O‘zbekiston Respublikasi Prezidenti va Hukumati hujjatlari ijrosini nazorat qilish sho‘basi boshlig‘i

Sho‘baning vazifalari va funksiyalari quyidagilardan iborat:

qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash, idoralar kesimida manzilli tahliliy oʻrganishlar va monitoring olib borish sohasida:

“ijro.gov.uz” tizimida qonunchilik hujjatlari va topshiriqlar oʻz vaqtida ijro etilishi ustidan nazorat olib boradi;

“Ijro.gov.uz” tizimining funksional va foydalanish xarakteristikalarini takomillashtirish boʻyicha maqsadida uning ishlashini tahlil qiladi;

“Ijro.gov.uz” tizimida yuzaga kelayotgan muammo va kamchiliklarni aniqlaydi va uni takomillashtirish boʻyicha takliflar ishlab chiqadi;

“Ijro.gov.uz” tizimiga kiritilgan topshiriqlarni bajarilishi boʻyicha ijrochilar tomonidan kiritilgan maʼlumotlar toʻliqligi va haqqoniyligini tekshiradi, shuningdek ijro muddatlarini uzaytirish haqidagi takliflar asosliligini oʻrganadi;

davlat organlari va tashkilotlari tomonidan qonunchilik hujjatlari va topshiriqlarning aniq amaliy natijalarga erishilishi taʼminlanmasdan turib, yuzaki bajarilishiga yoʻl qoʻymaslik boʻyicha choralar koʻradi, shuningdek, ushbu holatlarning oldini olish maqsadida davlat organlari va tashkilotlariga koʻrsatmalar kiritadi;

qonunchilik hujjatlari va topshiriqlar ijrosini taʼminlash yuzasidan “Ijro.gov.uz” tizimiga zarur maʼlumotlarni oʻz vaqtida kiritmagan yoki notoʻgʻri maʼlumotlarni kiritgan, shuningdek, bu borada koʻrsatmalarni oʻz vaqtida yoki lozim darajada bajarmagan davlat organlari va tashkilotlarining mansabdor shaxslariga nisbatan qonunchilikka muvofiq intizomiy, maʼmuriy va boshqa javobgarlik choralarini qoʻllash boʻyicha vakolatli organlarga takliflar kiritadi;

qonunchilik hujjatlari va topshiriqlar ijrosi boʻyicha maʼlumotlarni umumlashtiradi va tahlil qiladi;

qonunchilik hujjatlari va topshiriqlar talablarining buzilishi hamda ularni notoʻgʻri talqin qilish, shuningdek, amaliyotda notoʻgʻri qoʻllash holatlarini oʻrganadi, tahlil qiladi va taklif ishlab chiqadi;

umumlashtirishlar va tahlillar natijasi boʻyicha aniqlangan muammolar va kamchiliklarni bartaraf qilish va kelgusida takroran sodir etilishining oldini olish boʻyicha chora-tadbirlar rejalarini ishlab chiqadi;

qonunchilik hujjatlari va topshiriqlar ijrosi boʻyicha amalga oshirilgan ishlar natijalari yuzasidan “Prezident qarorlari – hayotda va nazoratda” rukni ostida huquqiy targʻibot tadbirlarini amalga oshirish uchun tahliliy materiallar tayyorlaydi;

qonunchilik hujjatlari va topshiriqlar ijrosi holati toʻgʻrisidagi maʼlumotni har oyda rahbariyatga kiritib boradi;

oʻrganishlar va monitoringlarda aniqlangan kamchiliklar va muammolarni tahlil qiladi hamda ularni bartaraf qilish va kelgusida takroran sodir etilishining oldini olish boʻyicha zarur chora-tadbirlarni amalga oshiradi;

qonunchilik hujjatlari va topshiriqlarning amalda bajarilishiga toʻsqinlik qilayotgan muammolar va omillarni aniqlaydi hamda ularning kelib chiqish sabablarini oʻrganadi va tahlil qiladi;

aniqlangan muammolar va omillarni bartaraf etish boʻyicha tegishli davlat organlari va tashkilotlariga aniq tavsiyalar va koʻrsatmalar beradi;

davlat organlari va tashkilotlarining ochiqlik holatini manzilli va tematik oʻrganishlar, jamoatchilik monitoringi hamda jamoatchilik eshituvlari, shuningdek, vakolati doirasida boshqa vositalardan foydalangan holda tahlil qiladi;

davlat organlari va tashkilotlariga qonunchilik hujjatlari va topshiriqlar ijrosi yuzasidan huquqiy-uslubiy koʻmaklashishga moʻljallangan metodik qoʻllanmalar ishlab chiqadi hamda ularga ushbu sohada huquqiy-uslubiy jihatdan koʻmaklashadi.