Sariosiyo tuman adliya bo‘limi xodimlari tomonidan tumandagi 28-sonli umumta’lim maktabi yuqori sinf o‘quvchilari ishtirokida “Korrupsiyaga qarshi kurashish” mavzusida tarbiyaviy dars mashg‘uloti o‘tkazildi.

Dars davomida o‘quvchilarga korrupsiya tushunchasi, uning salbiy oqibatlari hamda jamiyat taraqqiyotiga ko‘rsatadigan ta’siri haqida batafsil ma’lumotlar berildi.
Shuningdek, yoshlar o‘rtasida halollik, adolat va qonunlarga hurmat ruhini mustahkamlash masalalariga alohida e’tibor qaratildi.
Tadbir yakunida o‘quvchilar o‘zlarini qiziqtirgan savollarga javoblar olib, mavzu yuzasidan fikr almashdilar.
Huquqiy ong va madaniyatni yuksaltirish yo‘lidagi bunday tadbirlar yosh avlodni halol va mas’uliyatli shaxs sifatida tarbiyalashda muhim ahamiyat kasb etadi.

Yurtimizda har payshanba “Yoshlar kuni” kuni munosabati bilan Surxondaryo viloyat adliya boshqarmasi boshlig‘i A. Isoqov tashabbusi bilan Janubiy-g‘arbiy maxsus harbiy okrug harbiy qismida “Adliya va yosh harbiy xizmatchilar uchrashuvi” tashkil etildi.

Uchrashuvda Prezidentimizning 07.04.2026 yildagi “Qurolli Kuchlar tizimida respublika kitobxonlik tanlovini tashkil etish chora-tadbirlari to‘g‘risida”gi PQ-128-son qarori mazmun-mohiyati atroflicha tushuntirildi. 

Shuningdek, yosh harbiy xizmatchilarga bugungi kunida yoshlar uchun yaratilgan imkoniyat va shart-sharoitlar haqida batafsil ma’lumotlar berildi.
Tadbir yakunida yosh harbiy xizmatchilar tomonidan berilgan savollarga atroflicha javoblar qaytarildi.

Bunday uchrashuvlar yoshlarning huquqiy ongi va madaniyatini oshirishga, shuningdek, ularni kitobxonlikka bo‘lgan qiziqishini yanada kuchaytirishga xizmat qiladi.

Bandixon tuman adliya bo‘limi boshlig‘i V. Nazarov tashabbusi bilan tumandagi 35-son umumta’lim maktabida o‘quvchi yoshlar uchun ma’naviy-ma’rifiy tadbir tashkil etildi.

Tadbirda buyuk sarkarda va davlat arbobi Amir Temur hayoti va faoliyatiga bag‘ishlangan “Buyuk Temur” nomli hujjatli film namoyish qilindi. Film orqali yoshlarda milliy g‘urur, tarixga hurmat va vatanparvarlik tuyg‘ularini yanada yuksaltirish maqsad qilindi.

Namoyishdan so‘ng o‘quvchi yoshlarning film yuzasidan fikr-mulohazalari va qiziqishlari tinglanib, ular bilan samimiy va ochiq muloqot o‘tkazildi. Uchrashuv davomida yoshlar o‘zlarini qiziqtirgan savollarga javob olib, tarixiy shaxslardan ibrat olish, Vatanga sadoqat ruhida kamol topish zarurligi haqida fikr almashdilar.

Jarqo‘rg‘on, Qumqo‘rg‘on, Sho‘rchi va Uzun tuman adliya bo‘limlari tomonidan tegishli tashkilot va davlat idoralari bilan hamkorlikda “Ma’naviy-ma’rifiy, madaniy va ommaviy sport tadbirlari” yuqori saviyada tashkil etilmoqda. 

Ushbu tadbirlar yoshlar o‘rtasida milliy qadriyatlarga hurmat, sog‘lom turmush tarziga intilish hamda vatanga sadoqat tuyg‘ularini mustahkamlashga xizmat qilmoqda.
Bu kabi tashabbuslar yosh avlodni barkamol, bilimli va yurt ravnaqiga hissa qo‘shadigan fidoyi shaxslar etib tarbiyalashda muhim ahamiyat kasb etadi.

Denov tuman adliya bo‘limi xodimlari tomonidan umumta’lim maktablarida Giyohvandlik va narkojinoyatlarning barvaqt oldini olish, yoshlar ongida sog‘lom turmush tarzini shakllantirish maqsadida huquqiy targ‘ibot tadbirlari tashkil etildi.

Mazkur tadbirlar davomida o‘quvchilarga giyohvandlik vositalarining inson salomatligiga, jamiyat va kelajak hayotga salbiy ta’siri, shuningdek, narkojinoyatlar uchun belgilangan javobgarlik choralari haqida batafsil tushunchalar berildi.

Shuningdek, yoshlar o‘rtasida huquqiy madaniyatni yuksaltirish, firibgarlik, kiberxavfsizlik hamda boshqa turdagi jinoyatchiliklarning oldini olish bo‘yicha ham  tushuntirish ishlari olib borildi.
Tadbir yakunida huquqiy tushunchalarni mustahkamlash maqsadida targ‘ibot materiallari va flayerlar tarqatildi.

 Shorchi tuman adliya bo'limi tashabbusi bilan tumandagi maktab yoshlari va uyushmagan yoshlar uchun “Ochiq eshiklar kuni” tadbiri tashkil etildi.

???? Uchrashuv davomida Davlatimiz tomonidan yoshlarga berilayotgan imtiyozlar, ayniqsa, ta’lim va tadbirkorlik yo‘nalishidagi yengilliklar, imtiyozli kredit, grantlar haqida, yoshlar jinoyatchilik va huquqbuzarliklardan yiroq bo‘lishlari bo‘yicha samimiy suhbatlashildi. 

???? Shuningdek, adliya bo'limi mas'ul xodimlari tomonidan tizim faoliyati bo‘yicha ma'lumotlar berildi va yoshalarni qiziqtirgan savollariga javoblar berildi.

Surxondaryo viloyati adliya boshqarmasi boshlig‘i A.Isoqov tomonidan Termiz davlat universitetining Axborot texnologiyalari fakultetida talaba-yoshlar bilan samimiy va ochiq muloqot tashkil etildi.

Mazkur uchrashuv davomida yoshlar o‘zlarini qiziqtirgan savollar bilan faol ishtirok etdilar, fikr va takliflarini bildirdilar. Shuningdek, tadbir davomida o‘zaro tajriba almashish, huquqiy madaniyatni oshirish va yoshlarning tashabbuslarini qo‘llab-quvvatlash masalalariga alohida e’tibor qaratildi.
Bunday muloqotlar yoshlarning huquqiy ongi va faolligini oshirishga xizmat qilib, ularning kelgusi faoliyatida muhim ahamiyat kasb etadi.

Sariosiyo tuman adliya bo‘limi xodimlari tomonidan tumandagi Maktab va maktabgacha ta’lim bo‘limida pedagog xodimlar ishtirokida, O‘zbekiston Respublikasi Prezidentining PQ-1-son va PQ-2-son qarorlari ijrosi va “Xotin-qizlarga huquqiy ko‘mak”  huquqiy aksiyasi  doirasida targ‘ibot tadbiri o‘tkazildi.

Tadbir ishtiorkchilariga PQ-1 va PQ-2-sonli qarorning mazmun-mohiyati firibgarlik, giyohvandlik va kiberxavfsizlik jinoyat turlari hamda, usullari, qanday himoyalanishi hamda “Xotin-qizlarga huquqiy ko‘mak”  huquqiy aksiyasi  doirasida huquqiy tushuntirishlar va ular tomonidan berilgan savollarga javob berildi.

 Oltinsoy tumani adliya bo‘limi mas'ul xodimlari ishtirok etishda, tumanda otaliqqa olingan 11-sonli umumta’lim maktabida o‘quvchilarning huquqiy savodxonligini oshirish maqsadida “Huquq sinfi” yo‘nalishi bo‘yicha navbatdagi amaliy mashg‘ulot tashkil etildi. 


???? Mashg‘ulot davomida o‘quvchilarga “Jinoyat va ma’muriy huquqbuzalik o‘rtasidagi farqlar” mavzusi keng yoritildi. 

Shuningdek, tadbir davomida o‘quvchilarga firibgarlik, kiberjinoyatchilik, giyohvandlik, korrupsiya hamda boshqa turdagi huquqbuzarlik va jinoyatlarning jamiyat hamda yoshlar kelajagiga salbiy ta’siri, shuningdek ularning huquqiy oqibatlari haqida batafsil tushuntirishlar berildi

Tadbirning asosiy maqsadi — yoshlarni huquqiy madaniyatga yo‘naltirish, huquqbuzarliklarning oldini olish, qonunchilik bo‘yicha amaliy bilim va ko‘nikmalarni mustahkamlashdan iborat bo‘ldi.

Uzun tumanidagi otaliqqa olingan 20-sonli maktabida tuman adliya bo‘limi YXKM boshlig‘i U.Daniyarov tomonidan "Jinoyat tushunchasi va bu uchun belgilangan javobgarlik" mavzusida amaliy dars mashg‘ulotlari o‘tkazildi.

Dars davomida oʻquvchilar ishtirokida "Huquqiy zakovat" viktorinasi o‘tkazildi. Qizg‘in va murosasiz kechgan bahsda g‘oliblar taqdirlandi. Shuningdek, o‘quvchilar oʻzlari qiziqtirgan savollariga amaliyotchi huquqshunoslar tomonidan batafsil javoblar olishdi.

Dars so‘nggida, darslarda yoshlarning huquqiy ongi va huquqiy madaniyatini yuksaltirish borasida amalga oshirilayotgan islohotlar boʻyicha ham atroflicha maʼlumot berildi.