Янгиликлар

Konstitutsiyaviy islohotlar – inson manfaatlariga xizmat qiladi mavzusida uchrashuv o‘tkazildi

Muzrabot tuman adliya bo‘limi tomonidan  joriy yilning 16-iyul kuni tumandagi 9206-sonli harbiy qismida xizmat qilayotgan harbiy xizmatchilar ishtirokida konstitutsiyaviy qonun loyihasi muhokamasiga bag‘ishlangan ochiq muloqot tarzidagi davra suhbati bo‘lib o‘tdi. Ochiq muloqot davomida tuman adliya bo‘limi xodimlari Konstitutsiyamizga kiritilishi kutilayotgan o‘zgartirish va qo‘shimchalarga alohida to‘xtalib, bu haqda harbiy xizmatchilarga batafsil tushunchalar berib o‘tdi.

Shuningdek, mamlakatimizda amalga oshirilayotgan ulkan islohotlar, xususan, Harakatlar strategiyasidan Taraqqiyot strategiyasiga o‘tish jarayonlari, Bosh qomusimizni “Inson – jamiyat – davlat” tamoyili asosida takomillashtirishning hayotiy zarurati va ahamiyati haqida fikr-mulohazalar bildirdilar.