Bog'lanish

Telefon
(+998 55) 451 11 48

Elektron manzil
surxondaryo@adliya.uz

Habarni yuborish
Ishonch telefoni 1008

Янгиликлар

17

Тадбирокорлар қонун ҳимоясида

Сурхондарё вилоятида Адлия вазирлиги томонидан “2015-2019 йилларда иқтисодиётни янада ислоҳ қилиш, таркибий ўзгартириш ва диверсификациялаш дастурини ҳаётга тадбиқ этишда ҳуқуқни муҳофаза қилувчи органларнинг роли ва масъулиятини оширишга қаратилган чора тадбирлар” мавзусида анжуман тадбири ўтказилди. 1.jpg

Унда ҳуқуқни муҳофаза қилувчи, назорат, суд органлари, қатор ташкилот ва муассасаларнинг раҳбарлари ҳамда барча туман ва шаҳар ҳокимлари шунингдек, виолоята фаолият юритаётган хусусий сектор, кичик бизнес ва фермер хўжаликларидан вакиллар иштирок этдилар.

Анжуманда сўзга чиққанлар таъкидлаганидек, тадбирни ўтказишдан асосий мақсад, янги босқични бошлаб берган “2015-2019 йиллардаиқтисодиётни янада ислоҳ қилиш, таркибий ўзгартириш ва диверсификациялаш дастурини ҳаётга тадбиқ этишда ҳуқуқни муҳофаза қилувчи органларнинг роли вамасъулиятини оширишга қаратилган чора тадбирлар”нинг мазмун-моҳиятини кенг жамоатчиликнинг барча қатламларига етказиш, уни ҳаётга тадбиқ этишда давлат, назорат ва ҳуқуқни муҳофаза қилувчи органлар олдида турган долзарб вазифаларни муҳокма қилишдан иборат.

Ушбу семинар-анжуманида хусусий мулк ҳуқуқи, талдбиркорлик субъектлари қонуний манфаатларни ҳимоя қилишда маъмурий ва назорат органлари фолиятини янада кучайтириш, соҳга оид қонун нормаларини қўллашда суд ҳокимиятининг хусусий сектор фаолияти ҳимоясига оид қонун нормаларини амалда қўллашдаги ролини ошириш, шунингдек, давлат органларининг рухсат бериш ва лицензиялашнинг барча тартиб таомилларини соддалаштириш борасидаги вазифалари атрофлича муҳокома этилди.

Жорий йил бошида Президентимиз томонидан илгари сурилган Дастурда иқтисодий ўсишнинг бош омили бўлган хусусий секторнинг бозор механизимларини такомиллаштириш, аҳамияти ва ролини кучайтиришга қаратилган 7 та асосий йўналиш қамраб олинган.

Хусусан, иқтисодиётда давлат иштирокини кескин ва хусусий мулк улуши ва аҳамиятини кенгайтириш, тадбиркорликка янада кенг эркинлик бериш, ишбилармонлик муҳитини тубдан яхшилаш, корпоратив бошқарувнинг замонавий усулларини жорий этиш ва бошқа бир қатор муҳим масалалар унда ўз аксини топган. Мазкур стратегик вазифаларни амалга ошириш давлат органлари билан тадбиркорлик тузилмаларининг биргаликдаги фаолиятини мувофиқлаштиришни тақозо этади.Бошқача айтганда, таркибий ислоҳатларнинг янги босқичи давлат ва бизнеснинг ўзаро ҳамкор бўлиши, бир-бирини қўллаб-қувватлаши ҳамда ташқи омиллар билан боғлиқ муаммоларни ҳамжиҳатликда ҳал этишни назарда тутади.

Дастурда белгиланган вазифалар етакчи халқаро ташкилотлар-Жаҳон банки, Осиё тараққиёт банки, Халқаро молия корпорацияси ва бошқа бир қатор ривожланган хорижий давлатлар экспертлар томонидан эътироф этилмоқда.

1.jpgАнжуман қатнашчилари бизнес вакиллари билан очиқ мулоқот олиб бориш, қабул қилинган норматив ҳужжатларни амалиётга тадбиқ этиш масалалари юзасидан ўзаро фикр алмашиш имконига эгабўлдилар.

Семинар доирасида Адлия вазирлигининг тадбиркорлар ҳуқуқларини ҳимоя қилиш йўналишида амалга ошираётган ишларига бағишланган кенг кўламли тақдимоти ҳам ташкил этилди.

Анужман иштирокчилари маърузаларни тинглаб ва уни муҳокма этиб, янги нормаларни давлат, назорат ва ҳуқуқни муҳофаза этувчи органлар фаолиятига жорий этишни янада тезлаштириш, назорат органлари фаолиятида профилактика тадбирлари устуворлигига эришиш, бизнес субъектларининг ҳуқуқий саводхонлигини ошириш, ҳуқуқбузарликларни комплекс текширувлар тайинлангунга қадар бартараф этишни бирламчи вазифалар сифатида белгилаб олдилар.