Yangiliklar
МЕРОС МОЛ-МУЛКИ ҚАНДАЙ ТАҚСИМЛАНАДИ.
Ўзбекистон Республикасининг амалдаги қонунларига кўра, Меросхўр ўзига тегиши лозим бўлган меросни ёки унинг бир қисмини (улушини) олиш ҳуқуқига, агар у кейинчалик меросдан воз кечмаса, ворислик ҳуқуқидан маҳрум этилмаса ва уни меросхўр этиб тайинлаш тўғрисидаги васият фармойиши ҳақиқий эмас деб топилиши натижасида мерос олиш ҳуқуқини йўқотмаса, мерос очилган вақтдан эътиборан эга бўлади.
Мерос очилган жойдаги нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома бериши шарт.
Меросга бўлган ҳуқуқ тўғрисидаги гувоҳнома мерос очилган кундан эътиборан олти ой ўтганидан кейин берилади.
Қонун бўйича мерос олинганида ҳам, васиятнома бўйича мерос олинганида ҳам, агар нотариус тегишли мол-мулкка ёхуд бутун меросга нисбатан гувоҳнома беришни сўраб мурожаат этган шахслардан бошқа меросхўрлар йўқлиги тўғрисида маълумотларга эга бўлса, гувоҳнома юқорида кўрсатилган муддат тугамасидан олдин берилиши мумкин.
Меросхўр мерос очилган кундан эътиборан исталган вақтда меросдан воз кечишга ҳақли.
Меросдан воз кечиш меросхўр томонидан мерос очилган жойдаги нотариусга ариза бериш орқали амалга оширилади.
Агар ишончномада вакил орқали меросдан воз кечиш ваколати махсус назарда тутилган бўлса, меросдан шу тарзда воз кечилиши мумкин.
Меросдан воз кечиш кейинчалик бекор қилиниши ёки қайтариб олиниши мумкин эмас.
Агар меросхўр васиятнома бўйича ҳам, қонун бўйича ҳам ворисликка чақирилса, у ана шу асосларнинг бири ёки ҳар иккаласи бўйича ўзига тегишли бўлган меросдан воз кечишга ҳақли.
Меросхўр улушнинг ортиши ҳуқуқи бўйича ўзига тегишли бўлган меросдан, мероснинг қолган қисмига ворисликдан қатъи назар, воз кечишга ҳақли.
Меросхўр меросдан воз кечганида васиятнома бўйича ёки қонун бўйича меросхўрлар жумласидан бўлмиш бошқа шахслар фойдасига воз кечаётганини кўрсатишга ҳақли.
Ушбу моддада назарда тутилган ҳоллардан ташқари мероснинг муайян қисмидан воз кечилишига, меросдан изоҳотлар билан ёки шартлар қўйиб воз кечилишига йўл қўйилмайди.
Меросни қабул қилиб олган қонун бўйича меросхўрлардан исталган бири мероснинг тақсимланишини талаб қилишга ҳақли.
Меросни тақсимлаш меросхўрларнинг келишувига кўра ўзларига тегишли улушларга мувофиқ, келишувга эришилмаган тақдирда эса, суд тартибида амалга оширилади.
Мерос қолдирувчининг вояга етмаган ёки меҳнатга қобилиятсиз болалари, шу жумладан фарзандликка олган болалари, шунингдек меҳнатга қобилиятсиз эри (хотини) ва ота-онаси, шу жумладан уни фарзандликка олганлар, васиятноманинг мазмунидан қатъи назар, қонун бўйича ворис бўлганларида улардан ҳар бирига тегиши лозим бўлган улушнинг камида ярмини (мажбурий улуш) мерос қилиб оладилар.
Мажбурий улуш олиш ҳуқуқига эга бўлган меросхўр бирон-бир асос бўйича меросдан оладиган ҳамма нарса, шу жумладан оддий уй жиҳозлари ва рўзғор буюмларидан иборат мол-мулкнинг қиймати ҳам, бундай меросхўр фойдасига қилинган васият мажбуриятининг қиймати ҳам мажбурий улушга қўшилади.
Меросдан мажбурий улуш олиш ҳуқуқига эга бўлган меросхўр учун васиятномада белгиланган ҳар қандай чеклашлар ва шартлар унга тегадиган мероснинг мажбурий улушдан ортиқча қисмига нисбатангина ҳақиқийдир.
Агар васиятнома бўйича ёки қонун бўйича ворисликка чақирилган меросхўр мерос очилганидан кейин уни қабул қилиб олишга улгурмасдан вафот этган бўлса, унга тегиши керак бўлган меросни қабул қилиб олиш ҳуқуқи унинг қонун бўйича меросхўрларига, агар барча мерос мол-мулк васият қилинган бўлса, унинг васият бўйича меросхўрларига ўтади (мерос трансмиссияси). Мерос трансмиссияси тартибида меросни қабул қилиб олиш ҳуқуқи бундай меросхўрнинг вафотидан кейин очилган мерос таркибига кирмайди.
Вафот этган меросхўрга тегишли меросни қабул қилиб олиш ҳуқуқи унинг меросхўрлари томонидан умумий асосларда амалга оширилиши мумкин.
Қонун бўйича ворисликда фарзандликка олинган шахс ва унинг авлодлари, бир тарафдан, фарзандликка олувчи шахс ва унинг қариндошлари, иккинчи тарафдан, туғишган қариндошларга тенглаштириладилар.
Фарзандликка олинганлар ва уларнинг авлодлари фарзандликка олинган шахснинг ота-онаси ҳамда бува-бувилари, ака-укалари, опа-сингиллари вафот этганидан кейин қонун бўйича мерос олмайдилар.
Фарзандликка олинган шахснинг ота-онаси ҳамда бува-бувилари, ака-укалари, опа-сингиллари фарзандликка олинган шахс ва унинг авлодлари вафот этганидан кейин қонун бўйича мерос олмайдилар.
Қонун бўйича ворисларнинг ҳар бир навбати аввалги навбатдаги меросхўрлар бўлмаган, меросдан четлаштирилган, меросни қабул қилмаган ёхуд ундан воз кечган тақдирда ворислик ҳуқуқига эга бўлади.
Қонун бўйича биринчи навбатдаги ворислар
Мерос қолдирувчининг болалари (шу жумладан фарзандликка олинган болалари), эри (хотини) ва ота-онаси (фарзандликка олувчилар) тенг улушларда қонун бўйича биринчи навбатдаги ворислик ҳуқуқига эга бўладилар. Мерос қолдирувчининг вафотидан кейин туғилган болалари ҳам биринчи навбатдаги ворислар жумласига кирадилар.
Қонун бўйича иккинчи навбатдаги ворислик
Мерос қолдирувчининг туғишган ҳамда она (ота) бир ота (она) бошқа ака-укалари ва опа-сингиллари, шунингдек унинг ҳам ота, ҳам она тарафдан бобоси ва бувиси тенг улушларда қонун бўйича иккинчи навбатдаги ворислик ҳуқуқига эга бўладилар.
Қонун бўйича учинчи навбатдаги ворислик
Мерос қолдирувчининг туғишган амакиси, тоғаси, аммаси ва холаси тенг улушларда қонун бўйича учинчи навбатдаги ворислик ҳуқуқига эга бўладилар.
Қонун бўйича тўртинчи навбатдаги ворислик
Мерос қолдирувчининг олтинчи даражагача (олтинчи даража ҳам шунга киради) бўлган бошқа қариндошлари қонун бўйича тўртинчи навбатдаги ворислик ҳуқуқига эга бўладилар, бунда яқинроқ қариндошлар узоқроқ қариндошларга нисбатан мерос олишда имтиёзли ҳуқуққа эга бўладилар.
Ворисликка чақириладиган тўртинчи навбатдаги ворислар тенг улушларда мерос оладилар.
Қонун бўйича бешинчи навбатдаги ворислик
Мерос қолдирувчининг меҳнатга қобилиятсиз боқимлари, агар улар мерос трансмиссияси асосида мерос олмасалар, қонун бўйича бешинчи навбатдаги ворислик ҳуқуқига эга бўладилар.
Сурхондарё вилоят адлия бошқармаси бўлим бошлиғи Ф.М.Аллаёров
“Кўчмас мулкнинг олди-сотди, айирбошлаш ва ҳадя қилиш битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисида”ги Низом бўйича идоралараро электрон тарзда ахборот алмашишда янада қулайликлар яратиш ва соҳада юзага келаётган муаммоларни ҳамкорликда бартараф қилиш чора-тадбирлари.
Ўзбекистон Республикаси Вазирлар Маҳкамасининг 2017 йил
27 февралда “Битимларни нотариал тасдиқлаш тартибини идоралараро электрон ҳамкорликни қўллаган ҳолда такомиллаштириш чора-тадбирлари тўғрисида”ги 106-сон қарори қабул қилинган.
Мен шуни алоҳида таъкидлашни лозим деб билардимки, мазкур Қарорнинг аҳамияти жуда катта.
Масалан, мазкур Қарорга асосан нотариал ҳаракатларни амалга ошириш билан боғлиқ тартиб-таомилларни автоматлаштирилди, кўчмас мулк ва автомототранспорт воситаларини бошқага ўтказиш тақиқланганлиги ёки хатланганлиги бўйича ягона маълумотлар базасини шакллантирилди ҳамда нотариал ҳаракатларни амалга оширишда идоралараро электрон ҳамкорлик йўли билан “Нотариус” автоматлаштирилган ахборот тизими амалга киритилди.
Бундан ташқари, ушбу Қарорга асосан Тошкент шаҳрида — 2017 йил 1 июлдан бошлаб, Ўзбекистон Республикасининг бошқа ҳудудларида 2018 йил 1 июлдан бошлаб идоралараро электрон ҳамкорликни қўллаган ҳолда кўчмас мулкнинг олди-сотди, айирбошлаш ва ҳадя қилиш битимларини нотариал тасдиқлаш амалга оширилиши белгиланди.
Мазкур қарорда Бунда, Ўзбекистон Республикасининг барча ҳудудида идоралараро электрон тарзда ҳамкорлик қилиш тизими орқали қарздорликни аниқлаш электр ва газ таъминоти бўйича 2019 йил
1 январдан, иссиқлик таъминоти, сув таъминоти ва оқова сувларни чиқариш хизматлари бўйича 2021 йил 1 январдан бошлаб амалга оширилиши белгилаб берилди.
Бундан ташқари, мазкур қарор билан Ўзбекистон Республикаси Уй-жой-коммунал хизмат кўрсатиш вазирлиги, «Ергеодезкадастр» давлат қўмитаси, «Ўзбекэнерго» АЖ ва «Ўзтрансгаз» АК, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Ўзбекистон Республикаси Ахборот технологиялари ва коммуникацияларини ривожлантириш вазирлиги ўзаро ҳисоб-китоблар, электр энергияси, табиий газ, совуқ ва иссиқ сув истеъмолчилари шахсий ҳисоб рақамларининг ҳисобга олиш маълумотларини идоралараро электрон тарзда ҳамкорлик қилиш тизимига аниқ вақт режимида юборилишини таъминлаш белгиланди.
Шунингдек, ушбу қарор билан Кўчмас мулкнинг олди-сотди, айирбошлаш ва ҳадя қилиш битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисидаги Низом тасдиқланди.
Мазкур Низомга асосан электрон ариза — ариза берувчи битимни нотариал тасдиқлаш ҳақида электрон мурожаати қилиши белгиланди.
Ўзбекистон Республикаси Вазирлар Маҳкамасининг 2019 йил
11 июндаги 478-сон қарори билан Вазирлар Маҳкамасининг 2017 йил
27 февралдаги 106-сон қарорига асосан тасдиқланган Кўчмас мулкнинг олди-сотди, айирбошлаш ва ҳадя қилиш битимларини идоралараро электрон ҳамкорликни қўллаган ҳолда нотариал тасдиқлаш тартиби тўғрисидаги низомига ўзгартириш ва қўшимчалар киритилди.
Унга кўра, эндиликда кўчмас мулкнинг олди-сотди, айирбошлаш ва ҳадя қилиш битимларини нотариал тасдиқлашда кўчмас мулкка эгалик ҳуқуқини тасдиқловчи ҳужжат билан биргаликда кўчмас мулкнинг кадастр йиғма жилди ўрнига кўчмас мулкнинг паспорти олинади.
Агар кўчмас мулкнинг қурилиши тугалланмаган бўлса, маҳаллий давлат ҳокимияти органининг қарори ва ер участкасига бўлган ҳуқуқнинг давлат рўйхатидан ўтказилганлиги тўғрисидаги гувоҳнома ўрнига ер участкасига ҳамда қурилиши тугалланмаган объектга бўлган ҳуқуқни давлат рўйхатидан ўтказиш тўғрисида кўчмас мулк объектларига бўлган ҳуқуқларнинг давлат реестридан кўчирма тақдим қилинади.
Шунингдек, юридик шахсларнинг кўчмас мулк билан боғлиқ битимларни нотариал тасдиқлаш тарафларнинг ўз хоҳишига кўра амалга оширилади ҳамда мажбурий тусга эга эмаслиги белгиланди.
Энди ижозат берсаларингиз, соҳада юзага келаётган муаммолар ҳақида ҳам тўхталиб ўтмоқчиман.
биринчидан, давлат нотариал идораларига кўчмас мулкнинг бир қисмини тасарруф қилиш билан боғлиқ шартномаларни тасдиқлатиш учун келган фуқаронинг мурожаати бўйича электрон Тизим орқали сўровни кадастр идораларига электрон тарзда юборишда айрим муаммолар мавжуд;
иккинчидан, жисмоний ва юридик шахсларнинг мурожаатлари бўйича давлат нотариал идоралари томонидан кўчмас мулкларни тасарруф қилиш билан боғлиқ шартномалар тасдиқланишида электрон сўровлар юборилгандан сўнг, ушбу сўровларга Кадастр ташкилотидан электрон жавоб қисқа муддатларда юборилишида муаммолар мавжуд;
учинчидан, фуқаро нотариал ҳаракат расмийлаштириш учун давлат нотариал идорасига мурожаат қилганда солиқ, коммунал қарздорликлари бўйича маълумот электрон Тизимда кўрингандан сўнг, фуқаро ушбу қарздорликни бартараф қилиш учун солиқ ва электро энергия, газ идораларига мурожаат қилиб, қарздорликни бартараф қилади, бироқ ушбу қарздорлик бартараф қилинганлиги бўйича маълумот электрон Тизимда қайд қилинмасдан қолинмоқда.
Шу сабабли, масъул ходимлардан шуни таклиф сифатида қабул қилишларини, яъни Республика Кадастр, Солиқ қўмиталарига ҳамда Мажбурий ижро бюросига ҳудудларда ушбу муаммоларни бартараф қилиш бўйича ҳақида қисқа муддатларда аниқ чора тадбирлар бўйича таклифлар киритсалар мақсадга мувофиқ бўлар эди.
Адлия бошқармасида ўтказилган семинарда ҳам келгусида идоралараро электрон тарзда ахборот алмашишда янада қулайликлар яратиш ва соҳада юзага келаётган муаммоларни ҳамкорликда бартараф қилиш чора-тадбирларини белгилаб олиш мақсадида Сурхондарё вилоят ер тузиш ва кўчмас мулк кадастри давлат корхонаси, Мажбурий ижро бюроси Сурхондарё вилоят бошқармаси, Сурхондарё вилоят давлат солиқ бошқармаси малакали мутахассислари жалб қилинди.
Сурхондарё вилоят адлия бошқармаси бўлим бошлиғи Ф.М.Аллаёров
Адлия органлари фаолиятида шаффофликни тўлиқ таъминлаш, аҳоли билан мулоқотни янги даражага кўтариш, манфаатдор шахсларга адлия фаолияти бўйича кенг ҳажмли ахборот бериш мақсадида адлия вазирининг 2019 йил 12 февралдаги 52-ум-сон буйруғи билан тасдиқланган “Очиқ адлия” (“Open Justice”) дастурини амалга ошириш бўйича чора-тадбирлар режасининг 32-банди ижроси юзасидан Сурхондарё вилоят адлия бошқармасининг Инсон ҳуқуқларини ҳимоя қилиш соҳасида 2019 йил 1-ярим йиллик давомида ҳудудий адлия органлари (туман, шаҳар адлия бўлимлари) томонидан ўтказилган ўрганишлар ва кўриб чиқилган жисмоний ва юридик шахсларнинг мурожаатлари таҳлил қилинди.
Жумладан, мурожаатларни кўриб чиқиш бўйича:
Ўтказилган таҳлиллар шуни кўрсатадики, 2019 йил мобайнида Вилоят адлия бошқармаси ва туман (шаҳар) адлия бўлимларига жами 1 893 та мурожаатлар келиб тушган бўлиб, шундан
Жами кўриб чиқилган 1 640 та мурожаатларнинг 1 161 таси (70,7 %) қаноатлантирилган.
Шундан, бевосита бошқарманинг инсон ҳуқуқларини ҳимоя қилиш бўлими томонидан ҳал этилган 179 та мурожаатларнинг 99 таси қаноатлантирилган бўлса, 80 тасига ҳуқуқий тушунтириш берилган.
Туман (шаҳар) адлия бўлимлари томонидан 1 461 та мурожаатлар кўриб чиқилиш натижасида 1 042 та қаноатлантирилиб, 395 та ҳуқуқий тушунтириш берилган.
Келиб тушган мурожаатларнинг жами 85 таси кўриб чиқиш учун тааллуқлилиги бўйича бошқа ташкилотларга юборилган.
Келиб тушган мурожаатларнинг хусусиятлари бўйича:
II. Ўтказилган ўрганишлар бўйича:
Қайд этилган даврда инсон ҳуқуқларини ҳимоя қилиш мақсадида
229 та ташкилот, идораларда 313 та назорат (текшириш, мониторинг) тадбирлари ўтказилган. Ўтказилган ўрганишлар натижасида 46 271 та қонун бузилиш ҳолатлари аниқланган.
Аниқланган қонунбузилишлар натижасида тегишли идораларга 188 та тақдимнома киритилган. Тақдимномалар натижасида 11 та ҳужжат ижроси тўхтатилган ва бекор қилинган, 176 нафар айбдор шахслар интизомий жавобгарликка тортилган, шулардан 6 нафар шахслар билан меҳнат шартномаси бекор қилинган.
Шунингдек, қонунчиликни бузиш ҳолатлари юзасидан 1 058 та огоҳнома киритилиб, маъмурий жавобгарликка тортиш юзасидан 133 та таклифлар киритилган. Ҳуқуқни муҳофаза қилувчи идораларга ҳуқуқий баҳо бериш учун 5 та жиноий таклифлар киритилган.
Ушбу давр давомида фуқароларнинг манфаатларини кўзлаб, судларга
2 млрд. 53 млн. сўмлик 263 та даъво аризалари киритилган.
Шулар жумласига, Термиз шаҳар адлия бўлими томонидан Термиз шаҳар 6-сон алоқа бўлими 3-тоифали почтальони Г.Юсупованинг 2018 йил июнь, июль, август, сентябрь ойлари учун 30 фоиз кам ойлик иш хақи олганлигидан норози бўлиб, иш хақларидан ноқонуний ушлаб қолинган пул маблағларини ундириб олишда амалий ёрдам бериш тўғрисидаги мурожаати ўрганиб чиқилиб, аниқланган қонун бузилиш холати юзасидан, Термиз шаҳар адлия бўлими томонидан “O’zbekiston pochtasi” АЖ Сурхондарё филиалига тақдимнома киритилди.
Тақдимнома киритилиши натижасида, Г.А.Юсупованинг тўланмай қолган иш хақлари қайта хисоб китоб қилиш ва 2019 йил июнь ойи ойлик иш хақига қўшиб тўланиши хақида “O’zbekiston pochtasi” АЖ Сурхондарё филиалнинг 28.06.2019 йилдаги 416-к-сонли буйруғи қабул қилиниб, мурожаат тўлиқ қаноатлантирилди.
Бундан ташқари, Термиз шаҳар адлия бўлими томонидан Термиз тумани “Тинчлик” МФЙда яшовчи фуқаро Б.Менглиевнинг Термиз шаҳар ИИБ йўл ҳаракати хавфсизлиги ходимларининг хатти-ҳаракатларидан норозилиги ҳақидаги мурожаати ўрганиб чиқилди.
Ўрганишда, 2019 йил 17 май куни бўлган TICO 75/P488GA давлат рақамли транспорт воситасидан кундуз куни ташқи ёритиш асбобларидан фойдаланиш қоидаларини бузган ҳолда фойдаланганлиги сабабли фуқаро Б.Менглиевга нисбатан Термиз шаҳар ИИБ йўл ҳаракати хавфсизлиги ходимлари томонидан UZ-19 серияли 75-081825-рақамли баённома расмийлаштирилиб, ҳайдовчилик гувоҳномаси олиб қўйилганлиги ҳамда 101365 (бир юз бир минг уч юз олтмиш беш сўм) миқдорида жарима жазоси тайинлаш ҳақида қарор қабул қилинганлиги, тайинланган жарима ўрганиш кунига қадар фуқаро томонидан тўланмаганлиги аниқланди.
Шунга кўра, Термиз шаҳар адлия бўлими томонидан Термиз шаҳар ИИБ ЙҲХБга қонун бузилиши холатини бартараф этиш юзасидан тақдимнома киритилиб, фуқаро Б.Менглиевнинг хайдовичлик гувоҳномаси жарима суммасини тўланмасдан ўзига қайтарилишига ва содир этилган хуқуқбузарлигининг ижтимоий хавфлилик оқибати қолмаганлиги сабабли қўлланилган жарима суммасини тўланмаслигига эришилди.
Сурхондарё вилоят адлия бошқармаси Инсон ҳуқуқларини ҳимоя қилиш бўлими бошлиғи Ш.Тиловов
Термиз шаҳар адлия бўлими бошлиғи в.б Ж.Абдулазизов
Бугун Сурхондарё вилояти адлия бошқармаси томонидан Термиз шаҳридаги "Бобур" номли истироҳат боғида Ҳуқуқий ахборот куни тадбири ташкил қилинди. Тадбир доирасида Адлия вазирлиги томонидан республика миқёсида ўтказилаётган "Биз биргамиз" ижтимоий лойиҳаси ва Юридик коллеж томонидан Президентимизнинг беш ташаббуслари лойиҳаси тақдимоти ҳам ўтказилди. Мазкур тадбирда вилоятимизда фаолият олиб бораётган нодавлат нотижорат ташкилотлари томонидан ишлаб чиқарилган ҳунармандчилик маҳсулотлари ярмаркаси бўлиб ўтди. Аҳолининг ҳуқуқий саводхонлигини ошириш ва қабул қилинган қонун ҳужжатларини аҳоли ва кенг жамоатчиликка етказиш мақсадида Давлат хизматлари агентлиги вилоят бошқармаси, Ички ишлар, божхона, давлат солиқ бошқармалари, Мажбурий ижро бюроси, ҳалқ таълими, мактабгача таълим ва вилоятдаги 4 та Олий ўқув юртлари масъул ходимлари томонидан соҳасига оид янгиликлардан тадбир иштирокчиларини хабардор қилинди.
Вилоят адлия бошқармаси
масъул ходими Қ.Чориев
Сурхондарё вилоят адлия бошқармасига 2019 йилнинг 6 ойи давомида жисмоний ва юридик шахслардан келиб тушган мурожаатлар таҳлил қилинди.
Диққат танлов! Сурхондарё вилояти адлия бошқармаси томониданГазовый баллон объемом 80л на автомобиль марки Нексия 3 Метан ЕВРО 3 и ее установка сотиб олиш бўйича танлов эълон қилади. Қўшимча маълумотлар dxarid.uzex.uz сайтида. Лот рақами 2900279
Диққат танлов! Сурхондарё вилояти адлия бошқармаси томонидан Государственный Герб Республики Узбекистан, Сверкающий тефлоновая покрытия, как на рисунке. Диаметр 55см ва Государственный Герб Республики Узбекистан, Сверкающий как на рисунке. Диаметр 15см сотиб олиш бўйича танлов эълон қилади. Қўшимча маълумотлар dxarid.uzex.uz сайтида. Лот рақами 5005310.
“Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги ПФ-5729-сонли Фармони
Сурхондарё вилоят адлия бошқармаси тизимидаги туман (шаҳар) адлия бўлимлари ҳамда бошқа ҳуқуқни мухофааза қилувчи органлар билан ҳамкорликда Ўзбекистон Республикаси Президентининг 2019 йил 27 майдаги “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги ПФ-5729-сонли Фармони юзасидан жойларда ижтимоий соҳа вакиллари билан учрашувлар ташкил этилмоқда.
Учрашувлар давомида, порахўрлик жиноятини юзага келтириш омиллари ва уларга қарши курашишда ҳамкорлик масалалари ҳамда амалий мисоллар билан мақсадли равишда тушунтириш ишлари олиб борилмоқда.
Вилоят адлия бошқармасимасъул ходими Қ.Чориев
“Ҳуқуқий саводхонликни оширишда барчамиз масъулмиз”
Бугунги кунда, аҳоли ўртасида ҳуқуқий онгни шакллантириш ва ҳуқуқий маданиятни юксалтириш мамлакатимизнинг олдидаги катта вазифалардан бири бўлиб турибди. Зеро, ижрочилар ва фуқароларнинг қабул қилинаётган қонун ҳужжатларидан хабардор бўлиши ва уларни амалиётда тўғри қўллаши давлатимизнинг ривожланишида катта ўрин тутади.
Албатта, аҳолининг ҳуқуқий маданиятини доимий равишда юксалтириб бориш, республикамиздаги барча давлат органларининг асосий вазифаларидан биридир.
Куни-кеча, Сурхондарё вилоят адлия бошқармаси ва идоралари томонидан тегишли идора ходимлари билан ҳамкорликда Ангор ва Шеробод туманларида Ўзбекистон Республикаси Президентининг 2019 йил 27 майдаги ПФ-5729-сонли “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги Фармонининг мазмун-моҳиятини тушунтириш ва “Коррупция мудхиш жиноят” мавзусида учрашув тадбири ўтказилди.
Тадбирда сўзга чиққанлар тадбир иштирокчиларига Жамиятда ҳуқуқий онг ва ҳуқуқий маданиятни юксалтириб бориш қонун устуворлигини таъминлаш ва қонунийликни мустаҳкамлаш энг муҳим шартлардан бири эканлигини, ёшларнинг ҳуқуқий тарбиясига салбий таъсир кўрсатувчи омилларга нисбатан ҳуқуқий иммунитетни шакллантириш, ҳар-бир фуқароларимиздан қонунларга ва одоб-ахлоқ қоидаларига ҳурмат, миллий қадриятларга садоқат, ҳуқуқий саводхонликни ва ҳуқуқий билимларини ошириш, ҳар қандай ҳуқуқбузарликларнинг олдини олишда барча масъул эканлиги ҳақида ҳуқуқий тушунчалар берилди.
Шу билан биргаликда, “Коррупция” ҳақида тўхталиб, “Коррупция бу- пора олиш (ўзига оғдириш), давлат ёки хусусий соҳада муайян ваколатга эга бўлган шахс, мансабдор шахснинг ёки хусусий соҳада фаолият юритадиган шахс ёки мустақил агентнинг ўз мансаб вазифасидан ёки шунга ўхшаш муносабатлардан келиб чиқадиган мажбуриятларини бузадиган, шунингдек ўзи ёхуд ўзга шахслар манфаати учун ҳар қандай шаклдаги афзалликларга эга бўлиш мақсадида ифодаланган хатти-ҳаракат”эканлиги ҳақида иштирокчиларга айтиб ўтилди.
Вилоят адлия бошқармаси
масъул ходими Қ.Чориев
“27 июнь – Матбуот ва оммавий ахборот воситалари ходимлари куни”
Сурхондарё вилоят адлия бошқармаси томонидан 27 июнь – Матбуот ва оммавий ахборот воситалари ходимлари куни муносабати билан ҳамда аҳолининг ҳуқуқий онги ва ҳуқуқий маданиятини юксалтириш борасида адлия органларига юклатилган вазифаларнинг самарали бажарилишида ҳамкорликда муносиб ҳисса қўшиб келаётган бир гуруҳ матбуот ва оммавий ахборот воситалари ходимларини тақдирлаш маросими бўлиб ўтди ва улар адлия бошқармасининг фаҳрий ёрлиқлари ҳамда қимматбаҳо совғалари билан тақдирланди.
Вилоят адлия бошқармаси
масъул ходими Қ.Чориев