Янгиликлар
Тадбиркорга ишончли қалқон
Сурхондарё вилоят адлия бошқармаси, вилоят прокуратураси ва Давлат солиқ бошқармаси масъул ҳодимлари иштирокида вилоят ИИБ Ёнғин хавфсизлиги бошқармасида “Текширишларни рўйхатга олиш китобининг шакли ва уни тўлдириш тартиби тўғрисида”ги Низомга киритилган ўзгартиш ва қўшимчаларнинг мазмун-моҳиятига бағишланган семинар бўлиб ўтди.
Тадбирда китобнинг юритилишидан мақсад, уни тўлдириш, ушбу китобнинг электрон шаклини юритиш тартиби, назорат қилувчи органлар мансабдор шахсларининг ўтказиладиган текширишлардаги ҳуқуқ ва мажбуриятлари, шу жумладан тадбиркорлик субъектининг ҳуқуқ ва мажбуриятлари ҳақида зарур тушунтириш ва тавсиялар берилди.
Сурхондарё вилоятида 2015 йил 1 январь ҳолатига жами 19996 та тадбиркорлик субъектлари фаолият юритиб келаётган бўлиб, шундан 19882 та тадбиркорлик субъектлари мазкур китоб билан таъминланган. 2014 йилда вилоят адлия бошқармаси томонидан тадбиркорлик субъектлари томонидан юритилаётган Текширишларни рўйхатга олиш китобининг назорат қилувчи органлар масъул ҳодимлари томонидан ўтказилган текширишлар юзасидан зарур маълумот ва тегишли ёзувларнинг тўлиқ қайд этиб борилиши юзасидан ўтказилган мониторинглар давомида жами 322 та ҳолатда Текширишларни рўйхатга олиш китобини тўлдириш тартибига риоя этилмаганлиги аниқланди.Мазкур низом талаблари бузилганлиги ҳолатлари юзасидан турли назорат қилувчи идораларга 4 та тақдимнома, 48 та огоҳнома, 28 та ёзма кўрсатмалар киритилди.Тадбир давомида вилоят ИИБ ЁҲБ идоралари масъул ҳодимларидан мавзуга доир тушган саволларига зарур ва тегишли тушунтиришлар берилди. Вилоят адлия бошқармаси томонидан вилоят прокуратураси ҳамда вилоят Давлат солиқ бошқармаси ходимлари билан ҳамкорликда ушбу тадбирларни бошқа назорат қилувчи идораларда ҳам ўтказилиши юзасидан чора-тадбирлар режаси белгиланди.