Yangiliklar

Сурхондарё вилоят адлия бошқармасининг 2019 йил 1-чораги давомида амалга оширган ишлари юзасидан 3/19-сонли Ҳайъат мажлиси бўлиб ўтди.

Бошқарманинг ҳайъат мажлисида Адлия бошқармаси, туман (шаҳар) адлия бўлимлари ва давлат нотариал идораларининг барча ходимлари иштирок этишди.

Бошқарма бошлиғи ҳайъат райиси С.Саттаров томонидан ҳайъат регламентига асосан кун тартиби белгилаб олинди.

Бошқарма бошлиғининг биринчи ўринбосари С.Абдурасуловнинг кун тартибидаги 1-масала: Адлия бошқармаси, туман (шаҳар) адлия бўлимлари ва давлат нотариал идоралари томонидан 2019 йилнинг 1-чораги давомида амалга оширилган ишлар ҳисоби ва келгусидаги вазифалар тўғрисидаги ахбороти ва кун тартибидаги 2-масала: Термиз шаҳар 3-сон ҳамда Шўрчи туман 1-сон давлат нотариал идорасининг иш фаолиятини комплекс текшириш натижалари муҳокамаси юзасидан Бошқарманинг Ҳуқуқий хизмат кўрсатишни давлат томонидан тартибга солиш бўлими бошлиғи Ф.Аллаёровнинг ахборотитингланди.

Бошқарма томонидан жисмоний ва юридик шахсларнинг 289 та мурожаатлари кўриб чиқилди. Мурожаатларнинг 101 таси қанотлантирилиб, 98 тасига ҳуқуқий тушунтириш берилди. Судларга мурожаатлар юзасидан 11 млн. 669 минг сўмлик 4 та даъво аризалар киритилди, ташкилот ва идораларга қонун бузилиши, унинг келиб чиқиш сабаблари ва имконият яратиб берган шарт-шароитларини бартараф этиш тўғрисида 6 та тақдимномалар киритилди, 2 нафар мансабдор шахсга нисбатан маъмурий ҳуқуқбузарлик тўғрисида расмийлаштирилган баённома судга юборилди ва маъмурий чора кўрилиши таъминланди.

Қонунчилик борасида 60 та таклиф киритилиб, 3 та норматив ҳуқуқий ҳужжатлар экспертизадан ўтказилиб, тегишли хулосалар берилган. Ҳисобот даврида 31 та маҳаллий давлат ҳокимияти органлари қарорлари давлат ҳисобига олинди.

Судларга 1 млрд 7 млн 823 минг сўмлик 28 та даъво аризалар киритилди, аниқланган 6292 та қонун бузилишлар бўйича ташкилотлар ва  идораларга 82 та тақдимномалар берилиб, 17 нафар мансабдор шахсларнинг интизомий жавобгарликка тортилиши таъминланди. 

Маъмурий жавобгарликка тортиш юзасидан 7 таклифлар киритилди ва 545 нафар мансабдор шахсларга қонуннинг бузилишига йўл қўймаслик ҳақида огоҳномалар юборилди.

Норматив-ҳуқуқий ҳужжатларнинг 42 таси таҳлил қилиниб, аниқланган 31 та муаммо ва камчиликлар юзасидан идоралар ва ташкилотларга 5 та таклиф киритилди.

Юридик хизмат ходимларининг 180 нафари аттестациядан ўтказилди, ҳисобот даврида 3 нафар юристлар малакасини ошириш марказида ўқиб, малака оширди.

Нодавлат нотижорат ташкилотларидан 30 таси давлат рўйхатидан ўтказилди.

Келиб тушган (электрон шаклда) 234 та норматив-ҳуқуқий ҳужжатлар Вазирлар Маҳкамаси томонидан тасдиқланган рўйхат бўйича давлат органлари ва бошқа ташкилотларга етказилди.

Ҳуқуқий тарғибот соҳасида 359 та тадбирлар ўтказилиб, 22 марта телевидения, 9 марта радиода чиқиш қилинди, газеталарда 14 та мақолалар чоп этилди, 126 марта веб сайтлар, турли ижтимоий тармоқларда тарғибот тадбирлари ўтказилди.

Қуйи тизимларда 9 нафар ходимларга нисбатан рейд ва сирли мижоз тадбирлари ўтказилиб, ножўя хатти-ҳаракат содир қилган 3 нафар ходимларга интизомий жазо берилди ва 59 маротаба профилактик суҳбатлар ўтказилди.

Вилоятда фаолият юритаётган 46 нафар нотариуслар томонидан 52207 та нотариал ҳаракат амалга оширилиб, 2 млрд. 553 млн сўм миқдорида пуллик хизмат ундирилиши таъминланган.

Ҳисобот даврида 4 маротаба Адвокатлар палатаси Сурхондарё вилоят ҳудудий бошқармаси ҳузуридаги адвокатура бўйича малака комиссияси йиғилишлари ўтказилиб, 6 нафар адвокатликка талабгор шахслардан малака имтиҳонлари қабул қилиниб, 4 нафар талабгор малака имтиҳонини муваффақиятли топширганлиги сабабли уларга адвокатлик фаолияти билан шуғулланиш ҳуқуқини берувчи лицензиялар берилган.

2019 йилнинг ўтган даврида адвокатлик тузилмаларни давлат рўйхатидан ҳамда қайта давлат рўйхатидан ўтказиш бўйича келиб тушган 9 та аризалардан 3 та адвокатлик бюроси, 6 та адвокатлик фирмаси давлат реестрига киритилиши таъминланди.

Туман ва шаҳар адлия бўлимлари томонидан 2019 йилнинг 1-чораги давомида 597 та мурожаатлар кўриб чиқилиб, уларнинг 400 таси қанотлантирилган, 190 таси бўйича ҳуқуқий тушунтиришлар берилган. Судларга 100 млн. 529 минг сўмлик моддий ва маънавий зарарларни ундириш юзасидан 31 та даъво аризалар киритилган, ташкилот ва идораларга қонун бузилиши унинг келиб чиқиш сабаблари ва шарт-шароитларини бартараф қилиш тўғрисида 20 та тақдимномалар юборилган.

Қонунчилик борасида 30 та таклиф киритилиб, 30 та норматив-ҳуқуқий ҳужжатлар экспертизадан ўтказилган ва тегишли хулосалар берилган.

Судларга  237 млн 444 минг сўмлик моддий ва маънавий зарарларни ундириш ҳақида 91 та даъво аризалар киритилган. Аниқланган 49868 та қонун бузилишлар бўйича идора ва ташкилотларга 383 та тақдимномалар юборилиб, 181 нафар мансабдор шахслар интизомий жавобгарликка тортилган бўлиб, шундан 6 нафари билан меҳнат шартномаси бекор қилинган. 

Маъмурий ҳуқуқбузарлик тўғрисида расмийлаштирилган 132 та баённомалар судларга юборилган, 865 нафар мансабдор шахсларга нисбатан қонуннинг бузилишига йўл қўймаслик ҳақида огоҳномалар берилган.

Норматив-ҳуқуқий ҳужжатларнинг 347 таси таҳлил қилиниб, аниқланган 59 та муаммо ва камчиликлар бўйича 5 та идораларга таклифлар киритилган.

Юридик хизмат ходимларининг 71 нафари аттестациядан ўтказилган ва  ҳисобот даврида 3 нафари юристларни малакасини ошириш марказида ўқиб, малака оширган.

Келиб тушган (электрон шаклда) 3280 (14 та туман бўйича) та норматив-ҳуқуқий ҳужжатлар Вазирлар Маҳкамаси томонидан тасдиқланган рўйхат бўйича давлат органлари ва бошқа ташкилотларга етказилиши таъминланган.

Ҳуқуқий тарғибот йўналишида 4510 та тадбирлар ўтказилиб, 30 марта телевидения, 25 марта радиода чиқиш қилинган, газеталарда 36 та мақолалар чоп этилган ва 572 маротаба веб сайтлар ва турли ижтимоий тармоқларда тарғибот тадбирлар  ўтказилган.

“Ўқув машғулотида”

       Сурхондарё вилоят адлия бошқармаси мажлислар залида бошқарма ходимлари иштирокида “Олий таълимда тест синовларини ўтказиш тартиби” мавзусида давра суҳбати ўтказилди.

         Тадбирда Ўзбекистон Республикаси Вазирлар Маҳкамаси ҳузуридаги “Тест маркази” Сурхондарё вилоят бўлими бош мутахассиси Хайдаров Рўзи Аллабоевич ўз маърузасида олий таълим тизими соҳасида ҳам бошқа соҳалардагидек кенг кўламли ислоҳотлар амлага оширилаётганлиги, 2019 ўқув йилида абитуриентлар учта олий таълимга ҳужжат топшириши мумкинлигини, абитуриентлар ўзлари хоҳлаган олий таълим муассасаларига ҳужжатларни, яъни аризасини ўзлари яшаб келаётган ҳудуддаги давлат хизматлари марказларига топшириши учун қўлайликлар яратилганлиги ҳақида тушунтиришлар берилди,

Шу билан биргаликда, тест синовларини топширилган куннинг эртасига унинг жавоблари эълон қилинишини, абитуриент талаба бўлгандан сўнг қолган ҳужжатларини ўзи қабул қилинган таълим муассасасига бевосита тақдим қилиши ҳақида маълумотлар берилди.

Бундан ташқари тест синовлари вақтида учраб турадиган нохуш ҳолатлар, абитуриентларнинг қонун бузилиш ҳолатларига йўл қўяётганлиги ва бунинг натижасида тест синовларидан четлатилганлиги бўйича аниқ мисоллар келтириб ўтилди. Ўз навбатида 2019 йилги олий таълим муассасаларига кириш учун тест имтиҳонларини ўтказишда юқори хавфсизлик ва профилактика чоралари кўрилаётганлиги, бу билан тест синовларини шаффоф ва қонуний ўтказилиши бўйича барча шароитлар яратилганлиги юзасидан тушунтиришлар берилди.

         Давра суҳбати сўнгида иштирокчилар томонидан берилган барча саволларга маърузачи батафсил тушунтиришлар берди.

Маълумки, Ўзбекистон Республикаси Адлия вазирлиги томонидан ногиронлиги бўлган шахсларни қўллаб қувватлаш мақсадида, “Биз биргамиз” – ижтимоий лойиҳаси республика бўйлаб кенг кўламда ўтказилмоқда.
Ушбу лойиҳа орқали қатор ҳамкор ва ҳомий ташкилотлар билан биргаликда ногиронлиги бўлган шахсларга зарур ижтимоий ёрдамлар кўрсатилмоқда.
Сурхондарё вилоят адлия бошқармаси ташаббуси билан ташкил этилган тадбирда узоқ вақтдан буён тиббий асбоблар олишга навбатда турган болажонларимизга қарийб 25 млн сўмлик 8 та эшитиш мосламаси ва 2 та ногиронлар аравачаси адлия вазири биринчи ўринбосари Истамов Махмуд Шухратович томонидан тантанали равишда топширилди.
Тадбир "Ўзбекистон 24" муҳбирлари томонидан тасвирга олинди.

Вилоят адлия бошқармаси
 масъул ходими                                                                     Ҳусниддин Қаршиев

Сурхондарё вилоят адлия бошқармаси томонидан “Ўзбекистон Республикаси Вазирлар Маҳкамаси Регламентининг мазмун-моҳияти, шунингдек маҳаллий давлат ҳокимияти органларининг норма ижодкорлиги фаолиятида учраётган асосий муаммолар” мавзусида бошқарманинг кичик мажлислар залида вилоят ва туман (шаҳар) ҳокимликлари юридик хизмат ходимлари иштирокида семинар тадбири ўтказилди.
Тадбир давомида Адлия вазирининг махсус унвонлар – мартаба даражалари бериш ҳақидаги буйруғига асосан Қизириқ ва Қумқўрғон туман ҳокимликларининг юридик хизмат ходимларига мартаба даражалари топширилди.

Ҳуқуқий экспертиза ва юридик хизматларнинг 
фаолиятини мувофиқлаштириш бўлими бошлиғи                                           Ғайрат Тиловқобилов

Ўзбекистон Республикаси Президентнинг 2019 йил 29 апрелда “Республика иқтисодиётига тўғридан-тўғри хорижий инвестицияларни жалб қилиш механизмларини янада такомиллаштириш чора-тадбирлари тўғрисида”ги ПҚ-4300-сонли қарори қабул қилинди.

Қарорга мувофиқ тўғридан-тўғри хорижий инвестицияларни жалб қилишни фаоллаштириш йўллари белгиланади.

Кимё ва нефть-газ саноати, машинасозлик, банк-суғурта соҳасидаги давлат акциялари, хусусан, 29 та хўжалик жамиятларининг устав капиталларидаги давлат акциялари инвесторларга сотилади.

Қуйидаги тижорат банкларининг ва суғурта компанияларнинг устав капиталидаги давлат акциялар пакетининг 25 фоизи сотилиши белгиланди:

1. “Алоқабанк” АЖ

2. “Туронбанк” АЖ

3. “Asia Alliance Bank” АТБ

4. “Кафолат” АЖ

Шунингдек, “Қизилқумцемент” АЖ (35,9 фоиз), “Кварц” АЖ (74,98 фоиз), “Соса-соla Ichimligi” МЧЖ қўшма корхонаси (57 фоиз) каби хўжалик жамиятларининг устав капиталларидаги давлат акциялари сотилишини алоҳида қайд этиш лозим.

Ушбу акциялар пакетларини сотиш ишлари Давлат мулкини сотишда тендер савдоларини ўтказиш бўйича давлат комиссияси томонидан амалга оширилиши белгилаб қўйилди ва унинг зиммасига икки ҳафта муддатда инвесторларга сотиладиган хўжалик жамиятлари давлат акциялари (улушлари) пакетларини баҳолаш ва савдога қўйиш графикларини тасдиқлаш вазифаси юклатилди.

Сурхондарё вилоят адлия бошқармаси томонидан адлия вазирининг 2019 йил 8 февралдаги "Давлат органлари ва ташкилотларда ходимларнинг ҳуқуқий билимларини иширишга қаратилган ҳуқуқий маслаҳат курсларини ташкил этиш тўғрисида"ги буйруғига асосан давлат органларида бепул ҳуқуқий ўқув курслари графикка асосан ўтказилиб борилмоқда.
Навбатдаги ҳуқуқий маслаҳат машғулоти Сурхондарё вилоят Аму-Сурхон ирригация тизимлари ҳавза бошқрмасида ўтказилди.
Савол-жавоб кўринишида ўтказилган маслаҳат курсларида адлия бошқармасининг малакали ходимлари томонидан Ўзбекистон Республикаси Конституцияси, меҳнат қонунчилиги, жисмоний ва юридик шахсларнинг мурожаатлари билан ишлаш ҳамда коррупцияга қарши курашиш бўйича қонун ҳужжатлари кўргазмали слайдлардан фойдаланган ҳолда ёритиб берилди.

Сурхондарё вилоят адлия бошқармаси ташаббуси билан жорий йилнинг 15 – 25 апрель кунлари Ўзбекистон Республикаси Адлия вазирлиги ҳузуридаги юристлар малакасини ошириш марказининг профессор ўқитувчилари томонидан Термиз давлат университетида вилоятдаги давлат органлари ва ташкилотларининг 68 нафар юридик хизмат ходимлари ҳамда 29 нафар адвокатларининг малакаси ошириш бўйича минтақавий сайёр ўқув курслари ўтказилди.
Ўқув курси якуни билан ўтказилган синовлар натижалари бўйича вилоятдаги давлат органлари ва ташкилотларининг 68 нафар юридик хизмат ходимлари ҳамда 29 нафар адвокатларига малака оширганлик тўғрисидаги малака сертификатлари тантанали равишда топширилди.

Ҳуқуқий экспертиза ва юридик хизматларнинг 
фаолиятини мувофиқлаштириш бўлими бошлиғи                                           Ғайрат Тиловқобилов

Сурхондарё вилоят адлия бошқармаси жамоаси ҳам мамлакатимизда ўтказилаётган ёшларнинг китобхонлик маданиятини ошириш ва уларнинг маънавиятини юксалтиришга қаратилган ижтимоий акцияда фаол иштирок этган ҳолда Термиз шаҳрида жойлашган 12-сонли меҳрибонлик уйининг тарбияланувчиларига китоблар топширилди.

Сурхондарё вилоят адлия бошқармаси ташаббуси билан вилоят “Матбуот уйи” мажлислар залида вилоят ОАВлари ходимлари ўртасида Ўзбекистон Республикаси Адлия вазирлиги қошидаги Юристлар малакасини ошириш маркази профессор ўқитувчилари томонидан “Оммавий ахборот воситалари фаолиятининг ҳуқуқий асослари” ва “Журналистнинг ҳуқуқлари ва мажбуриятлари” мавзуларида ўқув семинари ўтказилди.

         Тадбирда маърузачи Юристлар малкасини ошириш маркази кафедра мудири, юридик фанлари доктори профессор Б.Тошев ўз маърузасида Оавларининг эркинлиги, Оавлари давлат томонидан қўллаб-қувватланиши,Оавлари эркинлигини суиистеъмол қилишга қўйлмаслиги, цензурага йўл қўйилмаслиги ҳақида тўхталиб, Оавсини таъсис этиш ҳуқуқи, Муассасис ва таҳририят ўртасида шартнома, бош муҳаррир, таҳририят ходими Оавсининг чиқарилишгига оид маълумотлар ҳамда Оавсини давлат рўйхатидан ўтказиш тартиби, Оавларининг маҳсулоти уларни тарқатиш, даврий босма нашрининг электрон шакли, жаҳон ахборот тармоғидаги веб  сайт тарзидаги оавси ҳақида батафсил тушунтиришлар берилди.   Шу билан биргаликда, журналистнинг фаолиятини ҳимоя қилиш тўғрисидаги қонун ҳужжатлари, журналистнинг ҳуқуқлари, журналистнинг дахилсизлиги, уларнинг мажбуриятлари, журналистика соҳасининг сири, касбга оид одоб ахлоқ қоидалари ҳақида тушунтиришлар берилди.

         Тадбир якунида иштирокчилар томонидан берилган барча саволларга ҳуқуқий тушунучалар берилди.

         Шунингдек, тадбирда иштирок этган барча ОАВлари ходимларига Юристлар малкасини ошириш маркази раҳбарияти томонидан сертификатлар берилди.

         Вилоят адлия бошқармаси