Inson huquqlarini himoya qilish sho‘basi boshlig‘i

Sho‘baning vazifalari va funksiyalari quyidagilardan iborat:

fuqarolarning huquqlari, erkinliklari va qonuniy manfaatlarini huquqiy himoya qilish boʻyicha choralarni amalga oshirish sohasida:

davlat organlari va davlat ishtirokidagi tashkilotlar tomonidan inson huquqlari sohasidagi qonunchilik hujjatlariga rioya etilishi ustidan nazoratni amalga oshiradi;

inson huquqlari va erkinliklari buzilishi mumkin boʻlgan holatlar toʻgʻrisida axborot yigʻish uni baholashni amalga oshiradi;

fuqarolarning davlat organlari va davlat ishtirokidagi tashkilotlarda buzilgan huquqlarini tiklash boʻyicha choralar koʻradi;

inson huquqlari sohasidagi qonunchilik hujjatlarini doimiy ravishda tahlil qiladi va uni takomillashtirish yuzasidan takliflar kiritadi;

davlat organlari va tashkilotlarida inson huquqlari sohasidagi qonun hujjatlariga rioya etilishi holati toʻgʻrisidagi axborot va materiallarni tahlil qiladi va umumlashtiradi, ularni yaxshilash yuzasidan takliflar tayyorlaydi;

davlat organlari va tashkilotlar tomonidan murojaatlarni koʻrib chiqish sohasida qonun hujjatlariga rioya etilishi ustidan monitoring va nazoratning zamonaviy usullarini joriy etadi;

fuqarolar oʻz huquqlari va erkinliklari davlat organlari va tashkilotlari tomonidan buzilishi toʻgʻrisidagi murojaatlarini xolisona va har tomonlama koʻrib chiqilishini taʼminlaydi, ularga nisbatan qonunchilik hujjatlariga muvofiq choralar koʻradi;

inson huquqlari sohasidagi xalqaro standartlarni (siyosiy huquqlar, fuqarolik erkinliklari, diskriminatsiyaning mavjud emasligi, asosiy mehnat huquqlari boʻyicha) bosqichma-bosqich joriy etish choralarini koʻradi;

inson huquqlari va erkinliklarini himoya qilish sohasida nodavlat notijorat tashkilotlar tomonidan oʻtkazilayotgan monitoring natijalarini oʻrganadi hamda bu tashkilotlar bilan hamkorlikni yanada rivojlantirish va mustahkamlash choralarini koʻradi;

fuqarolarning buzilgan huquqlarini tiklash boʻyicha choralar koʻradi;

qonunchilikning buzilishi holatlari yuzasidan tushgan murojaatlar (shikoyatlar) boʻyicha, zarur hollarda, tegishli davlat organlari va tashkilotlari vakillari (mutaxassislari) bilan birgalikda joylarda tekshirish (oʻrganish) oʻtkazgan holda qarorlar qabul qilinishini taʼminlaydi;

inson huquqlari sohasidagi qonun hujjatlarini qoʻllash boʻyicha tushuntirishlar beradi va xulosalar tayyorlaydi;

inson huquqlari sohasidagi masalalar yuzasidan huquqiy targʻibot ishlarini amalga oshiradi;

inson huquqlari sohasi boʻyicha xorijiy davlatlar tajribasini oʻrganadi, ularni amaliyotda qoʻllash choralarini koʻradi va bu borada milliy qonunchilikni takomillashtirish yuzasidan takliflar ishlab chiqadi.