Qumqo‘rg‘on tuman adliya bo‘limi hamda tuman Favqulodda vaziyatlar bo‘limi xodimlari tomonidan tumandagi 12-sonli umumta’lim maktabida profilaktik targ‘ibot tadbiri tashkil etildi.
Tadbir davomida o‘quvchilarga huquqiy ong va huquqiy madaniyatni oshirish, shuningdek, favqulodda vaziyatlarda to‘g‘ri harakat qilish qoidalari bo‘yicha atroflicha tushunchalar berildi.

Shu bilan birga, yong‘in xavfsizligi qoidalari, tabiiy ofatlar vaqtida to‘g‘ri harakat qilish, birinchi yordam ko‘rsatish asoslari yuzasidan amaliy tavsiyalar taqdim etildi.
Tadbir so‘ngida o‘quvchilar o‘zlarini qiziqtirgan savollarga mutaxassislar tomonidan batafsil javob oldilar.
Bunday profilaktik uchrashuvlar yoshlar o‘rtasida huquqbuzarliklarning oldini olish, shuningdek, xavfsiz hayot ko‘nikmalarini shakllantirishda muhim ahamiyat kasb etadi.

Tadbir davomida maktab o‘quvchilariga yangi qabul qilingan qonun hujjatlari, O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo‘nalishida manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-son qarorining mazmun-mohiyati haqida va Korrupsiya, Giyohvandlik, Firibgarlik va Kiberxavfsizlik haqida huquqiy tushuntirishlar berilib, ular tomonidan qiziqtirgan savollarga javob berildi hamda Adliya vazirligi tomonidan tayyorlangan qisqa metrajli (firibgarlik va giyohvandlik haqida) videoroliklar taqdim etildi.

Mazkur muloqot yoshlarning intellektual salohiyatini oshirish va rahbar-yoshlar o‘rtasida ochiq muloqot maydonini yaratishga xizmat qiladi.

Tadbirda boshqarma rahbariyati yil davomida eng ko‘p kitob o‘qigan faol yoshlar bilan norasmiy muhitda muloqot qildi. Uchrashuv davomida mutolaa qilingan asarlar muhokama qilinib, murakkab vaziyatlarda to‘g‘ri qaror qabul qilishda kitobning o‘rni xususida so‘z yuritildi. Shuningdek, yoshlar bilan birgalikda intellektual savol-javoblar o‘tkazildi.

Mazkur muloqot yoshlarning intellektual salohiyatini oshirish va rahbar-yoshlar o‘rtasida ochiq muloqot maydonini yaratishga xizmat qiladi.

Mazkur uchrashuv Uzun tuman adliya bo‘limi tomonidan 3-son texnikumda o‘tkazilib, unda yoshlarning fikr va takliflari tinglandi, ularni qiynayotgan muammolar muhokama qilinib, huquqiy tushuntirishlar berildi.
Shuningdek, uchrashuv davomida yoshlarning huquqiy savodxonligini oshirish, ularning ijtimoiy faolligini kuchaytirish masalalariga alohida e’tibor qaratildi.
 Uchrashuv ochiq muloqot ruhida o‘tib, yoshlar bilan manzilli ishlashni yanada samarali tashkil etishga xizmat qildi.

Surxondaryo viloyati adliya boshqarmasi boshlig‘i A.Isoqov va tuman (shahar) adliya bo‘lim rahbarlari tomonidan “Yoshlar kuni” munosabati bilan yoshlar ishtirokida “Rahbar va yoshlar” mavzusida uchrashuvlar tashkil etildi.

Tadbir doirasida milliy kurash, arqon tortish, ot sporti va boshqa sport turlari bo‘yicha qizg‘in musobaqalar o‘tkazilib, ishtirokchilarning jismoniy tayyorgarligi va jamoaviy hamjihatligi yanada mustahkamlandi.

Shuningdek, uchrashuv davra suhbati shaklida davom ettirilib, unda yoshlarning huquq va majburiyatlari, sportchi yoshlar uchun mamlakatimizda yaratilgan imkoniyatlar, amaldagi qonunchilikda belgilangan imtiyozlar haqida batafsil ma’lumotlar berildi.

Bunday uchrashuvlar yoshlar bilan ochiq muloqotni yo‘lga qo‘yish, ularning huquqiy ongini oshirish va sog‘lom turmush tarzini targ‘ib qilishda muhim ahamiyat kasb etadi.

Tadbir doirasida “Amir Temur merosi va zamonaviy huquqiy davlat” hamda “Bolalar huquqi” mavzularida interaktiv mashg‘ulotlar o‘tkazilib, o‘quvchilar bilan savol-javoblar va qiziqarli muhokamalar olib borildi.
Darslarda bolalarning hayoti, sog‘lig‘i, sha’ni va qonun bilan himoya qilinadigan huquqlari haqida tushunchalar berilib, huquqbuzarliklarning oldini olishga qaratilgan profilaktik targ‘ibot ishlari amalga oshirildi.

Shuningdek, yoshlarning huquqiy ongi va madaniyatini oshirish, bolalar o‘rtasida huquqbuzarliklarning oldini olishga oid tarqatma materiallar taqdim etildi.

Davlatimiz rahbari tashabbusi bilan joriy etilgan “Yoshlar kuni” doirasida Surxondaryo viloyatida yoshlar bilan manzilli ishlashning yangi mexanizmlari asosida uchrashuvlar izchil tashkil etilmoqda.

????Xususan, umumta’lim maktabi o‘quvchilari bilan o‘tkazilgan uchrashuvda yoshlar o‘rtasida yo‘l harakati xavfsizligi madaniyatini shakllantirish masalalariga alohida e’tibor qaratildi.

????Shuningdek, ichki ishlar organlari hamda avtomaktablar hamkorligida tashkil etilgan tadbirlarda yoshlarga yo‘l harakati qoidalari, transport vositalari harakati, yo‘l belgilari va xavfsizlik talablari yuzasidan batafsil tushuntirishlar berildi.

????Tadbirlar davomida ochiq muloqot tashkil etilib, yoshlarni qiziqtirgan savollarga mutaxassislar tomonidan atroflicha javoblar berilmoqda.

???? Mazkur uchrashuvlar yoshlarda yo‘l harakati madaniyatini yuksaltirish, ularning huquqiy ongi va mas’uliyatini oshirishga xizmat qilmoqda.

“Rahbar va yoshlar uchrashuvi” loyihasi doirasida viloyat adliya boshqarmasi, tuman va shahar adliya bo‘limlari tomonidan joylarda targ‘ibot tadbiri o‘tkazildi.

Tadbir davomida yoshlarga yangi qabul qilingan qonunlar bo‘yicha huquqiy tushuntirishlar berilib, ularga harbiy texnika va anjomlar ko‘rgazmasi, badiiy chiqishlar hamda ma’naviy-ma’rifiy teatr tomoshasi namoyish etildi. 

Ochiq muloqot ruhida o‘tgan uchrashuv yoshlarning huquqiy savodxonligini oshirish va ularni vatanparvarlik ruhida tarbiyalashga xizmat qildi.
Mazkur uchrashuvda mas’ullar tomonidan yoshlar bilan ochiq muloqot o‘tkazilib, ularning qiziqtirgan savollariga atroflicha javob berildi. 

Bu esa yoshlarning harbiy soha, Vatanga xizmat qilish sharafi va mas’uliyati haqidagi tasavvurlarini yanada boyitdi.

Sariosiyo tuman adliya bo‘limi xodimlari tomonidan tumandagi 28-sonli umumta’lim maktabi yuqori sinf o‘quvchilari ishtirokida “Korrupsiyaga qarshi kurashish” mavzusida tarbiyaviy dars mashg‘uloti o‘tkazildi.

Dars davomida o‘quvchilarga korrupsiya tushunchasi, uning salbiy oqibatlari hamda jamiyat taraqqiyotiga ko‘rsatadigan ta’siri haqida batafsil ma’lumotlar berildi.
Shuningdek, yoshlar o‘rtasida halollik, adolat va qonunlarga hurmat ruhini mustahkamlash masalalariga alohida e’tibor qaratildi.
Tadbir yakunida o‘quvchilar o‘zlarini qiziqtirgan savollarga javoblar olib, mavzu yuzasidan fikr almashdilar.
Huquqiy ong va madaniyatni yuksaltirish yo‘lidagi bunday tadbirlar yosh avlodni halol va mas’uliyatli shaxs sifatida tarbiyalashda muhim ahamiyat kasb etadi.

Yurtimizda har payshanba “Yoshlar kuni” kuni munosabati bilan Surxondaryo viloyat adliya boshqarmasi boshlig‘i A. Isoqov tashabbusi bilan Janubiy-g‘arbiy maxsus harbiy okrug harbiy qismida “Adliya va yosh harbiy xizmatchilar uchrashuvi” tashkil etildi.

Uchrashuvda Prezidentimizning 07.04.2026 yildagi “Qurolli Kuchlar tizimida respublika kitobxonlik tanlovini tashkil etish chora-tadbirlari to‘g‘risida”gi PQ-128-son qarori mazmun-mohiyati atroflicha tushuntirildi. 

Shuningdek, yosh harbiy xizmatchilarga bugungi kunida yoshlar uchun yaratilgan imkoniyat va shart-sharoitlar haqida batafsil ma’lumotlar berildi.
Tadbir yakunida yosh harbiy xizmatchilar tomonidan berilgan savollarga atroflicha javoblar qaytarildi.

Bunday uchrashuvlar yoshlarning huquqiy ongi va madaniyatini oshirishga, shuningdek, ularni kitobxonlikka bo‘lgan qiziqishini yanada kuchaytirishga xizmat qiladi.