining mohiyati va ahamiyati oddiy va xalqchil tilda yetkazildi.

Shu bilan birga, sayyor qabul davomida 15 dan ortiq fuqarolarning murojaatlari tinglanib, 10 nafar fuqarolar murojaatlari shu joyning o‘zida ijobiy hal etilgan bo‘lsa, 4 nafar fuqarolarning soliq, “Ayollar daftari” va ishga joylashish bilan bog‘liq imtiyozlar qo‘llanilishiga oid masalalar yuzasidan murojaatlari adliya bo‘limining ish yurituviga qabul qilindi hamda sayyor tartibda davlat xizmatlari ko‘rsatildi.

#Kibermadaniyatni_oshirish_oyligi_

Qumqo‘rg‘on tuman adliya bo‘limi tomonidan umumta’lim maktabi pedagoglariga huquqiy bilim va amaldagi qonunchilikda nazarda tutilgan imkoniyatlar bo‘yicha ma’lumot berildi.

Tadbir doirasida:

27-son umumta’lim maktabi o‘qituvchilari uchun seminar o‘tkazildi;
pedagoglarning huquqiy madaniyatini rivojlantirishga qaratilgan tushuntirish berildi;
ularga berilgan imtiyoz va yangiliklar aytib o‘tildi.

Kiberxavfsizlik oyligi munosabati bilan xodimlar o‘rtasida kibermadaniyatni oshirish bo‘yicha profilaktik suhbat o‘tkazildi.

Kiberjinoyatlarning oldini olish bo‘yicha tavsiyalar:

Noma’lum .АРК (virus) fayllarni yuklab olmasligi;
Pul ko‘paytirish va investitsiya va’dalariga ishonmang — firibgarlik bo‘lishi mumkin;
Shubhali havolalar (link) ni ochmang va tarqatmang;
Shaxsiy ma’lumotlar (karta raqam, pasport, kodlar)ni hech kimga bermang;
SMS tasdiqlash kodlarini begona shaxslarga ma’lum qilmang.

Surxondaryo viloyat adliya boshqarmasi