Intellektual mulk huquqlarini himoya qilish sho‘basi boshlig‘i

Sho‘baning vazifalari va funksiyalari quyidagilardan iborat:

1) intellektual mulk sohasida yagona davlat siyosatini olib borish hamda ixtirolar, tovar belgilari, mualliflik huquqi va boshqa intellektual mulk obyektlariga boʻlgan huquqlarni himoya qilish sohasida:

intellektual mulk obyektlarining huquqiy himoya qilinishini taʼminlash boʻyicha, shu jumladan kontrafakt mahsulotlarni ishlab chiqarish, realizatsiya qilishga qarshi kurashishda vakolatli davlat organlariga koʻmaklashish orqali taʼsirchan choralar koʻradi;

intellektual mulk sohasidagi huquqni qoʻllash amaliyotini izchil va bir xilda taʼminlash boʻyicha chora-tadbirlarni amalga oshiradi;

davlat organlari va boshqa tashkilotlar faoliyatida intellektual mulk sohasidagi normativ-huquqiy hujjatlarga rioya qilinishi va qoʻllanilishi amaliyotini oʻrganadi va tahlil qiladi;

intellektual mulk sohasidagi normativ-huquqiy hujjatlarni notoʻgʻri va ziddiyatli qoʻllash amaliyotini oʻrganadi, ushbu sohada huquqbuzarliklarni bartaraf etishga doir amaliy choralar koʻradi, shuningdek, mazkur masalalardagi jismoniy va yuridik shaxslarning murojaatlarini koʻrib chiqadi;

qonunchilikka muvofiq intellektual mulk obyektlarini huquqiy himoya qilish masalalari boʻyicha jismoniy va yuridik shaxslarning murojaatlarini koʻrib chiqadi;

intellektual mulk obyektlarining huquqiy himoyasi sohasida manfaatdor shaxslarga uslubiy yordam koʻrsatadi;

vakolatli tashkilotlar bilan hamkorlikda bozorlar, yirik savdo majmualari va boshqa joylarda kontrafakt mahsulotlar realizatsiyasiga qarshi kurashish boʻyicha profilaktika tadbirlarini oʻtkazadi;

intellektual mulk sohasidagi qonun buzilishi holatlari yuzasidan tadbirkorlik subyektlari faoliyatida oʻtkaziladigan tekshirishlarni vakolatli organni xabardor qilish tartibida amalga oshiradi;

intellektual mulkni huquqiy himoya qilish boʻyicha tegishli maʼlumot va materiallarni, shu jumladan kontrafakt mahsulotlar kataloglarini aholiga yetkazish choralarini koʻradi;

intellektual mulk obyektlarini himoya qilish va ulardan qonuniy foydalanish masalalarida aholi keng qatlamlarining huquqiy madaniyati hamda savodxonligini oshirish tadbirlarini amalga oshiradi;

aholi va tadbirkorlik subyektlarining intellektual mulk sohasida bilim va koʻnikmalarini doimiy oshirib borish yuzasidan targʻibot tadbirlarini oʻtkazadi;

iste’mol tovarlari, dori vositalari, tibbiy buyum va tibbiy texnika hamda mualliflik huquqi (turdosh huquqlar) obyektlarini realizatsiya qilish jarayonida intellektual mulk obyektlariga bo‘lgan huquqlarni buzish bilan bog‘liq huquqbuzarliklarni aniqlash bo‘yicha nazorat xaridini amalga oshiradi.

2) ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish sohasida:

Sudlarda intellektual mulk sohasidagi nizolarni koʻrib chiqishda ishtirok etadi.