Yuridik xizmatlar faoliyatini muvofiqlashtirish bo‘yicha bosh maslahatchi

Sohaning vazifalari va funksiyalari quyidagilardan iborat:

Davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy koʻmaklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat koʻrsatilishini taʼminlash sohasida:

davlat organlari va tashkilotlarining yuridik xizmatlari faoliyatini oʻrganadi, muvofiqlashtiradi va nazorat qiladi;

davlat organlari va tashkilotlarining yuridik xizmatlari xodimlarini lavozimga tayinlash va lavozimidan ozod qilishda ishtirok etadi, ularning stajirovka oʻtashini va malakasi oshirilishini tashkil qiladi hamda attestatsiyadan oʻtkazadi;

davlat organlari va tashkilotlari yuridik xizmatlari xodimlarining malakasini oshirishni tashkil qiladi;

davlat organlari va tashkilotlari yuridik xizmatlarining maʼlumotlar bazasini shakllantirish va yuritish tartibini hamda muddatlarini belgilaydi;

davlat organlari va tashkilotlarining yuridik xizmati xodimi lavozimiga birinchi marta tayinlangan shaxslarning stajirovka oʻtashini tashkil etadi;

davlat organlari va tashkilotlarining yuridik xizmatlari faoliyatini uslubiy jihatdan taʼminlashni amalga oshiradi;

davlat organlari va tashkilotlari yuridik xizmatlarining maʼlumotlar bazasini shakllantirish va yuritish tartibini, maʼlumotlar bazasiga kiritish uchun maʼlumot taqdim etish shakllari va muddatlarini ishlab chiqadi va tasdiqlash uchun kiritadi;

davlat organlari va tashkilotlarining yuridik xizmatlari xodimlarini lavozimiga tayinlash va ozod qilish masalalarini kelishishi jarayonini tashkil etadi;

davlat organlari va tashkilotlari yuridik xizmatlari xodimlarining ish joyini moddiy-texnik jihatdan taʼminlashga qoʻyilgan minimal talablara rioya etilishini monitoring qiladi;

qonunchilik hujjatlarida koʻrsatilgan hollarda Davlat budjetidan moliyalashtiriladigan tuman (shahar) darajasidagi davlat organlari va tashkilotlariga zamonaviy axborot texnologiyalari yordamida markazlashgan holda sifatli yuridik xizmat koʻrsatilishini tashkil qiladi;

qonunchilik hujjatlarida belgilangan tartibda boshqa tashkilotlarga pulli asosda yuridik xizmat koʻrsatilishini tashkil qiladi;

davlat organlari va tashkilotlariga xizmat koʻrsatiladigan yuridik xizmat koʻrsatish markazlari faoliyatini muvofiqlashtiradi;

yuridik xizmat koʻrsatish markazlari faoliyatiga metodik yordam koʻrsatadi va uslubiy rahbarlik qiladi;

yuridik xizmat koʻrsatish markazlari faoliyatini har chorakda baholab boradi va natijasi haqida rahbariyatga axborot kiritib boradi.