Surxondaryo viloyati adliya boshqarmasi tomonidan "Yoshlar kuni" doirasida yoshlar o‘rtasida sog‘lom turmush tarzini keng targ‘ib qilish, ularning bo‘sh vaqtini mazmunli tashkil etish hamda sportga bo‘lgan qiziqishini yanada oshirish maqsadida "Sport kuni" tadbiri o‘tkazildi.

Tadbirda Surxondaryo viloyati adliya boshqarmasi boshlig‘ining birinchi o‘rinbosari S. Tursunov ishtirok etib, yoshlar bilan ochiq muloqot qildi. Rahbar o‘z so‘zida sport inson salomatligini mustahkamlash, yoshlarni vatanparvarlik, qat’iyat va intizom ruhida tarbiyalashda muhim omil ekanini alohida ta’kidladi.

Tadbir doirasida yoshlar, adliya organlari xodimlari hamda mahalla faollari ishtirokida sport musobaqalari tashkil etilib, sog‘lom raqobat, jamoaviy hamjihatlik va faol turmush tarzini targ‘ib etishga alohida e’tibor qaratildi.

Shuningdek, yoshlarni sport bilan muntazam shug‘ullanishga keng jalb etish, ularning iqtidorini qo‘llab-quvvatlash, professional sport bilan shug‘ullanish uchun yaratilayotgan imkoniyatlar hamda sportning jismoniy va ma’naviy kamolotdagi o‘rni yuzasidan tavsiyalar berildi.

Tadbir davomida yoshlarning huquqiy ongi va fuqarolik faolligini oshirish, sog‘lom turmush tarzini qaror toptirish, zararli odatlardan yiroq bo‘lish hamda bo‘sh vaqtni mazmunli tashkil etish masalalari yuzasidan ham huquqiy tushuntirishlar berildi.

"Sport kuni" tadbiri yoshlarning jismoniy salomatligini mustahkamlash, sportni ommalashtirish, sog‘lom raqobat muhitini shakllantirish hamda ularning ijtimoiy faolligini yanada oshirishga xizmat qildi.

 O‘zbekiston Respublikasi Prezidenti Administratsiyasining 2026-yil 3-iyundagi 10-1357-sonli xati ijrosi, shuningdek, iyun–avgust oylari payshanba – “Yoshlar kuni” doirasida tasdiqlangan reja-grafikning 8-bandi asosida Sariosiyo tuman adliya bo‘limi tomonidan tumanning “Ehtirom” mahallasidagi “Hayrullo oltin dalasi” fermer xo‘jaligida “Yosh fermerlarni qo‘llab-quvvatlash kuni” tadbiri tashkil etildi.

Tadbir doirasida zamonaviy qishloq xo‘jaligi texnologiyalari, jumladan tomchilatib sug‘orish, dronlar yordamida ekinlarni kuzatish hamda smart fermerlik bo‘yicha amaliy ko‘rgazmalar namoyish etildi.

Yosh fermerlarga yerdan foydalanish huquqi, qishloq xo‘jaligi kreditlari va subsidiyalar olish tartibi yuzasidan huquqiy seminar o‘tkazilib, ishtirokchilarning savollariga mutaxassislar tomonidan batafsil javoblar berildi.

Shuningdek, “Ustozdan shogirdga” uchrashuvi tashkil etilib, tajribali agronom va fermerlar o‘z bilim hamda tajribalarini yoshlar bilan o‘rtoqlashdi.

Tadbir davomida rahbarlar ishtirokida yosh fermerlar yetishtirgan mahsulotlar uchun “Dehqon bozori” yarmarkasi tashkil etildi.

Bundan tashqari, organik dehqonchilik, gidroponika va zamonaviy issiqxona texnologiyalari bo‘yicha amaliy master-klass hamda xalqaro qishloq xo‘jaligi dasturlari, grant imkoniyatlari va xorijiy tajribalar yuzasidan axborot-targ‘ibot ishlari olib borildi.

Tadbirda Surxondaryo viloyati adliya boshqarmasi birinchi o‘rinbosari S. Tursunov ishtirok etib, mamlakatimizda yoshlarga yaratilayotgan imkoniyatlar, adliya tizimidagi islohotlar hamda yoshlarning kasbiy salohiyatini yuksaltirish masalalari yuzasidan o‘z fikrlarini bildirdi.

Uchrashuvda adliya tizimi xodimlari, tajribali advokatlar, mehnat faxriylari, hududiy adliya organlari yoshlari hamda yuridik yo‘nalish talabalari ishtirok etdi.

Muloqot davomida yoshlarga yuridik sohada muvaffaqiyatga erishish yo‘llari, kasbiy rivojlanish imkoniyatlari, shuningdek halollik, mas’uliyat va fidoyilikning ahamiyati haqida batafsil tavsiyalar berildi.

Ochiq muloqot jarayonida ishtirokchilarni qiziqtirgan savollarga tajribali mutaxassislar tomonidan hayotiy misollar va amaliy tajribalar asosida javoblar berildi.

Mazkur motivatsion uchrashuv yoshlarning huquqiy ongi va kasbiy salohiyatini yuksaltirish, ularni yuksak maqsadlar sari ruhlantirish hamda adliya tizimi uchun malakali kadrlar zaxirasini shakllantirishga xizmat qildi.

Adliya vazirligi tomonidan 2026-yilning ikkinchi yarim yilligi davomida “Yoshlar kuni” doirasida o‘tkaziladigan uchrashuv va tadbirlar reja-grafigining 7-bandiga muvofiq hududlarda “Zakovat” intellektual o‘yinlarini tashkil etish belgilangan.

Mazkur topshiriq ijrosi yuzasidan Sariosiyo tuman adliya bo‘limi tomonidan “Rahbar va yoshlar” uchrashuvi doirasida tumandagi Xonjiza bolalar sog‘lomlashtirish oromgohida yoshlar ishtirokida “Zakovat” intellektual o‘yini tashkil etildi.

Intellektual bahslar davomida ishtirokchilarga huquqiy, mantiqiy hamda umumiy bilimlarga oid savollar taqdim etilib, ularning tahliliy fikrlashi, tezkor qaror qabul qilish, jamoada ishlash va bilim salohiyatini namoyon etish ko‘nikmalari sinovdan o‘tkazildi.

Shuningdek, o‘yin jarayonida yoshlarning huquqiy ongi va huquqiy madaniyatini yuksaltirish, qonunchilikka hurmat ruhini mustahkamlash hamda intellektual salohiyatini rivojlantirishga alohida e’tibor qaratildi.

Yakuniy natijalarga ko‘ra, eng yuqori natijalarni qayd etgan jamoalar g‘olib deb topilib, Sariosiyo tuman adliya bo‘limining Faxriy yorlig‘i bilan taqdirlandi.

Bunday intellektual loyihalar yoshlarning bo‘sh vaqtini mazmunli tashkil etish, ularning bilim va salohiyatini ro‘yobga chiqarish, sog‘lom raqobat muhitini shakllantirish hamda huquqiy targ‘ibot samaradorligini oshirishga xizmat qilmoqda.

Qumqo‘rg‘on tuman adliya bo‘limi tashabbusi bilan “Rahbar va yoshlar” uchrashuvi doirasida yoshlarning jismoniy, ma’naviy va intellektual salohiyatini yuksaltirishga qaratilgan qator tadbirlar tashkil etildi.

Sport maktabida o‘tkazilgan uchrashuvda sog‘lom turmush tarzini shakllantirish, jismoniy faollikni oshirish, to‘g‘ri ovqatlanish, zararli odatlardan voz kechish hamda yoshlarning bo‘sh vaqtini mazmunli tashkil etish masalalari yuzasidan ochiq muloqot o‘tkazildi.

“Umid nihollari” mahallasi yoshlari uchun tumandagi “Iskandar Zulqarnayn” (G‘isht ko‘prik) tarixiy obidasiga ma’rifiy sayohat uyushtirilib, ishtirokchilar ushbu tarixiy maskanning tarixi va ahamiyati bilan yaqindan tanishtirildi.

Tadbirlar davomida yoshlarning fikr va takliflari tinglanib, kitobxonlikni rivojlantirish, sport bilan muntazam shug‘ullanish, sog‘lom ovqatlanish hamda raqamli texnologiyalardan oqilona foydalanish yuzasidan tavsiyalar berildi.

Mazkur tadbirlar yoshlar o‘rtasida sog‘lom turmush tarzini ommalashtirish, tarixiy merosga hurmat tuyg‘usini mustahkamlash, ularning ijtimoiy faolligini oshirish hamda Vatanga sadoqat ruhidagi barkamol avlodni tarbiyalashga xizmat qildi.

Navbatdagi “Rahbar va yoshlar” uchrashuvi Termiz tumanidagi Bolalar va o‘smirlar sport maktabida o‘tkazildi.

Tadbir doirasida yoshlar o‘rtasida uzunlikka sakrash va uzoq masofaga yugurish bo‘yicha sport musobaqalari tashkil etildi.

Shuningdek, sport majmuasida o‘g‘il-qizlar hamda murabbiylar ishtirokida amaliy mashg‘ulotlar va qisqa treninglar o‘tkazilib, yoshlarning sport bilan muntazam shug‘ullanishi uchun yaratilgan sharoitlar bilan tanishtirildi.

Musobaqalarda faol ishtirok etgan yoshlar hamda g‘oliblar esdalik sovg‘alari bilan taqdirlandi.

Mazkur uchrashuv yoshlarni sog‘lom turmush tarziga jalb etish, ularning jismoniy faolligini oshirish hamda barkamol avlodni voyaga yetkazishga xizmat qilmoqda.

Uzun tuman adliya bo‘limi tomonidan yoshlar o‘rtasida kitobxonlik madaniyatini keng targ‘ib etish, mutolaa orqali ularning ma’naviy salohiyatini yuksaltirish maqsadida "Rahbar va yoshlar" uchrashuvi doirasida "Ochiq kutubxona kuni" hamda "Kitob almashish" yarmarkasi tashkil etildi.

Tadbir davomida park va mahalla hududida maxsus kitob javonlari tashkil etilib, yoshlar turli badiiy, ilmiy-ommabop va huquqiy adabiyotlarni erkin mutolaa qilish imkoniyatiga ega bo‘ldilar.

Shuningdek, "Kitob almashish" yarmarkasi doirasida ishtirokchilar o‘zlari o‘qib bo‘lgan kitoblarni olib kelib, ularni boshqa qiziqarli asarlarga almashtirish orqali kitob mutolaasi va kitob almashish madaniyatini rivojlantirishga hissa qo‘shdilar.

Tadbir davomida yoshlar bilan kitob mutolaasining inson kamolotidagi o‘rni, kitobxonlikni ommalashtirish hamda bo‘sh vaqtni mazmunli tashkil etish yuzasidan ochiq muloqot o‘tkazildi.

Yakunda yoshlar muntazam kitob mutolaa qilishga, bilim va tafakkurni yuksaltirishga hamda kitobxonlik an’analarini keng targ‘ib etishga chaqirildi.

Shoʻrchi tuman adliya bo‘limi tomonidan tuman prokuraturasi bilan hamkorlikda sog‘lom turmush tarzi mavzusida “Rahbar va yoshlar” uchrashuvi tashkil etildi.

Uchrashuvda sog‘lom turmush tarzining ahamiyati, to‘g‘ri ovqatlanish, jismoniy faollikni oshirish, zararli odatlardan voz kechish hamda sport bilan muntazam shug‘ullanishning foydalari haqida suhbat olib borildi.

Tadbir davomida yoshlarni qiziqtirgan savollarga batafsil javoblar berilib, ular bilan ochiq muloqot tashkil etildi.

Yakunda yoshlar sog‘lom va faol hayot tarzini olib borish, bo‘sh vaqtini mazmunli tashkil etish hamda ijobiy odatlarni kundalik hayotga tatbiq etishga chaqirildi.

Denov tuman adliya bo‘limi tomonidan sog‘lom turmush tarzi mavzusida “Rahbar va yoshlar” uchrashuvi tashkil etildi.

Uchrashuvda yoshlar bilan sog‘lom turmush tarzining ahamiyati, to‘g‘ri ovqatlanish, jismoniy faollikni oshirish, zararli odatlardan voz kechish hamda sport bilan muntazam shug‘ullanishning foydalari haqida suhbat olib borildi.

Tadbir davomida yoshlarni qiziqtirgan savollarga batafsil javoblar berilib, ular bilan ochiq muloqot tashkil etildi.

 Yakunda yoshlar sog‘lom va faol hayot tarzini olib borish, bo‘sh vaqtini mazmunli tashkil etish hamda ijobiy odatlarni kundalik hayotga tatbiq etishga chaqirildi.

 Denov tuman adliya bo`limi tomonidan O`zbekiston Respublikasi Adliya vazirligining 2025-yil 25-maydagi “Bolalar va yoshlarning huquqlarini himoya qilish” huquqiy aksiyasi doirasida tumanidagi 77-sonli umumiy o`rta ta`lim maktabi o`quvchilari uchun sayyor qabul va “Adliya kuni” tadbirlari o‘tkazildi.

Tadbir davomida bolalar hamda ularning ota-onalariga bolalar huquqlari, ular uchun davlat tomonidan yaratilgan imkoniyat va imtiyozlar, shuningdek, qonunchilikda belgilangan huquq va kafolatlar haqida huquqiy tushuntirishlar berildi.