Yangiliklar

Бугунги кунда, жамиятда аҳоли ўртасида ҳуқуқий онгни шакллантириш ва ҳуқуқий маданиятни юксалтириш мамлакатимизнинг олдидаги катта вазифалардан бири бўлиб турибди. 

Сурхондарё вилоят адлия бошқармаси томонидан “Ўзбекистон Республикаси Қуролли Кучлари ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида”ги 2018 йил 4-август кунидаги ПҚ-3898-сонли Қарори ижросини таъминлаш мақсадида куни кеча Термиз шаҳридаги 11506-сонли ҳарбий қисм мажлислар залида “Ҳуқуқий саводхонликни оширишга барчамиз маъсулмиз” мавзусида ҳарбий хизматчилар ўртасида учрашув тадбири ўтказилди.

  Тадбирда Ўзбекистон Республикаси Президентининг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги 2019 йил 9 январ кунидаги ПФ-5618-сонли Фармонининг мазмун-моҳиятини ва аҳамиятини тушунтириш билан бирга, Гиёҳвандлик жинояти ҳақида тўхталиб,ўтган асрдан бизга трансмиллий жиноятчиликнинг учта энг хавфли тури «мерос» бўлиб қолганлигини, уларнинг биринчиси – халқаро терроризм, дин ниқоби остидаги хуружлар, иккинчиси – наркотик моддалар билан савдо қилиш (наркобизнес) ва ниҳоят, учинчиси эса одам савдоси ҳисобланиши ҳақида тушунтирилди.

Ҳозирги кунда ер юзидаги наркобизнесда айланаётган пул маблағи дунё аҳолисининг озиқ-овқат, кийим-кечак, турар-жой, таълим тизими ва тиббий хизматга сарфлаётган харажатларидан анча кўплиги ҳеч кимга сир эмаслигини, Энг ачинарлиси, гиёҳвандлик оғир ва ўта оғир жиноятларнинг содир этилишига, оилалар ва миллат генофондининг бузилишига сабаб бўлаётганлиги ҳақида айтиб ўтилди.

 Шу билан биргаликда қабул қилинаётган ҳар бир норматив-ҳуқуқий ҳужжат, қонун ҳужжатларига киритилаётган ўзгартириш ва қўшимчалардан танишиб боришликлари, кунлик ахборот ва янгиликлар билан танишиб боришликлари ҳақида ҳуқуқий тушунчалар берилди.

Тадбир якунида иштирокчиларни қизиқтирган саволларига тўлиқ ва батафсил жавоблар берилди.

Вилоят адлия бошқармаси

СУРХОНДАРЁ ВИЛОЯТ АДЛИЯ БОШҚАРМАСИ ТИЗИМИДАГИ

МАВЖУД БЎШ ИШ ЎРИНЛАРИ ҲАҚИДА МАЪЛУМОТ

15.04.2019 й. ҳолатига

Ойлик иш ҳақидан ташқари ижтимоий ҳимоялашга қаратилган қуйидаги чоралар ва тўловлар таъминланади:

- ойлик иш ҳақига мартаба даражалари учун ва кўп йиллик хизмати учун қўшимчалар (бундан ташқари, мукофот пули, моддий ёрдам ва бошқалар) қўшиб борилади;

- адлия органлари ходимларига бериладиган махсус унвон – мартаба даражалари берилади;

- ходимларнинг озиқ-овқат харажатларини қисман қоплаш учун ҳар ойлик компенсация тўлови (энг кам ойлик иш ҳақи миқдорида);

- Меҳнат кодексида белгиланган 6 та байрам ва 4 та чорак якунлари бўйича ойлик иш ҳақи фонди миқдорида мукофот пуллари;

- ходим таътилга чиққанда икки ойлик иш ҳақи фонди миқдорида моддий ёрдам пули;

- ходимга оилавий шароитига кўра ижтимоий муҳофаза қилиш тарзидаги пул маблағи (энг кам ойлик иш ҳақининг 5 баравари миқдорида);

- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида)

- турли хил концерт ва театрларга чипталар ҳамда санаторий ва бошқа даволаш муассасаларига, шунингдек болалар оромгоҳларига йўлланмалар;

- уй-жой шароитларини яхшилашга муҳтож бўлган ходимларга уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш;

- ходимларга уй-жойларни ижарага олганлик (ижарада турганлик) учун компенсация тўлови;

Танловда иштирок этиш истагини билдирган номзодлар бўш жойлар тўлгунга қадар ўз шахсий варақасини surxondaryo@minjust.gov.uz электрон почтасига ёки Сурхондарё вилоят адлия бошқармаси Кадрлар бўлимига юборишлари мумкин. Юборилаёган маълумотномада номзоднинг яшаш манзили ва телефон рақамлари тўғрисидаги ҳамда қайси иш ўрнига ҳужжат топшириш истаги ҳақидаги маълумотлар ҳам экс эттирилиши керак.

Сариосиё туман адлия бўлими масъуллари томонидан жойларда сайлов тадбирларини ўтказиш бўйича тарғибот тадбирлари амалга оширилмоқда. Жумладан туман ҳокимлиги қошида барча маҳалла фуқаролар йиғини раиси (оқсоқоли) лавозимига сайловларда туман (шаҳар) кўмаклашувчи комиссияларга ҳуқуқий жиҳатдан кўмаклашиш адлия бўлимларига юклатилганлиги муносабати билан маърузачилар ўз сўзида ҳозирги вақтда кўмаклашувчи комиссиялар томонидан номзодларнинг ҳужжатлари йиғма  жилдлари  шакллантирилмоқда. Шунга, ушбу йиғма жилдларда керакли ҳужжатлариннг тўлиқ мавжудлиги туман (шаҳар) адлия бўлимлари томонидан ўрганилиши, камчиликлар бартараф қилиниши лозим.

Номзодлар йиғма жилдида бўлиши лозим бўлган ҳужжатлар:

1. Маълумотнома (объективка)

2. Сўровнома (номзод томонидан тўлдирилган)

3. Номзоднинг паспорт копияси

4. Таржимаиҳол (қўлда ёзилади)

5. Номзоднинг розилик хати

6. Диплом нусхаси

7. Ишчи гуруҳнинг номзодга берилган тавсияномаси

8. Сактор бошлиғининг тавсияномаси

9. 6х4 расм (2 дона)

Сўровнома, Таржимаиҳол, тавсияномаларда имзоларнинг мавжудлиги ва бошқа ҳужжат юритилишидаги хато ва камчиликлар тўлиқ ўрганилиши лозим.

Шунга кўра жойларда маҳалла фуқаролар йиғинларида номзодларнинг йиғма жилдлари тўлиқ ўрганилиб камчиликлар юзасидан тушинтириш ишлари олиб борилмоқда.

Сурхондарё вилоятида Адлия вазирлиги ҳузуридаги Юристлар малакасини ошириш марказининг малакали профессор ўқитувчилари иштирокида жорий йилнинг 15 апрель кунидан Термиз давлат университетида вилоятдаги давлат органлари ва ташкилотларининг 65 нафар юридик хизмат ходимлари ҳамда 30 нафардан зиёд адвокатларини малакалари ошириш мақсадидаги навбатдаги минтақавий сайёр ўқув курси бошланди.

Ҳуқуқий экспертиза ва юридик хизматларнинг
фаолиятини мувофиқлаштириш бўлими бошлиғи                                           Ғайрат Тиловқобилов

Бугун Сурхондарё вилояти ҳокимлигида ўтказилган Ҳокимлик соати йиғилишда бир марталик акция доирасида кўчмас мулкларга эгалик килиш ҳукуки бериш бўйича Бош прокуратура ва Адлия вазирлиги томонидан ижрога юборилган қўшма кўрсатмадаги топшириқлар муҳокама қилинди. Бу борада оқсоқликларга йўл кўяётган туманлар масъуллари фаолияти танқид қилинди ва қисқа муддатларда акция доирасида белгиланган вазифаларни бажариш  юзасидан тегишли топшириқлар берилди. Бундан ташқари, акция доирасида ялпи якуний хатловни ўтказишга ва фукаролардан мурожаатларни сайёр тартибда олиш ишларига амалий ёрдам кўрсатувчи ишчи гуруҳлар таркиби туман ҳокимларининг фармойишлари билан тасдиқланди ва бу борада ишлар давом эттирилмоқда.

Вилоят адлия бошқармаси
 масъул ходими                                                                     Ҳусниддин Қаршиев

Сурхондарё вилоят адлия бошқармаси тизимидаги туман (шаҳар) адлия бўлимлари томонидан бугунги куннинг долзарб мавзуларидан бири  Вазирлар Маҳкамасининг 2018 йил 21 июндаги “Ўзбошимчалик билан эгаллаб  олинган ер участкаларида ёки иморат қуриш учун рухсатнома олмасдан қурилган турар жойларга нисбатан Ўзбекистон Республикаси Президентининг «Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида» 2018 йил 20 апрелдаги ПФ-5421-сон Фармони ижросини таъминлаш тўғрисида”ги  461-сонли қарори ижроси бўйича маҳаллаларда жойига чиққан ҳолда аризалар олинмоқда.
Адлия бўлимлари томонидан вилоят миқёсида кун якуни бўйича 623 та туман ҳокими қарорлари қабул қилинишига эришилди. 

Вилоят адлия бошқармаси

масъул ходими                                                                     Қ.Чориев

Сурхондарё вилоят адлия бошқармаси мажлислар залида “Экология соҳасида олиб борилаётган ишлар” мавзусида ўқув машғулоти ўтказилди.
Ушбу ўқув машғулотида маърузачилар сўнгги йилларда республикада экологик хавфсизликни таъминлаш, экологик вазиятни яхшилаш, чиқиндиларнинг инсонлар соғлиғига зарарли таъсирининг олдини олиш, атроф-муҳитни муҳофаза қилиш соҳасида техник ва технологик жараёнлар оқибатида юзага келаётган муаммоларни ҳал этишга янги ёндашувларни жорий қилиш бўйича комплекс чора-тадбирлар изчил амалга оширилганлигини билдиришдилар.
Шу билан биргаликда, Ўзбекистон Республикаси Экология ва атроф-муҳитни муҳофаза қилиш давлат қўмитаси фаолиятининг асосий вазифалари этиб қуйидагилар белгиланганлигини: атроф-муҳитнинг қулай экологик ҳолатини, экологик тизимлар, табиий комплекслар ва алоҳида объектлар муҳофаза қилинишини, экологик шароитнинг соғломлаштирилишини таъминлаш, чиқиндилар билан боғлиқ ишларни амалга ошириш соҳасидаги қонунчиликка риоя этилиши устидан давлат экологик назоратини амалга ошириш, маҳаллий давлат ҳокимияти органлари ва фуқароларнинг ўзини ўзи бошқариш органлари билан мустаҳкам ҳамкорликда маиший чиқиндиларни йиғиш, ташиш, утилизация қилиш, қайта ишлаш ва кўмиш борасида таъсирчан тизимни ташкил этиш,  ер ости бойликлари, сув, ўрмонлар, муҳофаза қилинадиган табиий ҳудудлар, ҳайвонот ва ўсимлик дунёсини муҳофаза қилиш ва улардан фойдаланиш, атмосфера ҳавосини муҳофаза қилиш соҳасидаги қонунчиликка риоя этилиши устидан давлат экологик назоратни ўрнатиш, экология ва атроф-муҳитни муҳофаза қилиш ишларини мувофиқлаштириш, табиатни муҳофаза қилиш ва ресурсларни тежаш борасида ягона сиёсатни амалга оширишга оид амалий чора-тадбирларни ишлаб чиқиш ва амалга оширишда идоралараро ҳамкорликни таъминлаш, экология ва атроф-муҳитни муҳофаза қилиш соҳасида давлат кадастрини юритиш, шунингдек, ёввойи ҳайвонларни, ёввойи ўсимликларни кўпайтириш ва сақлаш питомникларини, зоология ва ботаникага оид коллекцияларни давлат томонидан рўйхатга олиниши ҳақида батафсил тушунчалар берилди.
Қизиқарли ўтган ўқув машғулоти давомида барча иштирокчилар томонидан мавзу юзасидан билдирилган саволларга тегишли тушунтиришлар  берилди.

Вилоят адлия бошқармаси

масъул ходими                                                                     Қ.Чориев

Бугун Сурхондарё вилоят адлия бошқармасининг кичик мажлислар залида Ўзбекистон Республикаси Президентининг 2018 йил 26 ноябрдаги “Қимматбаҳо металларни олтин изловчилар усулида қазиб олиш фаолиятини амалга ошириш учун шарт-шароитлар яратиш чора-тадбирлари тўғрисида”ги қарори ҳамда Вазирлар Маҳкамасининг 2019 йил 16 мартдаги “Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги низомни тасдиқлаш ҳақида”ги қарори мазмун-моҳияти ва аҳамияти юзасидан манфаатдор идора ва ташкилот вакиллари ҳамда тадбиркорлар иштирокида семинар ўтказилди.
Семинар давомида қимматбаҳо металларни олтин изловчилар усулида қазиб олиш ҳуқуқини берувчи лицензия олиш, аукцион ўтказиш ҳамда қимматбаҳо металларни олтин изловчилар усулида қазиб олиш тартиби ҳамда қимматбаҳо металларни олтин изловчилар усулида қазиб олиш тартиби ва шартларини бузганлик учун белгиланган жавобгарлик юзасидан батафсил ҳуқуқий тушунтиришлар берилди. 
Семинар тадбири Сурхондарё вилоят "Ишонч" телевидениеси томонидан тасвирга олинди.

Вилоят адлия бошқармаси

масъул ходими                                                                     Қ.Чориев

Адлия вазири ўринбосари Ташкулов Акбар Джурабаевич томонидан Сурхондарё вилоят адлия бошқармаси тизимидаги Термиз шаҳар, Музработ, Қумқўрғон, Шўрчи, Олтинсой ҳамда Термиз туман адлия бўлимларига Nexia-3 хизмат автомашиналари тантанали равишда топширилди.

Вилоят адлия бошқармаси
 масъул ходими                                                                     Ҳусниддин Қаршиев