Huquqni qo‘llash amaliyotini o‘rganish va metodik ta’minlash sho‘basi boshlig‘i

Sho‘ba vazifalari va funksiyalari quyidagilardan iborat:

1) huquq ijodkorligi sohasida yagona davlat siyosatini yuritish:

mahalliy davlat hokimiyati organlarining normativ-huquqiy hujjatlarini huquqiy ekspertizadan oʻtkazish, qabul qilish, eʼlon qilish va manfaatdor shaxslar eʼtiboriga yetkazishning belgilangan tartibiga rioya qilinishi ustidan nazoratni amalga oshiradi;

koʻchmas mulk obyektini buzib tashlash toʻgʻrisidagi qaror loyihasini koʻrib chiqish va xulosa berish ishlarini tashkil qiladi va muvofiqlashtiradi;

mahalliy davlat hokimiyati organlarining norma ijodkorligi sohasidagi faoliyatini muvofiqlashtiradi, uslubiy rahbarlik qiladi;

mahalliy davlat hokimiyati organlarining norma ijodkorligi faoliyatini takomillashtirishning ustuvor yoʻnalishlari boʻyicha takliflar ishlab chiqilishini va ularning amalga oshirilishini taʼminlaydi;

mahalliy davlat hokimiyati organlarining normativ-huquqiy hujjatlarini Oʻzbekiston Respublikasi Konstitusiyasi va qonunlariga muvofiqlashtirish, huquqiy tartibga solishning tizimliligi va yaxlitligini taʼminlash, qonunchilikdagi kamchiliklarni bartaraf qilish toʻgʻrisida takliflar ishlab chiqilishini taʼminlaydi;

mahalliy davlat hokimiyati organlarining normativ-huquqiy hujjatlari loyihalarini tayyorlash va huquqiy ekspertizadan oʻtkazish boʻyicha uslubiy koʻrsatmalar boʻyicha takliflarni ishlab chiqadi va rahbariyatga kiritadi;

adliya boʻlimlarining mahalliy davlat hokimiyati organlarining norma ijodkorligi sohasidagi faoliyatini muvofiqlashtirish, uslubiy rahbarlik qilish va nazorat qilish faoliyatini muvofiqlashtiradi va uslubiy rahbarlik qiladi.

2) huquqni qoʻllash amaliyotini oʻrganish soxasida:

adliya boʻlimlari tomonidan mahalliy davlat hokimiyati organlari hujjatlar loyihalarini faqat “E-qaror” elektron tizimi orqali ishlab chiqish, kelishish, qabul qilish (chiqarish) roʻyxatga olish va eʼlon qilish jarayonlarining doimiy monitoringini olib borilishini tashkil etadi;

monitoring natijalariga koʻra “E-qaror” elektron tizimi orqali kelishish uchun yuborilgan hujjatlar loyihalari yuzasidan manfaatdor tashkilotlarning belgilangan muddatda munosabat bildirmagan rahbar va masʼul xodimlariga nisbatan hududiy adliya organlari tomonidan taʼsir choralarini qoʻllanilishi yuzasidan tegishli choralar koʻradi.

huquq ustuvorligi indeksini aniqlashda ishtirok etuvchi masʼul idora va tashkilotlar faoliyatini muvofiqlashtirish jarayonida ishtirok etadi;

koʻchmas mulk obyektini buzib tashlash toʻgʻrisidagi qaror loyihasini koʻrib chiqish va xulosa berish amaliyotini har yili kamida bir marotaba (zaruratga koʻra yilning boshqa davrlarida) umumlashtiradi;

mahalliy ijro etuvchi hokimiyat organlari tomonidan tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali berish tartibi toʻgʻrisidagi nizom talablariga soʻzsiz rioya etilishi boʻyicha tizimli nazorat va monitoringni amalga oshiradi;

maʼmuriy tartib-taomillarni (zaruratga koʻra davlat xizmatlarini koʻrsatish bilan bogʻliq tartib-taomillarni) amalga oshiruvchi barcha maʼmuriy organlar tomonidan qonunchilik hujjatlariga rioya qilinishini oʻrganadi, nazorat va tahlil qiladi;

maʼmuriy-huquqiy faoliyatni tartibga soluvchi funksiyalarini xatlovdan oʻtkazadi, maʼmuriy tartib-taomillarni optimallashtirish va unifikatsiyalashtirish hamda tartiblari, muddatlar va zarur hujjatlarini maksimal qisqartirish boʻyicha tizimli ishlarni amalga oshiradi;

maʼmuriy tartib-taomillarni amalga oshirishdagi huquqiy boʻshliqlarni bartaraf etish, shuningdek, sohada innovatsion va axborot-kommunikatsiya texnologiyalarini joriy qilish hamda idoralararo elektron hamkorlikni rivojlantirish choralarni amalga oshiradi;

maʼmuriy tartib-taomillar sohasida aniqlangan qonun buzilishlari, ularga imkon beruvchi sabablar va shart-sharoitlarni bartaraf etish boʻyicha tizimli choralar koʻrib boradi;

tadbirkorlik subektlari bilan tuzilagan hamkorlik shartnomalari loyihalarini huquqiy ekspertizadan oʻtkazadi hamda jarayonning doimiy monitoringini olib borilishini tashkil etadi.

3) davlat boshqaruvi tizimining samaradorligini ilgʻor xorijiy tajriba va zamonaviy rivojlanish tendensiyalari asosida tahlil va monitoring qilish sohasida:

davlat boshqaruvi tizimining samaradorligi va natijadorligini aniqlash maqsadida davlat organlari va tashkilotlarining faoliyatini kompleks va tizimli monitoring va tahlil qiladi;

tahlil va monitoring natijalariga koʻra davlat boshqaruvi tizimini, davlat organlari va tashkilotlarining tashkiliy-shtat tuzilmalarini va ishlash mexanizmlarini takomillashtirish, ularning bir birini takrorlovchi funksiyalarini, ortiqcha va xos boʻlmagan vazifalar, funksiyalar hamda vakolatlarni chiqarib tashlash hisobiga optimallashtirish va nomarkazlashtirish boʻyicha takliflar tayyorlaydi;

manfaatdor mahalliy idoralar bilan har yili idoralararo kollegial organlar faoliyati samaradorligini tahlil qiladi, natijasi boʻyicha optimallashtirish yuzasidan rahbariyatga takliflar kiritadi.