Yangiliklar

????Surxondaryo viloyat adliya boshqarmasi rahbariyati tomonidan O‘zbekiston Respublikasi Prezidentining 24.05.2024 yildagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80 sonli Farmoni ijrosi yuzasidan adliya bo‘limlariga yuklatilgan yangi vazifalarni ijrosini ta’minlash maqsadida Qizilnavr mahallasida “Mahalla yettiligi”ga Farmon mazmun-mohiyati oddiy va xalqchil tilda yetkazildi.

Shuningdek, yoshlarning huquqiy ongi va huquqiy madaniyatini yuksaltirish hamda ularning huquqiy tarbiyasiga salbiy ta’sir ko‘rsatuvchi omillarga nisbatan huquqiy immunitetni shakllantirishga qaratilgan targibot tadbirlari ham tashkil etildi.

Surxondaryo viloyat adliya boshqarmasi boshlig‘ining tegishli buyrug‘i bilan:

- Eshmurzayev Najmiddin Xolmirzayevichni Surxondaryo viloyat adliya boshqarmasi Sariosiyo tuman adliya bo‘limi yuridik xizmat ko‘rsatish markazi boshlig‘i lavozimiga tayinlandi;

Surxondaryo viloyat adliya boshqarmasi N. Eshmurzayevni ushbu tayinlov bilan qutlab, uning kelgusidagi ishlariga omad va muvaffaqiyatlar tilaydi!

Davlatimiz rahbarining 2024-yil 25-26-mart kunlari Namangan viloyatiga tashriflari davomida mahallalardan turib davlat xizmatlarini  ko‘rsatish imkoniyatini oshirish vazifasi belgilab berilgan edi.

Shu maqsadda Adliya vazirligi tomonidan onlayn davlat xizmatlaridan sodda usulda foydalanishni yo‘lga qo‘yish maqsadida interaktiv kioskalar ishlab chiqildi hamda bosqichma-bosqich mahallalarda o'rnatilmoqda.

Shu bilan birga, kioskalar orqali foydalanish mumkin bo'lgan xizmatlar soni ham oshirilib,  ushbu xizmatlar 45 tani tashkil etdi.

Endilikda fuqarolar, ipoteka kreditiga subsidiya olish uchun ham mazkur kioskalar orqali ariza yuborishlari mumkin. 

Ahamiyatli jihati, xizmat bepul, navbatlar mavjud emas hamda 24/7 rejimida foydalanish mumkin.

Uzun tuman FHDY bo‘limi FHDY bo‘limi tomonidan  Uzun tumani Yangi yo‘l mahallasida yashovchi 15.07.1975 yilda tug‘ilgan fuqaro F.M ga tug‘ilganlik guvohnomasi hamda hamkor tashkilotlar bilan birgalikda shaxsini tasdiqlovchi ID kartasi rasmiylashtirib berildi. 

Shuningdek, voya etmagan 3 nafar farzandlari - 23.09.2013 yilda tug‘ilgan B.M, 09.11.2015 yilda tug‘ilgan B.H, 19.12.2018 yilda tug‘ilgan B.S lariga  guvohnoma rasmiylashtirib berildi.

Har tomonlama sog‘lom va barkamol avlodni voyaga yetkazish, avvalo, oila, onalik hamda bolalikni muhofaza qilish davlatimizning ustuvor vazifasi sifatida belgilab olinib, bu ijtimoiy siyosat darajasiga ko‘tarilib kelmoqda. 

Inson farzandi uchun yashaydi, dilbandlariga umrini baxshida etadi. Butun dunyo bo‘ylab 1-iyun kuni “Xalqaro bolalarni himoya qilish kuni” sifatida nishonlanadi.  Shunga ko‘ra, bugun Surxondaryo viloyat Adliya boshqarmasida tizimda faoliyat ko‘rsatayotgan xodimlar, ularning farzandlari va boshqa oila a'zolari ishtirokida oila va bolalar kuni bayram tadbiri tashkil etildi. Bolajonlar uchun sahna ko‘rinishlari namoyish etilib, she’r va qo‘shiqlar ijro etildi.  

Shuningdek, bolajonlar uchun Qo‘g‘irchoq teatrida
 "G‘aroyib teatr" musiqiy shou dasturi ijro etib berildi.

Tadbir yakunida bolajonlarga esdalik sovg‘alari va shirinliklar ulashildi.

“O‘zbekiston Respublikasi  “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmonidagi yangiliklar yuzasidan bo'lib o'tdi.

Matbuot anjumanida OAV xodimlari, jurnalistlar va blogerlar, jamoatchilik vakillari ishtirok etdi.

Anjumanda boshqarma boshlig'i S.Abdurasulov Farmon yuzasidan jamoatchilikni qiziqtirgan savollarga batafsil javob berdi.

Muzrabot tuman adliya bo‘limi tomonidan tumandagi aholi va tadbirkorlik subyektlari o‘rtasida intellektual mulk sohasida huquqbuzarliklarning oldini olish, kontrafakt mahsulotlarga nisbatan toqatsiz munosabatni kuchaytirish maqsadida Adliya vazirligi tomonidan ishlab chiqilgan “Kontrafakt mahsulotlar katalogi”dan foydalangan holda joylarda targ‘ibot tadbirlari tashkil etilmoqda.

Shuningdek, Vazirlar Mahkamasining 2024-yil 16-aprel kuni   "Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida"gi  tegishli qarori yuzasidan  tushuntirish olib borilmoqda.

Ma’lumki, yangi taxrirdagi O‘zbekiston Respublikasi Mehnat kodeksida nogironligi bo‘lgan shaxslarning mehnatini huquqiy jihatdan tartibga solishning o‘ziga xos xususiyatlari yoritib o‘tilgan.

Ushbu Kodeksning 423-moddasida, nogironligi bo‘lgan shaxslarga «Aholi bandligi to‘g‘risida»gi O‘zbekiston Respublikasi Qonuniga muvofiq belgilangan ish o‘rinlarining eng kam soni hisobidan zaxiradagi ish o‘rinlariga mahalliy mehnat organlari yo‘llanmasiga ko‘ra ishga joylashish kafolatlanishi belgilangan.

Nogironligi bo‘lgan shaxslar mehnatidan ularga sog‘lig‘ining holatiga ko‘ra qarshi ko‘rsatma bo‘lgan ishlarda foydalanish taqiqlanadi.

Tibbiy-ijtimoiy ekspert komissiyasining nogironligi bo‘lgan shaxslarning to‘liqsiz ish vaqti rejimi to‘g‘risidagi, yuklamani kamaytirish haqidagi va mehnatning boshqa shart-sharoitlari to‘g‘risidagi tavsiyalari ish beruvchi tomonidan bajarilishi majburiydir.(Batafsil...)

Joriy yilning  26-may kuni  tuman, shahar adliya bo'limi YKXM, DXM va FHDY xodimlari tomonidan binoga tashrif buyurgan fuqarolarga Vazirlar Mahkamasining 2024-yil
16-aprel kuni "Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida"gi  tegishli qarori yuzasidan  tushuntirish olib borilmoqda.

Surxondaryo viloyatida “Yashil makon” umummilliy loyihasi doirasida ko‘chat ekish ishlari qizg‘in davom etmoqda. Ushbu jarayonda adliya xodimlari ham faol ishtirok etib, ekologik musaffolik hamda yashil tabiat rivojiga munosib hissa qo‘shish maqsadida viloyat adliya boshqarmasi tomonidan Termiz tumanining “Qahramon” mahallasi hududida 2  gektar maydonga tashkil etilgan “Adliya bog‘i”da mevali hamda manzarali daraxtlar ekilmoqda.

???? Tizim xodimlari birlashib erta tongdan hashar ishlariga bel bog‘lashdi. Bunday jamoaviy tadbirlar xodimlar o‘rtasida ijobiy muhitning shakllanishida ham muhim ahamiyat kasb etadi. 

???? O‘zaro hamjihatlik, inoqlik asosida tashkil etilgan hayrli tadbir natijasida katta maydonga minglab yosh nihollar qadaldi. Ularning unib-o‘sishi va rivoj topishi uchun endilikda ko‘chatlar muntazam parvarishlab boriladi.