Янгиликлар

БИРГАЛИКДА ҚАЛҚОН БЎЛАЙЛИК !

Сурхондарё вилоят адлия бошқармаси томониданЎзбекистон Республикаси Олий Мажлиси Инсон ҳуқуқлари бўйича (Омбудсман)нинг Сурхондарё вилояти ҳудудий бўлими вакиллиги ҳамкорлигида Жарқўрғон туманидаги Жарқўрғон спорт касб-ҳунар коллежида “Одам савдоси мудҳиш жиноят” мавзусида тадбир ўтказилди.

Таъкидланганидек, одам савдосига қарши кураш зарурати халқаро ҳамкорликни талаб этгани учун ҳам БМТ 1949 йил 2 декабрда «ÐžÐ´Ð°Ð¼Ð»Ð°Ñ€ савдоси ва фоҳишабозликдан ўзгаларнинг фойдаланишига қарши кураш тўғрисида»Ð³Ð¸ конвенцияни қабул қилган эди. Унинг 1- ва 2- моддасида иштирокчилар зиммасига айбдор шахсларни жазога тортиш мажбурияти юклатилган ҳаракатлар санаб ўтилган.

Ўша пайтлардаёқ одам савдоси трансмиллий уюшган жиноятчиликнинг ажралмас бўлагига айланиб улгурганди. БМТ экспертларининг фикрича, ҳозирга келиб бу жиноят дунё миқёсида шундай кенг тарқалганки, ундан жабрланганлар сони йилдан йилга кўпайиб бормоқда. Бундан келадиган даромад эса наркотик моддалар ва қурол савдосидан тушадиган маблағдан ҳам кўп.

Мамлакатимизда ҳам одам савдосининг айрим кўринишлари мавжуд. Бу жирканч иш билан шуғулланаётганлар асосан мўмай пул топиш илинжида юрган йигит-қизларни ўз домига тортмоқдалар. Маълумки, одам савдосига қарши курашиш, унинг олдини олиш, аниқлаш, чек қўйиш, оқибатларини бартараф этиш, жабрланганларга ёрдам кўрсатиш учун аввало ҳуқуқий асос мустаҳкам бўлиши керак. Шунинг учун парламентимиз БМТнинг бу борадаги конвенция ва протоколларини ратификация этиш ҳақидаги, «Одам савдосига қарши курашиш тўғрисида»ги қонунларни қабул қилди. Президентимизнинг «Одам савдосига қарши курашиш самарадорлигини ошириш чора-тадбирлари тўғрисида»ги Қарори эса соҳадаги ишларни янги босқичга олиб чиқишда муҳим аҳамият касб этди.

Одам савдосига қарши курашиш бўйича республика идоралараро комиссияси ташкил этилди. Бундан ташқари, 2008 йили Тошкент шаҳрида Меҳнат ва аҳолини ижтимоий муҳофаза қилиш вазирлиги ҳузурида Республика реабилитация маркази фаолияти йўлга қўйилди.

Мамлакатимиз ҳуқуқни муҳофаза қилувчи органларининг одам савдосига қарши курашиш билан боғлиқ саъй-ҳаракатлари самара бериб, қатор одамфурушларнинг ноқонуний ишлари фош этилмоқда.

Тадбирда сўзга чиққанлар, мана шу юрт фуқаросиман деган ҳар бир шахс бу каби разилликларга қарши биргаликда курашса, ҳеч кимдан кам бўлмаган ва кам бўлмайдиган жамиятни барпо этишдек эзгу мақсадга тезроқ етишамиз, деб қайд этдилар.

Унинг якунида тингловчилар томонидан берилган барча саволларга атрофлича жавоблар берилди.