Davlat xizmatlari ko‘rsatilishi ustidan nazorat qilish sho‘basi boshlig‘i

Sho‘baning funksiyalari quyidagilardan iborat:

davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini monitoring, nazorat va tahlil qiladi;

davlat xizmatlari koʻrsatuvchi davlat organlari va boshqa tashkilotlar faoliyatida qonunchilik hujjatlari talablariga rioya etilishi nuqtayi nazaridan tekshirishlarni amalga oshiradi;

davlat xizmatlari koʻrsatish sohasidagi qonunchilik hujjatlarini buzganlik uchun davlat organlari va boshqa tashkilotlar, shu jumladan xoʻjalik birlashmalari, uy-joy kommunal va foydalanish xoʻjaligi tashkilotlari mansabdor shaxslariga nisbatan maʼmuriy huquqbuzarlik toʻgʻrisidagi bayonnoma tuzadi;

davlat xizmatlari koʻrsatish sohasida qonun hujjatlari buzilishiga yoʻl qoʻymaslik haqida mansabdor shaxs hamda xizmatchilarni yozma ravishda ogohlantiradi va ular bilan profilaktik suhbatlarni oʻtkazadi;

davlat xizmatlari koʻrsatuvchi davlat organlari va boshqa tashkilotlar, shu jumladan xoʻjalik birlashmalari, uy-joy kommunal va foydalanish xoʻjaligi tashkilotlari rahbarlariga aniqlangan qonunchilik hujjatlari buzilishlari, ularga imkon beruvchi sabablar va shart-sharoitlarni bartaraf etish haqida koʻrib chiqilishi majburiy boʻlgan taqdimnomalar kiritadi;

davlat xizmatlari koʻrsatish sohasida vakolatli organlar tomonidan qonunlar va boshqa normativ-huquqiy hujjat loyihalari ishlab chiqilishida qatnashadi;

davlat xizmatlari koʻrsatishda jismoniy va yuridik shaxslarga malakali axborot va maslahat yordami beradi;

sho‘ba vazifa va funksiyalariga oid jismoniy va yuridik shaxslardan kelib tushgan murojaatlarni koʻrib chiqadi;

faoliyati sohasiga doir masalalar yuzasidan huquqiy targʻibot ishlarini amalga oshiradi;

davlat organlari va tashkilotlarining faoliyatida shaxsga doir maʼlumotlar bilan ishlash sohasidagi qonunchilik hujjatlari talablariga rioya etilishi nuqtayi nazaridan tekshirish (oʻrganish, monitoring) larni amalga oshiradi;

davlat organlari va tashkilotlarining shaxsga doir maʼlumotlar bilan ishlash sohadagi faoliyatini nazorat qiladi hamda shaxsga doir maʼlumotlar toʻgʻrisidagi qonunchilikni buzilganligi holati yuzasidan maʼmuriy bayonnomalarni rasmiylashtiradi;

faoliyati sohasidagi qonunchilik hujjatlarini qoʻllash boʻyicha tushuntirishlar va xulosalar tayyorlaydi.