Янгиликлар
Тўйга тўёна билан
Сурхондарё вилоят адлия бошқармаси томонидан вилоят ва туман ҳокимликлари, тегишли идораларнинг масъул ходимлари, адлия фахрийлари, ҳамда кенг жамоатчилик иштирокида Узун туманида қад ростлаган муҳташам, “ФҲДЁ бўлими ва Давлат нотариал идораси” биносинининг очилишига бағишланган тадбир ўтказилди.
Янги замоновий бинонинг очилишида сўзга чиққанлар Узун туман марказида қисқа вақт ичида муҳташам ФҲДЁ бўлими ва Давлат нотариал идораси биносининг барпо этилиб, фойдаланишга топширилиши истиқлолнинг бизга берган улуғ неъматларидан бири эканлигини таъкидлашди. Замонавий архитектура талаблари асосида бунёд этилиб, қуёш батареяси, оргтехника воситалари, мебель ва бошқа жиҳозлар билан таъминланган ушбу бинонинг очилиши нафақат туман аҳолиси балки, вилоят аҳли учун ҳам Мустақиллигимизнинг 25 йиллик байрамига муносиб туҳфа эканлигини билдиришдилар.
Мустақил юртимизда қисқа вақт ичида ҳар бир соҳада амалга оширилаётган ислоҳатларнинг натижасини ҳамда эришилаётган ютуқларни, тараққиётни кўриб, буюк бобомиз Амир Темурнинг “Бизнинг кимлигимизни билмоқчи бўлсанг, биз қурган иморатларга боқ” деган сўзлари ҳар биримизнинг кўнглимиздан кечади.
Энг муҳими, юртимиз тинчлиги, ватанимиз равнақи, ҳалқимиз фаровонлиги йўлида олиб борилаётган саъй-ҳаракатлар ва амалга оширилаётган ислоҳатлар натижасини кўриб, юртимизда яшаётган ҳар бир фуқаронинг руҳиятида кайфият ҳукмрон эканлигини таъкидлашдилар.
Ўзбекистон Республикаси ўз мустақиллигига эришган илк кунларданоқ, мамлакатимизда инсон манфаатлари ҳамма нарсадан устун бўлиб, олий қадрият даражасига кўтарилди. Давлатимиз томонидан фуқаролар тинчлиги ва хавфсизлигини таъминлаш билан бир қаторда уларга қулай шарт-шароитлар ва сифатли давлат хизматларини кўрсатиш ҳам асосий мезонлардан бири қилиб белгилаб олинди.
Ўзбекистон Республикаси Адлия вазирлиги томонидан тасдиқланган Давлат нотариал идоралари ва ФҲДЁ бўлимларининг моддий техника базасини мустаҳкамлаш дастурига мувофиқ биргина 2016 йилда вилоятимизда аҳолига ҳуқуқий хизмат кўрсатиш сифатини янада яхшилаш уларга ҳар томонлама қулай шарт-шароитлар яратиш мақсадида 5 млрд сўмдан ортиқроқ пул маблағлари ажратилган.
Ушбу маблағларга ДНИлари учун янги бинолар сотиб олинди.
Яқин кунлардаДенов туманида ҳам худди Жарқўрғон ва Узун туманларидаги каби муҳташам ФҲДЁ ва ДНИ биноларинифойдаланишга топшириш арафасида турибмиз.
Барча замонавий технологиялар, дастурий таъминот базаси билан жиҳозланган мухташам бинода “Оила” деб аталмиш муқаддас кошонага илк қадамларини қўйган йигит-қизларнинг никоҳларини тантанали қайд этиш маросимларини ўтказиш учун ҳавас қилса арзигулик шароитлар яратилган.
Қисқача қилиб айтганда, ушбу бахт кошонаси унга қадам қўядиган барча ёшларнинг соғлом оила барпо этишдек эзгу ниятларини амалга оширишда мустаҳкам пойдевор бўлиб хизмат қилади.