Huquqiy axborot sho‘basi boshlig‘i

Sho‘baning vazifalari va funksiyalari quyidagilardan iborat:

1) Huquqiy axborotni tarqatish va undan foydalanishni taʼminlash sohasida:

mahalliy davlat organlari va tashkilotlarining huquqiy axborotni tarqatish va undan foydalanishni taʼminlash sohasidagi faoliyatini muvofiqlashtiradi, uslubiy rahbarlikni va nazoratni amalga oshiradi;

normativ-huquqiy hujjatlar va tegishli axborot-tahliliy materiallarning barcha davlat organlari va tashkilotlariga oʻz vaqtida yetkazilishini taʼminlaydi;

huquqiy axborotni yigʻish, qayta ishlash va tahlil qilishning dasturiy-texnik vositalari va texnologiyalari joriy etilishini tashkil qiladi;

qonunchilik hujjatlarining mohiyati va ahamiyatini mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori yoʻnalishlaridan kelib chiqib ularga oddiy va xalqchil tilda yetkazadi;

2) Huquqiy targʻibotni amalga oshirish hamda davlat organlari va tashkilotlarining huquqiy targʻibot sohasidagi ishlarini muvofiqlashtirish sohasida:

huquqiy targʻibotni amalga oshirish hamda aholiga qonunchilik hujjatlarining mohiyati va ahamiyatini yetkazishni tashkil qiladi;

tuman (shahar) adliya bo‘limlari tomonidan huquqiy axborot va targʻibot sohasida olib borilayotgan ishlarni nazorat qiladi hamda bu sohadagi ishlarni muvofiqlashtiradi;

davlat organlari va tashkilotlarining huquqiy targʻibot sohasidagi ishlarini baholaydi;

davlat organlari va tashkilotlari tomonidan huquqiy targʻibot boʻyicha olib borilgan ishlarni oʻrganadi;

davlat organlari va tashkilotlarining huquqiy axborotdan keng koʻlamda foydalanishini taʼminlaydi, ularning fuqarolik jamiyati institutlari va ommaviy axborot vositalari bilan samarali hamkorlik qilish boʻyicha faoliyatini muvofiqlashtiradi;

qonunchilikning mohiyati va ahamiyati toʻgʻrisida xabardor qilishning sifatini tubdan oshirish, ushbu faoliyatni tashkil qilishda prinsipial yangi yondashuvlarni ishlab chiqish boʻyicha kompleks chora-tadbirlarni amalga oshiradi;

qonunchilikning mohiyati va ahamiyati toʻgʻrisida xabardor qilishning sifatini tubdan yaxshilash maqsadida keng jamoatchilik fikrini oʻrganadi va tahlil qiladi;

qonunchilik hujjatlari va topshiriqlar mazmun-mohiyatini oddiy va xalqchil tilda tushuntirish boʻyicha “Prezident qarorlari — hayotda va nazoratda” rukni ostida videoroliklar, infografikalar va boshqa koʻrgazmali materiallar tayyorlaydi hamda ularni televideniye va ijtimoiy tarmoqlarda yoritib boradi;

Adliya boshqarmasi tarkibiy bo‘linmalari hamda tuman (shahar) adliya bo‘limlari bilan hamkorlikda adliya organlari tomonidan amalga oshirilgan ishlarni OAV va ijtimoiy tarmoqlarda yoritib borisda hamkorlik ko‘rsatadi;

Aholi hamda adliya boshqarmasi tizimidagi xodimlarning huquqiy ongi, huquqiy savodxonligini mustahkamlash maqsadida turli uchrashuvlar, davra suhbatlari, seminarlar tashkillaydi, zarurat bo‘lganda ularga tegishli mutaxassislarni jalb qilinishini ta’minlaydi;

qonun hujjatlarini yetkazish boʻyicha rasmiy telegram messenjeri “Huquqiy axborot” kanalini uzluksiz ravishda ommalashtirib boradi;

Huquqiy targʻibot sohasida adliya boʻlimlari faoliyatiga umumiy rahbarlikni amalga oshiradi, ularning faoliyatini takomillashtirish boʻyicha takliflar ishlab chiqib, rahbariyatga kiritadi;

yoshlar, xotin-qizlar, ijtimoiy himoyaga muhtoj shaxslarni, shuningdek tadbirkorlik subyektlarini qonunchilik hujjatlarida belgilangan imtiyozlar, preferensiyalar, subsidiyalar, grantlar va davlat tomonidan qoʻllab-quvvatlashning boshqa turlari hamda ulardan foydalanish tartibi haqida xabardor qiladi;

Xalq deputatlari Surxondaryo viloyat Kengashiga huquqiy targʻibot holati haqida har yili axborot taqdim etadi.