Bog'lanish

Telefon
(+998 76) 223-44-75

Elektron manzil
surxondaryo@adliya.uz

Habarni yuborish
Ishonch telefoni 1008

Янгиликлар

31

Одам савдоси - давр муаммоси

Сурхондарё вилоят адлия бошқармаси томонидан вилоят Ички ишлар бошқармаси билан ҳамкорликда “Одам савдосига қарши курашиш”борасида олиб борилаётган ишлар ва соҳага оид қонун ҳужжатларнинг мазмун-моҳиятини тушунтиришга бағишланган давра суҳбати ўтказилди. DSC02083.JPG

Жумладан, тадбирда Ўзбекистон Республикасининг “Одам савдосига қарши курашиш тўғрисида”ги Қонуни, Ўзбекистон Республикаси Президентининг “Одам савдосига қарши курашиш самарадорлигини ошириш чора-тадбирлари тўғрисида”ги Қарори, Вазирлар Маҳкамасининг 
“Одам савдоси жабрдийдаларига ёрдам бериш ва уларни ҳимоя қилиш бўйича республика реабилитация марказини ташкил этиш тўғрисида”ги Қарори мазмун моҳияти ҳақида йиғилганларга тўлиқ тушунчалар берилди.

Давра суҳбатида Вилоят ИИБ томонидан юқорида қайд этилган қонун ҳужжатлари ҳамда Ўзбекистон Республикаси Ички ишлар вазирлигининг тегишли бўйруқ ва кўрсатмаларига асосан олиб борилаётган тезкор-профилактик тадбирлар ҳамда статистик маълумотлар тўғрисида 
айтиб ўтилди.

Жумладан, 2014 йилнинг 12 ойи давомида вилоят ҳудудидан айрим фуқаролар турли сабабларга кўра доимий яшаш манзилларидан узоқ муддатга чиқиб кетганлиги, дам савдоси билан обоғлик 20 та ҳолат аниқланган бўлиб, 24 нафар айбланувчилар, 36 нафар шахс одам савдоси билан боғлик жиноятлардан жабрланганлиги таъкидланди. Шундан 17 нафари аёллар, 19 нафари эркаклар ва 3 нафари вояга етмаганларни ташкил этади. 2014 йилнинг 12 ойи давомида одам савдоси жиноятидан жабрланган фуқароларнинг 19 нафари Тошкент шаҳрида жойлашган жабрланган фуқароларга тиббий, психологик ёрдам кўрсатиш, уларнинг ижтимоий мослашувини таъминлаш Реабилитация марказига юборилган.

Шунингдек, вилоят комиссияси ташаббуси билан 2014 йил давомида 32 нафар жабрланувчиларга ҳомийлар томонидан 18 500 000 сўмлик моддий ёрдам кўрсатилган бўлса, 17 нафарига 17 000 000 сўмлик кредит маблағлари ажратилиши таъминланганлиги айтиб ўтилди.

Вилоят Соғлиқни сақлаш бошқармаси томонидан жиноят ишида жабрланувчи, деб топилган фуқароларни тиббий кўрикдан ўтказиш назоратга олинган. Соғлиқни сақлаш бошқармаси ва унинг жойлардаги тизимлари томонидан доимий яшаш манзилларидан узоқ муддатга чиқиб кетиб, 2014 йилнинг 12 ойи мобайнида қайтиб келган шахслар тиббий кўрикдан ўтказилиб, уларнинг 81 таси юқумли касаллик билан касалланганликлари аниқланган.

DSC02083.JPGВилоят Меҳнат ва аҳолини ижтимоий муҳофаза қилиш бош бошқармаси томонидан аҳолини иш билан таъминлаш дастурига асосан 2014 йилда 14139 нафар киши иқтисодиётнинг турли соҳалари бўйича ишга жойлаштирилган.

Сурхондарё вилояти бўйича иш ўринлари яратиш ва аҳоли бандлигини таъминлаш дастурига мувофиқ 2014 йил январ-декабр ойларида 66096 та янги иш ўринлари яратилиши белгиланган бўлиб, амалда бу кўрсаткич 66418 тани ташкил этган.

Жумладан, ишлаб чиқариш инфратузилмасини ривожлантириш хисобига 1358 та, ижтимоий инфратузилмани ривожлантириш ҳисобига 2563 та, бозор инфратузилмасини ривожлантириш хисобига 513 та иш ўринлари яратилган.

Бундан ташқари, “Одам савдоси” билан шуғулланаётган айбдор шахсларга нисбатан жавобгарликнинг муқаррарлиги таъминланаётганлиги мисоллар билан алоҳида айтиб ўтилди.

Давра суҳбати ўзига хос баҳс – мунозара усулида ташкил этилди ва иштирокчилар берган барча саволларга мутахасислар томонидан батафсил жавоблар берилди.