Янгиликлар

Advokat bo‘lish uchun qanday talablar mavjud?

"Advokatura to‘g‘risida"gi O‘zbekiston Respublikasi Qonunining 3-moddasiga        muvofiq, advokat bo‘lish uchun quyidagi talablar mavjud. Unga ko‘ra:

Oliy yuridik ma’lumotga ega bo‘lgan;

Advokatlik faoliyati bilan shug‘ullanish huquqini beruvchi lisenziyani olgan;

O‘zbekiston Respublikasining fuqarosi O‘zbekiston Respublikasida advokat bo‘lishi mumkin.

Advokat bir vaqtning o‘zida yana qanday faoliyat bilan shug‘ullanishi       mumkin?

Advokatlik faoliyati bilan shug‘ullanuvchi shaxslar bir vaqtning o‘zida: ilmiy va pedagogik faoliyat;

O‘zbekiston Respublikasi Advokatlar palatasidagi va uning hududiy boshqarmalaridagi faoliyat;

patent vakili va mediator sifatidagi faoliyat;

shartnomaviy-huquqiy asosda davlat organlarining, xo‘jalik boshqaruvi organlarining, davlat korxonalari, muassasalari va tashkilotlarining yuridik xizmati xodimi sifatidagi faoliyat;

hakamlik sudlarida va xalqaro tijorat arbitrajlarida (sudlarida) sudya sifatidagi faoliyatlar bilan shug‘ullanishlari mumkin.