Notariat, advokatura va mediatsiya sho‘basi boshlig‘i

Sho‘baning vazifalari va funksiyalari quyidagilardan iborat:

1) notariat, advokatura hamda jismoniy va yuridik shaxslarga huquqiy xizmat koʻrsatuvchi boshqa tuzilmalarning samarali faoliyat koʻrsatishini taʼminlash sohasida:

notariat sohasida yagona notarial amaliyotni taʼminlash boʻyicha choralar koʻradi;

notariuslar tomonidan notariat toʻgʻrisidagi qonunchilikka rioya etilishi ustidan nazoratni amalga oshiradi, ularning ishini tahlil qiladi va umumlashtiradi;

Hududiy Notarial palata bilan birgalikda xususiy amaliyot bilan shugʻullanuvchi notariuslar tomonidan litsenziya talablari va shartlariga rioya etilishi ustidan nazoratni amalga oshiradi;

Malaka komissiyasining faoliyatini tashkil etadi;

notarial harakatlar boʻyicha statistikani yuritadi;

Notarial palata faoliyatiga koʻmaklashadi;

Xalqaro shartnomalariga muvofiq tegishli rasmiy hujjatlarga apostil qoʻyish ishlarini amaga oshiradi, bu sohadagi ishlarni muvofiqlashtiradi;

notarial idoralarga beriladigan gerbli blanklarni hisobga olish, saqlash, sarflash boʻyicha ularni hisobotini yuritadi;

advokatlik tuzilmalari va hududiy Advokatlar palatasining faoliyatiga koʻmaklashadi;

advokatlarga litsenziyalar berish ishlarini muvofiqlashtiradi;

advokatlar malakasini oshirishda koʻmaklashadi;

advokatlarga advokatlik guvohnomalarini berilishi, ularning hisobi yuritilishini taʼminlaydi;

advokatlar tomonidan litsenziya talablari va shartlariga rioya qilinishi ustidan nazoratni amalga oshirilishini taʼminlaydi;

advokatura faoliyati toʻgʻrisidagi statistik maʼlumotlarni oʻrganadi;

professional mediatorlar reestrini yuritilishini taʼminlaydi;

yuridik maslahat xizmatlarini koʻrsatuvchi tijorat tashkilotlari reestrini yuritadi, muvofiqlashtiradi;

davlat hisobidan yuridik yordam koʻrsatish sohasidagi maxsus vakolatli davlat organiga yuklatilgan vakolatlarni amalga oshiradi.

2) jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish sohasida:

advokatlik tuzilmalari va notarial idoralar uchun ichki nazorat qoidalariga rioya etilishi ustidan monitoring va nazoratni amalga oshiradi;

advokatlik va notarial xizmatlar koʻrsatish faoliyati sohasida jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish yuzasidan ehtimol tutilgan tavakkalchiliklarni baholaydi, tahlil qiladi va oʻrganadi hamda aniqlangan tavakkalchiliklarni kamaytirishga doir choralar koʻradi;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonunchilik hujjatlari buzilganligi aniqlangan taqdirda, qonunchilik hujjatlariga muvofiq choralar qoʻllaydi;

notariat va advokatura sohalari boʻyicha xorijiy davlatlar tajribasini oʻrganadi, ularni amaliyotda qoʻllash choralarini koʻradi va bu borada milliy qonunchilikni takomillashtirish yuzasidan takliflar ishlab chiqadi.