Янгиликлар

Ёшлар келажагига масъуллик

Сурхондарё вилоят адлия бошқармаси ташаббуси билан Термиз туманидаги “Янгиариқ қишлоқ-хўжалиги”, “Қурилиш ва уй-жой коммунал хўжалиги” ва Жарқўрғон туманидаги “Спорт” ҳамда “Жарқўрғон агросаноат” касб-ҳунар коллежларида “Ёшлар ва қонун” мавзусида учрашувлар ўтказилди.

Тадбирда сўзга чиққанлар, Ўзбекистон Республикасида 2014 йил ёшларга оид, давлат сиёсатини амалга оширишга қаратилган қўшимча чора-тадбирлар дастурида белгиланган вазифаларнинг ижроси юзасидан бир қатор ишлар амалга оширилаётганлигини, ҳозирда таълим тарбия, спорт, санъат, илм фан, ижод бунёдкорлик, хуллас барча жабҳаларда ёшлар тақдири йўлида Ўзбекистонда қилинаётган ишлар, давом этаётган буюк саъйи-ҳаракатлар, амалга оширилаётган ислоҳатлар аниқ далиллар билан ОАВда бериб борилаётганлигини қайд этишди.

Бундан тегишли хулосалар чиқариб, тинчлик-омонликда ўтаётган ҳар-бир куннинг бебаҳолигини, ёшлар ва вояга етмаганлар ўртасида ҳар қандай ҳуқуқбузарликларнинг олдини олиш, ёшларнинг ҳуқуқий маданиятини юксалтириш, чуқур билимга эга бўлган иқтидорли ватанпарвар ёшларни тарбиялаш, уларни қўллаб-қувватлаш, ёшларни спорт билан шуғулланишга шароит яратиб, соғлом турмуш тарзини тарғиб қилиш, ёшларни ва вояга етмаганларни “оммавий маданият” таъсирларидан ҳимоя қилишда ота-оналар, маҳалла фаолллари, таълим муассасаларининг раҳбарлари ҳамкорлигини кучайтириш масалаларига тўхталиб ўз фикр мулоҳазаларини билдириш.

Шунингдек, тадбирда ёшларни огоҳликка чақириб, ўз иқтидорлари ва қобилиятларини ўқишда, спортда, санъатда, илм фан, ижод бунёдкорлигида тўла намоён этиб, ватан равнақи йўлида хизмат қилишлари устувор вазифа эканлиги ҳақида айтиб ўтилди.