Yangiliklar

Ёшларни “Оммавий маданиятнинг зарарли таъсирларидан ҳимоя қилиш”

Сурхондарё вилояти адлия бошқармаси томонидан Музработ туман адлия бўлими масъул ходими билан ҳамкорликда тумандаги “Агросервис” касб-ҳунар коллежи мажлислар залида “Ёшларни “оммавий маданиятнинг зарарли таъсирларидан ҳимоя қилиш мавзусида давра суҳбати тадбири бўлиб ўтди.
Ушбу тадбирда маърузачиллар ўз маърузаларида ҳар-бир ота-она эътибор бериб қараса ўғлининг, қизининг, набирасининг ҳали боғча ва мактаб ёшидаёқ беўхшов қилиқлар қилаётганлигини кўради. Унинг харакати, рақсини кузатасангиз нимани эслатади. Ота-онага… менимча ўзлигимиз, миллийлигимиз, қадрятларимиздан узоқ бўлган қилиқларини эслатяпти. Нега? Негаки у ота-она эътиборсиз қолганида бошқа бировларнинг, ўзидан катта ёшдаги тарбиясизларнинг “тажрибаси”ни ўзлаштирган.
Қўл телефони бор болалардан турли-туман қўшиқлар клиплар, фильмларни томоша қилган. Ота-она унга дакки бермоқчи бўлади. Афсуски унда ота-онадан билағон ота-онадан маданиятлик деган фикр қатъийлашган бўлади.
Бугунги бутун дунёда ахборотлашув ва глобаллашув жараёни авж олган пайтда турли курашлар ҳам тобора кучайиб бормоқда.
Айримлар буни йигирма биринчи асрнинг янгилиги деб, “маданият”га ўхшатаётган бўлсада, бу жараёнлар ўсиб келаётган ёш авлод қалбига, онгу-шуурига салбий таъсир кўрсатаётганини асло унутмаслигимиз керак.
Бугунги кунда ҳеч бир халкнинг миллий ва маънавий анъанаси, одатларига тўғри келмайдиган турли “урф-одатлар” кўпаймокда. Ачинарли жиҳати шундаки, кўпчилик, хусусан айрим ёшлар унинг таъсирига тушиб қолмоқда. Бу нарса ёшларимизнинг юриш-туришида, кийинишида, ўзини тутиши-ю бошқалар билан бўладиган суҳбатларида кўзга ташланади.
Бундай ёт ғоялар эса бизнинг миллий қадриятларимиз ва анъаналаримизга асло тўғри келмайди. Турли найранг ва хатарлардан огоҳ, сергак ва ҳушёр бўлишимиз лозим. Сўнгги пайтларда маънавиятимизга зид бўлган турли ғаразли кучлар “оммавий маданият” ниқоби остида ёшларимиз онгига таъсир ўтказишга ҳаракат қилмоқда.
“Оммавий маданият” ғарб дунёсида ўтган асрнинг иккинчи ярмида шаклланди. Уни ғарбда “популяр” ёки қисқартирилган ҳолда, “поп-культура” (яъни “оммавий маданият”) деб аташади. Гарчи “маданият” деб аталса-да, аслида, туб мазмун-маъносига, мақсад-ниятига кўра “оммавий маданият” чинакам маданиятнинг кушандасидир.
Албатта, бундай ёт ғоялар таъсирига тушиб қолган айрим ёшлар ҳаётга фақат бир томонлама боқадиган, енгил ҳаётга интилувчан бўлиб вояга етишади.. Бу эса уларда бузғунчилик, зўравонлик, фақат ўз манфаати учун ҳаракат қилиш каби иллатларни ривожланишига сабаб бўлади.Табиийки, “оммавий маданият” деган ниқоб остида ахлоқий бузуқлик ва зўравонлик ғояларини тарқатиш, шунинг ҳисобидан бойлик орттириш, миллий анъана ҳамда қадриятларни қўпоришга қаратилган хатарли таҳдидлар одамни ташвишга солмай қўймайди. Бугун ёшларимиз ўзига хос “тушунчалар уруши” шароитида яшамоқдалар. “Оммавий маданият” ота-боболаримиз “қора” деган нарсаларни “оқ”, “оқ” деган нарсаларини “қора” деб уқтирмоқда. Миллий-маънавий маданиятимиз ва диний қадриятларимиз мазмун-моҳиятан жуда гўзал. Бу миллий маданиятимиздан бегона руҳиятда вояга етадиган ёшлар табиий равишда турли ёт кучлар қурбонига айланмоқдалар. Бизнинг миллий маданиятимизда ҳаё, андиша, ибо каби ахлоқий фазилатларга қатъий равишда амал қилиниб келинади. “Оммавий маданият” айнан миллий қадриятимиз асоси бўлган ҳаё, андиша, оқибат, меҳр-муҳаббат каби гўзал ахлоқий қадриятларимизга қарши бўлган ахлоқсизлик ва ёвузликни ўзида акс эттирган ҳаракатдир.
Айни пайтда кенг тарқалган ахлоқсизликни “маданият” деб аталиши, ёинки, минг йиллик маънавий қадрият ва анъаналарни беписандлик билан “эскилик сарқити” дейилиши ёшларнинг тарбиясига жиддий хавф солмоқда.
Аслида халқимиздан бошқалар ўрнак олса арзигуликдир. Минг йиллик одоб-ахлоқ қонимизга сингган эзгу қадриятларни бошқа анъаналар билан алмаштириш онгли инсонга хос бўлмаган одатдир.
Таниқли ўзбек адиби Мусо Тошмуҳаммад ўғли Ойбек шундай деган экан: “Ўзбек халқи азалдан буён маданият булоғининг бошида бўлган”.
Донишманд халқимизда “касални даволашдан кўра, уни олдини олган маъқул” деган нақл бор. Бу бежиз айтилмаган, ёшларни нотўғри йўлга кириб кетгандан сўнг уни қайтаришдан кўра, ўша йўлга киришидан олдин асраб қолиш керак деган хулоса чиқади. Яъни, ёшларнинг онгида ғоявий бўшлиқ пайдо бўлишига йўл қўймаслик керак. Уларни фойдали машғулотларга, илмий тўгаракларга жалб қилиш, спорт билан шуғулланиши учун замин яратиш, яхшиликлар қилишга ўргатиш, муҳими Худони танитиш ана шундай иллатлару бузғунчи ғоялардан йироқ бўлишини таъминлайди.
Биз асли киммиз, кимнинг фарзандларимиз, кимнинг авлодимиз, аждодларимиз қандай буюк инсонлар бўлишган… буларнинг барчасини ҳар бир ўғил-қизларнинг онгига сингиши лозимки, биз ўзгаларнинг маданиятига қизиқмайлик, аксинча улар бизнинг одоб-ахлоқимизни ўргансинлар!

Ёшларимизни “Оммавий маданият” таҳдидидан асраш учун юксак инсонийлик ва одобга асосланган миллий ғояга суянишимиз муҳим аҳамиятга эга.
Бунда эътиборимизни мазкур ғоямизнинг комил инсон бўлиш тамойилига қаратишимиз билан бирга аждодларимиздан бизга мерос бўлиб қолган урф-одатларимизга, гўзал анъаналаримиз ва диний қадриятларимизга суянишимиз, албатта, кутилган самарани беради.
Тадбир сўнгида ёшлар томонидан берилган саволларга батафсил жавоблар қайтарилди.


Вилоят адлия бошқармаси
Ҳуқуқий тарғибот ва маърифат бўлими
масъул ходими Қ.Чориев

“Коррупцияга қарши курашиш”га оид тадбирлар давом этмоқда

Сурхондарё вилояти адлия бошқармаси томонидан Музработ туман адлия бўлими масъул ходими билан ҳамкорликда туман соғлиқни сақлаш бўлимида шифокорлар ўртасида “Коррупцияга қарши курашиш” мавзусида давра суҳбати бўлиб ўтди.
Ушбу тадбирда маърузачилар, коррупциянинг келиб чиқиши тарихи ва ривожланиши масалалари ҳақида итальян файласуф-сиёсатшуноси Никколо Макиавеллининг “Коррупцияни ҳам йўталга ўхшаб олдин аниқлаш қийин, аммо даволаш осон, лекин бу касални ўтказиб юборсангиз уни аниқлаш осон, аммо даволаш қийин”, деган фикрини келтириб ўтди.
Тадбирда таъкидланганидек, дунёдаги мамлакатларда коррупциянинг мамлакат бошқаруви, иқтисодиёти ва бошқа соҳаларига таъсирини “TransparansyInternaitional” - “Трансперенси интернешнл” халқаро нодавлат-нотижорат ташкилоти тадқиқотларига асосан баҳолаб келинади.
Коррупцияга қарши кураш тўғрисида қонун дастлаб 1906 йил 4 августда Буюк Британияда, 1947 йилда Покистонда, 1960 йилда Сингапурда, 1970 йилда АҚШда, 2000 йилда Озарбайжон Республикасида ҳамда 2015 йилда Беларусь ва Қозоғистон Республикаларида қабул қилинган.
2016 йил 19 январда Ўзбекистон Республикасида Коррупцияга қарши курашиш бўйича чора-тадбирлар Комплекс режаси ишлаб чиқилди. Ушбу комплекс режа асосида Ўзбекистон Республикасининг “Коррупцияга қарши курашиш тўғрисида”ги Қонуни 2017 йилнинг 3 январь куни қабул қилинди. Мазкур қонун 6 боб, 34 моддадан иборат бўлиб, унинг мақсади коррупцияга қарши курашиш соҳасидаги муносабатларни тартибга солишдан иборат.
Шунингдек, тадбирда мазкур қонунинг 26-моддасига шарҳ берилиб, унга кўра давлат органларининг ходимлари уларни коррупцияга оид ҳуқуқбузарликлар содир этишга кўндириш мақсадида бирор-бир шахс ўзларига мурожаат этганлигига доир барча ҳоллар тўғрисида, шунингдек давлат органларининг бошқа ходимлари томонидан содир этилган шунга ўхшаш ҳуқуқбузарликларнинг ўзларига маълум бўлиб қолган ҳар қандай фактлари ҳақида ўз раҳбарини ёхуд ҳуқуқни муҳофаза қилувчи органларни хабардор этиши шартлиги, ушбу модданинг биринчи қисмида назарда тутилган мажбуриятнинг давлат органларининг ходимлари томонидан бажарилмаганлиги қонун ҳужжатларига мувофиқ жавобгарликка сабаб бўлиши келтириб ўтилди.
Бундан ташқари, мулоқот давомида қонунчилик таҳлили коррупция билан боғлиқ қилмишларга қарши курашиш фаолиятининг ҳуқуқий асослари кўпроқ Ўзбекистон Республикасининг амалдаги Жиноят кодексида ўз ифодасини топганлиги хусусида ҳам фикрлар баён этилди.
Ўзбекистон Республикаси жиноят кодексининг “Коррупция билан боғлиқ жиноятлар”ни назарда тутувчи ҳокимият ёки мансаб ваколатини суистеъмол қилиш, ҳокимият ёки мансаб ваколати доирасидан четга чиқиш, мансаб сохтакорлиги, пора олиш, пора бериш, пора олиш-беришда воситачилик қилиш, товламачилик йўли билан ҳақ - беришни талаб қилиш, жиноий фаолиятдан олинган даромадларни легаллаштириш каби моддалари хусусидаги маълумотлар яна бир карра таъкидланди.
Тадбир сўнгида ундаги иштирокқилар томонидан ўзларини қизиқтирган барча саволларга мутахассислардан батафсил жавоблар олишдилар.

Вилоят адлия бошқармаси
ҳуқуқий тарғибот ва маърифат бўлими
масъул ходими Қ.Ў.Чориев

Сурхондарё вилоят адлия бошқармасининг ташаббуси билан 7-8 сентябрь кунлари Денов тумани марказида жойлашган “Афросиёб” номли истироҳат боғида навбатдаги “Адлия сайли” ҳуқуқий ахборот кунлари бўлиб ўтди.
Адлия сайли давомида 1200 дона аҳоли учун долзарб мавзулардаги қонун ҳужжатлари асосида тайёрланган буклет ва флаерлар фуқароларга тарқатилди. Шунингдек, давлат нотариал идоралар, ФҲДЁ бўлимлари, адвокатлар ва давлат хизматлари марказлари ходимлари томонидан аҳолига бепул ҳуқуқий маслаҳатлар берилди.
Сайлда Адлия бошкармаси бошлигининг жорий йилга мўлжалланган сайёр қабул графиги асосида Денов туман ҳокими билан ҳамкорликда фуқаролар қабули хам ташкил этилди.
Қабул давомида фуқаролардан 50 га яқин мурожаатлар рўйхатга олиниб, шулардан 10 га яқин мурожаатлар жойида қаноатлантирилган бўлса, қолган мурожаатлар назоратга олинган холда ўрганилмоқда.

Сурхондарё вилоят адлия бошқармаси тизимида яхши фаолият олиб бораётган ва масофа жиҳатидан вилоят марказидан энг узоқ жойлашган Сариосиё, Узун, Бойсун, Қизириқ, Жарқўрғон ва Денов туман адлия бўлимларига Адлия вазирлиги томонидан ажратилган “Nexia-3” хизмат автомашиналари тантанали равишда топширилди.
Ушбу автомашиналар келгусида бўлим иш самарадорлигини янада оширишга хамда халқимизга хизмат кўрсатиш сифатини яхшилаш ўз ҳиссасини қўшади. Уз навбатида ходимлар бундай эьтибор учун вазирлик рахбариятига миннатдорлик билдирдилар.

Барчамизга маълумки, Ўзбекистон Республикасининг муслақиллиги 1991 йил  31 август куни эълон қилинди. Бу санани халқимиз узоқ йиллар кутган эди. Ўз навбатида, 1991 йил 1 сентябрь куни энг улуғ ва энг азиз Мутақиллик байрами юртимизда кенг ва катта шоду хуррамлик билан нишонланадиган қутлуғ айёмга айланди. Мустақиллигимиз шарофати билан тилимиз, динимиз, миллий ғуруримиз, Наврўз, Рамазон Ҳайит, Қурбон Ҳайит каби миллий байрамларимиз тикланди. “Ўзбекистон Республикасининг давлат байроғи тўғрисида”ги Қонуни (1991 йил 18 ноябрь куни), “Ўзбекистон Республикасининг давлат герби тўғрисида”ги Қонуни (1992 йил 2 июль куни) ва “Ўзбекистон Республикасининг давлат мадҳияси тўғрисида”ги Қонуни (1992 йил 10 декабрь куни) қабул қилиниши орқали мамлакат суверенитети бўлган рамзлар тасдиқланди. Илгари номлари ва асарлари биздан сир тутилган аждодларимизнинг номлари ва асарлари тикланди. Миллий тарихимизни ёритиб берувчи Тошкентдаги Темурийлар тарихи давлат музейи каби иморатлар барпо этилди, Самарқанддаги тарихий обидалар, хусусан, Регистон ва Имом Бухорий каби ёдгорликларимиз қайтадан обод қилинди. Ўтган 27 йил давомида амалга оширилган бунёдкорлик ишлари сабабли  Ўзбекистон таниб бўлмас даражада ўзгарди. Мамлакатимизда бунёдкорлик ишлари тобора жадаллашмоқда, диёримизда қад кўтарган муҳташам бинолар, сўлим истироҳат боғлари ва дам олиш масканлари бунёд этилмоқда.

Вилоят адлия бошқармаси етакчи маслаҳатчиси Д.Шадиев

Сурхондарё вилоят адлия бошқармаси мажлислар залида Ўзбекистон Республикаси мустақиллигининг 27 йиллигига бағишланган катта байрам тадбири бўлиб ўтди.

Ҳурматли ватандошлар, Сурхондарё вилоят адлия бошкармаси жамоаси Сизларни Ўзбекистон Республикаси мустақиллигининг 27 йиллиги байрами муносабати билан самимий қутлайди.
Барчангизга тинчлик, осойишталик, фаровонлик тилайди ва Мустақил ватанимизнинг тинчлиги, гуллаб яшнаши, равнақи учун қилаётган хизматларингизда омад ёр бўлсин!

Ўзбекистон Республикаси Президентининг 2018 йил 27 июндаги «Yoshlar — kelajagimiz» давлат дастури тўғрисида»ги ПФ-5466-сонли қабул қилиниши муносабати билан 2018 йил 1 июлдан бошлаб республиканинг барча туман (шаҳар)ларида «Yoshlar — kelajagimiz» Давлат дастури доирасида қуйидагилар амалга оширилиши белгиланган:
Биринчидан, Ўзбекистон ёшлар иттифоқи ҳузурида «Yoshlar — kelajagimiz» жамғармасини, шунингдек, унинг туман ва шаҳар филиалларини ташкил этиш, Жамғарманинг маблағларидан Давлат дастуридаги тадбирларни молиялаштириш, жумладан қуйидагиларни амалга ошириш учун фойдаланиш:
ёшларнинг бизнес ташаббуслари, стартаплари, ғоялари ва лойиҳаларини амалга ошириш учун тижорат банклари орқали йиллик 7 фоиз ставка билан имтиёзли кредит ва мол-мулкни лизингга бериш;
Давлат дастури доирасида олинадиган кредитлар бўйича кредит ҳажмининг 50 фоизидан кўп бўлмаган миқдорда кафилликлар бериш;
Давлат дастури доирасида амалга ошириладиган тадбиркорлик лойиҳаларида улар қийматининг 50 фоизидан кўп бўлмаган миқдорда иштирок этиш, кейинчалик Жамғарма улушини 5 йил давомида реализация қилиш;
тегишли кўникмаларга эга, банд бўлмаган ёшлар яшайдиган уй хўжаликлари учун 20 тагача парранда ва қуён боласи, 5 та майда ва 2 та йирик қорамол сотиб олиш, уларнинг қийматини келишилган муддатларда қайтарган ҳолда уларни боқиш ва кейинчалик реализация қилишда кўмаклашиш;
Иккинчидан, ёшларнинг қайта тайёрланиши ва малака оширишини ташкил этиш, меҳнат бозорида талаб юқори бўлган касбларга ўқитиш, шунингдек, уларга бизнес юритиш кўникмаларини сингдириш;
Учинчидан, давлат-хусусий шериклик шартларида:
ёш тадбиркорларга имтиёзли шартларда бинолар, офис техникаси ва сарфлаш материалларини ижарага бериш, уларни интернет билан таъминлаш, шунингдек, ёшларнинг бизнес ташаббуслари, стартаплари, ғоялари ва лойиҳаларини амалга оширишга бошқача кўмак бериш, жумладан бизнес-режалар ишлаб чиқиш, маслаҳат, юридик, бухгалтерия ва бошқа хизмат турларини кўрсатиш, форумлар, мастер-класслар ва семинарлар ташкил этиш учун «Yosh tadbirkorlar» коворкинг-марказларини;
савдо-маиший ва кичик ишлаб чиқариш майдонларини ташкил этиш учун меҳнат кучи ҳаддан зиёд бўлган туманларда «Yoshlar mehnat guzari» комплексларини қуриш назарда тутилган.
«Yoshlar — kelajagimiz» давлат дастури доирасида амалга оширилаётган ишлар бўйича Сурхондарё вилояти Шеробод тумани мисолида амалий мисолни келтирамиз.
Жумладан, Шеробод туманида 48 та маҳалла фуқаролар йиғини мавжуд бўлиб, жорий йилнинг 14 август ҳолатига Ишчи гуруҳ томонидан 35615 та хонадонларга кирилиб, 49607 нафар ёшлар билан суҳбат ўтказилди.
Уйма-уй юриш орқали ҳудудда 7301 нафар ёшлар ишсизлиги аниқланган, шундан 711 нафар доимий, 311 нафари мавсумий иш ўринлари билан таъминланди.
Тадбиркорлик фаолиятини амалга оширишда ёрдам сўраган 2905 нафар ёшлар аниқланиб, шундан 47 нафарига 4,05 млрд. сўм миқдорида кредитлар ажратилиши режалаштирилган.
Шеробод туманида "Ёшлар меҳнат гузари" қуриш учун 6 нафар тадбиркорларга ер майдони ажратилди. Шунингдек, туман бўйича 18 та бўш (фойдаланилмаётган) бинолар рўйхати шакллантирилиб, шундан 4 таси хусусий мулк объектлари, 14 таси давлат мулки объектлари эканлиги аниқланди.
Туман ҳокимининг қарори билан тумандаги мавжуд фермер хўжаликларининг ғалладан бўшаган ер майдонларидан такрорий экин учун 311 нафар ёшларга 1 гектардан ер майдонлари ажратилди.
Шеробод тумани реализация қилинадиган умумий талаб этиладиган кредит суммаси 4,05 млрд. сўм бўлган 47 та бизнес лойиҳалар ва тегишли кўникмаларга эга ҳамда банд бўлмаган 7301 нафар ёшлар рўйхати шакллантирилиб, яшашдиган уй хўжаликлари учун 11305 та парранда, 11475 та қуён боласи, 2745 та майда ва йирик қорамол сотиб олиш эҳтиёжи мавжудлиги аниқланди. Давлат дастури доирасида "Ёшлар - келажагимиз" жамғармаси томонидан молиялаштириш ишлари режалаштирилмоқда.

Инсон ҳуқуқлари – Адлия идоралари ҳимоясида

Ўзбекистон Республикаси мустақилликка эришгандан сўнг ўз олдига кучли демократик ҳуқуқий давлат ва фуқаролик жамиятини барпо этишни ўз олдига мақсад қилиб қўйди.
Шу асосда миллий анъаналар, муқаддас қадриятлар ва халқаро ҳуқуқ нормаларини ўзида мужассам этган Конституциямиз ва қонунларимиз ишлаб чиқилди. Қонунчилик тизимида олиб борилаётган ислоҳотлар, энг аввало, инсон ҳуқуқлари ва эркинликлари кафолатларини таъминлашга қаратилмоқда.
Хабарингиз бор, давлатимиз раҳбарининг жорий йил 13 апрелдаги “Давлат ҳуқуқий сиёсатини амалга оширишда адлия органлари ва муассасалари фаолиятини тубдан такомиллаштириш чора-тадбирлари тўғрисида”ги Фармони ҳамда “Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида”ги қарорига асосан Адлия вазирлиги фаолияти тубдан такомиллаштирилди. Мазкур ислоҳот вазирликнинг инсон ҳуқуқлари ва эркинликларини ҳимоя қилишдаги фаолиятида ҳам тизимли ўзгаришларни амалга оширишни кўза тутади.
Эндиликда инсон ҳуқуқ ва эркинликларини ҳимоя қилишда Адлия вазирлиги, ҳудудий адлия органлари билан бирга янгидан ташкил этилган туман (шаҳар) адлия бўлимлари ҳам амалга оширади.
Фармон билан инсон ҳуқуларини ҳимоя қилиш бўйича чора-тадбирларни амалга ошириш, ўз ваколатлари доирасида жисмоний ва юридик шахсларнинг мурожаатларини кўриб чиқиш туман (шаҳар) адлия бўлимларининг асосий вазифаларидан бири этиб белгиланди.
Фуқароларнинг бузилган ҳуқуқлари тикланиши бўйича чоралар кўради. Бундай чора сифатида тегишли давлат органлари ва ташкилотларига инсон ҳуқуқлари бузилиши ҳолатларини бартараф этиш ва келгусида йўл қўйилишининг олдини олиш бўйича чоралар кўриш юзасидан тақдимномалар киритиш, айбдор мансабдор шахсларни жавобгарликка тортиш юзасидан тегишли давлат органлари ва ташкилотларига таклифлар киритиш, фуқаронинг манфаатини кўзлаб судларга аризалар ва даъволар тақдим этишни киритиш мумкин.
Туман (шаҳар) адлия бўлимларининг ташкил этилганига кўп вақт бўлмаган бўлсада, Сурхондарё вилоятидаги туман (шаҳар) адлия бўлимларига инсон ҳуқуқлари ҳимояси соҳасида жами 365 та мурожаат келиб тушган бўлиб, кўриб чиқилган мурожаатларнинг 198 таси қаноатлантиилган бўлса, 113 таси бўйича ҳуқуқий тушунтиришлар берилган
Туман (шаҳар) бўлимлари томонидан аниқланган қонунбузилиш ҳолатларини бартараф этиш ва келгусида такрорламаслик ҳусусида 28 та тақдимномалар ва қонун ҳужжатларини бузилишига йўл қўймаслик ҳақида 26 нафар мансабдор шахсларга огоҳномалар киритилган.
Жисмоний ва юридик шахсларнинг мурожаатларини кўриб чиқишда “Жисмоний ва юридик шахсларнинг мурожаатлари тўғрисида”ги қонунда белгиланган муддатларга риоя этилмаганлиги ҳолати бўйича айбдор бўлган 21 нафар мансабдор шахсга нисбатан Ўз.Р.МЖтКнинг 43-моддасига асосан маъмурий баённома расмийлаштирилиб, кўриб чиқиш учун тегишли судларга юборилган.
Шунингдек, туман (шаҳар) бўлимлари томонидан судларга жами 198 та 198 544 000 сўмлик даъво аризалари киритилган ва ушбу даъво аризалар қаноатлантирилган.
Жумладан, 2018 йил 9 май куни Денов тумани, “Боғинав” маҳалла фуқаролар йиғини ҳудудида жойлашган “Дендрарий” боғида бўлиб ўтган сайёр қабулида тумандаги “Ўшор” маҳалласида яшовчи фуқаро Ж.Мирзалиеванинг ҳокимлик заҳирасида турган лалми яъни суғорилмайдиган ер майдонида марҳум отаси томонидан боғ барпо этилганли, бугунги кунда ундан фойдалансада, ҳужжати йўқлиги, қизи ва ўғли ишсиз эканлиги, марҳум отаси барпо этган боғни унинг номига деҳқон хўжалиги қилиб расмийлаштириб бериш масаласида амалий ёрдам сўраган аризаси рўйхатга олинган.
Мурожаатдаги масала бўлим ходимлари томонидан тегишли ташкилотлардан мутахассислар жалб қилинган ҳолда кўриб чиқилиб, мурожаатчининг талаби ижобий ҳал этилган. Мурожаатчи бу ҳакда ўз ташаккурини билдирган.
Шунингдек, Денов тумани, “Афросиёб” кўчаси 5-уйда яшовчи фуқаро Н.Турдиеванинг низоли уй-жой масаласида ҳуқуқий ёрдам сўраб сайёр қабулда қилган мурожаати кўриб чиқилиб, мурожаатчини эҳтиёжманд оила эканлиги, ногиронлиги инобатга олиниб, унга беғараз юридик ёрдам кўрсатилган. Мурожаатчи адлия ходимлари томонидан кўрсатилган ҳуқуқий ёрдамдан қаноатланганлиги учун, адлия идорасига ва унинг ходимларига ўз ташаккурини билдирган.
Денов тумани, “Озод эл” кўчаси 22-уйда яшовчи фуқаро Ф.Ибрагимованинг иш ҳақини ундириб беришда амалий ёрдам сўраб 28.06.2018 йилда қилган оғзаки мурожаати кўриб чиқилиб, мурожаатчининг манфаатини кўзлаб “Денов Агротехсервис МТП” МЧЖга нисбатан 1 млн. 180 минг.сўм иш ҳақини ундириш тўғрисида даъво аризаси киритилган.
Фуқаролар Х.Чориев, Н.Холмуратов, П.Суюндиков, Х.Нормуродовалар Ангор туман адлия бўлимига мурожаат этиб, пенсияга чиқиш учун иш ҳақи ҳужжатларининг ўзига тегишли эканлиги фактини суд тартибида белгилаб беришда амалий ёрдам беришни сўраган. Ушбу фуқароларнинг манфаатларида Фуқаролик ишлари бўйича Термиз туманлараро судига киритилган даъво аризалари тўлиқ қаноатлантирилгин.
Шунингдек, бошқарманинг инсон ҳуқуқларини ҳимоя қилиш бўлимига жорий йилнинг 6 ойи давомида жами 169 та мурожаатлар келиб тушган бўлиб, шундан 136 таси шикоят, 9 таси ариза, 16 таси “Ишонч телефони”га ва 17 таси “Ягона интерактив давлат хизматлари порталига” қилинган мурожаатларни ташкил этади.
Кўриб чиқилган мурожаатларнинг 90 таси қаноатлантиилган бўлиб, мурожаатлар юзасидан судларга жами 122 885 708 сўмлик 34 та даъво ариза, тегишли идораларга аниқланган қонун ҳужжатлари бузилишлари, уларнинг сабаблари ва бунга олиб келувчи шарт-шароитларни бартараф этиш тўғрисида 22 та тақдимномалар, “Жисмоний ва юридик шахсларнинг мурожаатлари тўғрисида”ги Қонун талабларини бузган мансабдор шахсларга нисбатан маъмурий жавобгарликка тортиш юзасидан 4 та маъмурий баённомалар расмийлаштирилиб, кўриб чиқиш учун маъмурий ишлари бўйича туман (шаҳар) судларига юборилган ҳамда мансабдор шахсларга нисбатан келгусида қонунбузилишга йўл қўймаслик тўғрисида 35 та огоҳномалар киритилган.
Хусусан, “Сувоқова” Денов туман филиалида ўтказилган ўрганишда фуқаролар А.Шерматов ва Х.Даминовларнинг ичимлик суви масаласида амалий ёрдам сўраб ёзган аризаларига жавоб хати берилмаётганлиги аниқланди. Ушбу ҳолат юзасидан мурожаатларни ўрганиш учун масьул шахс “Сувоқова” Денов туман филиали бош мухандиси Р.Қурбоновга нисбатан Ўзбекистон Республикаси Маъмурий жавобгарлик тўғрисидаги кодексининг 43-моддасига асосан маъмурий ҳуқуқбузарлик тўғрисида баённома расмийлаштирилиб, кўриб чиқишлик учун Денов туман мамьурий судига юборилди. Суд қарорига асосан Р.Қурбоновга нисбатан энг кам ойлик иш ҳақиниг бир баравари миқдорида 172 240 сўм жарима жазоси қўлланилган.
Шунингдек, фуқаро Ж.Бобомуродованинг фарзанди З.Ҳақбердиева бетоблигини маълум қилиб, тиббиёт бирлашмасида даволаниши учун ордер олишда амалий ёрдам сўраб қилган мурожаати ўрганиб чиқилиб, туман тиббиёт бирлашмаси томонидан 2018 йил 10 август куни фуқаро Ж.Бобомуродованинг фарзанди Ҳақбердиева Заринани туман тиббиёт бирлашмасининг неврология бўлимига даволаниши учун ордер билан таъминланди.
Фуқаро Қ.Саъдуллоевнинг чорвачиликни ривожалантириш учун 14 977 500 сўм миқдорда чорва кредитини ажратишни сўраб ДТ “Асака”банк Сурхондарё вилоят филиалига қилган мурожаати қаноатлантирилмаётганлигидан норози бўлиб ёзган шикояти ўрганиб чиқилиб, ДТ “Асака”банк Сурхондарё вилоят филиали томонидан жорий йилнинг 9 февраль куни фуқаро Қ.Саъдулловга 14 977 500 сўм миқдорда чорва кредити ажратиб берилди.
Хулоса қилиб айтганда инсон ҳуқуқлари барчамиз учун энг олий қадрият ҳисобланади. Шунинг учун ҳар биримиз фуқароларнинг ҳуқуқ ва манфаатларини ҳимоя қилишда бор куч ғайратимизни ишга солишимиз ва бу борада олиб борилаётган эзгу ишларга ўз ҳиссамизни қўшишимиз лозим.

Сурхондарё вилоят адлия бошқармаси
Инсон ҳуқуқларини ҳимоя
қилиш бўлими бошлиғи                                                                    Шерозиддин Тиловов