Yangiliklar

Сурхондарё вилоят адлия, Ички ишлар, Ўрта махсус касб-ҳунар таълими бошқармалари, вилоят ҳокимлиги, вилоят наркалогия диспансери ва Термиз шаҳар “Камолот” ЁИҲ билан ҳамкорликда Термиз давлат университети қошидаги 2-сон академик лицей мажлислар залида “Ёшлар ўртасида гиёҳванд моддаларини тарқатишга қарши курашиш ойлиги” муносабати билан “Биз ёшлар гиёҳвандликка қаршимиз” мавзусида талаба ёшлар иштирокида учрашув ўтказилди.

Ўзбекистон Республикаси Президентининг 2013 йил 25 декабрдаги “Ўзбекистон Республикасининг 2014 йилги асосий микроиқтисодий кўрсаткичлари прогнози ва Давлат бюджети параметрлари тўғрисида”ги қарори асосида Ўзбекистон Республикаси Президентининг 2006 йил 24 майдаги қарори билан тасдиқланган “Тадбиркорлик субъектларини давлат рўйхатидан ўтказиш ва ҳисобга қўйишнинг хабардор қилиш тартиби тўғрисида”ги Низомга ҳамда Вазирлар Маҳкамасининг 2003 йил 20 августдаги “Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисида”ги Низомга ўзгартириш ва қўшимчалар киритилди.

Ўзбекистон Республикаси Адлия вазирлигида адлия органлари ва муассасалари томонидан 2013 йилда қонун ижодкорлиги ва ҳуқуқни қўллаш йўналишида амалга оширилган ишлар ва жорий йилда қилиниши лозим бўлган вазифаларга бағишланган Ҳайъат мажлиси бўлиб ўтди.

Аҳоли бандлигини таъминлашнинг ҳамда даромадларини оширишнинг энг самарали ва оқилона йўли – бу кичик бизнес ва хусусий тадбиркорликни ривожлантиришдир. Кичик бизнес ва хусусий тадбиркорлик бозор иқтисодиётига хос турли макроиқтисодий ўзгаришлар ва талабларга тез мослашиш имкониятларига эгалиги билан устувор аҳамиятга эга. Иқтисодиётнинг турли тармоқларида кичик бизнес ва хусусий тадбиркорлик фаолиятини ривожлантириш миллий иқтисодиётимиз барқарорлигини таъминлашнинг муҳим макроиқтисодий омилларидан бири ҳисобланади.

Термиз шаҳрида Ўзбекистон Республикаси Вазирлар Маҳкамасининг 2013 йил 25 ноябрдаги “Тадбиркорлик субъектларини Интернет тармоғи орқали давлат рўйхатидан ўтказиш механизмини жорий этиш чора-тадбирлари тўғрисида”ги қарори ижросига бағишланган ўқув-семинари ўтказилди.

Ўзбекистон Республикаси Вазирлар Маҳкамасининг 2013 йил 4 мартдаги ёшлар масаласига бағишланган 57-сонли мажлис баёни билан тасдиқланган Ўзбекистон Республикасида ёшларга оид давлат сиёсатини амалга оширишга қаратилган чора-тадбирлар Дастури ва унинг бажарилишини таъминлаш юзасидан ижро механизмининг 3-бандида адлия органлари ҳузурида “Ҳуқуқий маслаҳат кунлари” ташкил этилганлиги муносабати билан Сурхондарё вилоят адлия бошқармаси томонидан, вилоят прокуратураси, вилоят ИИБ, Термиз давлат университети, адвокатлар палатаси вилоят ҳудудий бошқармаси ва вилоят ҳокимлиги Ўрта-махсус, касб-ҳунар таълими бошқармаси ходимлари билан ҳамкорликда Термиз иқтисодиёт касб-ҳунар коллежида “Ёшлар ўртасида жиноятчиликнинг олдини олиш ва уларга ҳуқуқий маслаҳатлар” мавзусида учрашув ўтказилди.

Адлия органлари томонидан 14 январь – Ватан ҳимоячилари куни ҳамда Ўзбекистон Қуролли кучлари ташкил этилганлигининг 22 йиллиги муносабати билан турли ҳуқуқий тадбирлар, давра суҳбатлари ва учрашувлар ташкил этилмоқда.

Ўзбекистон Республикаси Президентининг 2013 йил 12 декабрдаги “Ватан ҳимоячилари куни байрамига тайёргарлик кўриш ва уни ўтказиш тўғрисида”ги фармойиши ижроси юзасидан Сурхондарё вилоят адлия бошқармасида “Ҳарбий хизматчилар фаолияти ва ҳаёти, Қуролли кучларда амалга оширилаётган ислоҳатлар” мавзусида давра суҳбати ўтказилди.

Ўзбекистон Республикаси Олий Мажлиси Қонунчилик палатаси Аграр ва сув хўжалиги масалалари қўмитасида Президентимиз Ислом Каримовнинг Ўзбекистон Республикаси Конституцияси қабул қилинганининг 21 йиллигига бағишланган тантанали маросимдаги маърузасида белгилаб берилган вазифалар ижросини таъминлаш ва аграр соҳани ривожлантириш истиқболларига бағишланган кенгайтирилган йиғилиш бўлиб ўтди.